6ו ויאמר שמעו נא דברי אם יהיה נביאכם--יהוה במראה אליו אתודע בחלום אדבר בו

7ז לא כן עבדי משה  בכל ביתי נאמן הוא

8ח פה אל פה אדבר בו ומראה ולא בחידת ותמנת יהוה יביט ומדוע לא יראתם לדבר בעבדי במשה

9ט ויחר אף יהוה בם וילך 10י והענן סר מעל האהל והנה מרים מצרעת כשלג ויפן אהרן אל מרים והנה מצרעת 11יא ויאמר אהרן אל משה  בי אדני--אל נא תשת עלינו חטאת אשר נואלנו ואשר חטאנו 12יב אל נא תהי כמת אשר בצאתו מרחם אמו ויאכל חצי בשרו 13יג ויצעק משה אל יהוה לאמר  אל נא רפא נא לה  {פ} 14יד ויאמר יהוה אל משה ואביה ירק ירק בפניה--הלא תכלם שבעת ימים תסגר שבעת ימים מחוץ למחנה ואחר תאסף 15טו ותסגר מרים מחוץ למחנה שבעת ימים והעם לא נסע עד האסף מרים

16טז ואחר נסעו העם מחצרות ויחנו במדבר פארן  {פ}