<< Matthew 1 GRK >>


The genealogy of Jesus from Abraham to Joseph.
   1   Βίβλος  γενέσεως  Ἰησοῦ  Χριστοῦ  υἱοῦ  Δαυὶδ  υἱοῦ  Ἀβρααμ. 
   2   Ἀβραὰμ  ἐγέννησεν  τὸν  Ἰσαάκ,  Ισαὰκ  δὲ  ἐγέννησεν  τὸν  Ἰακώβ,  Ἰακὼβ  δὲ  ἐγέννησεν  τὸν  Ἰούδαν  καὶ  τοὺς  άδελφοὺς  αὐτοῦ,  3   Ἰούδας  δὲ  ἐγέννησεν  τὸν  Φαρὲς  καὶ  τὸν  Ζαρὰ  ἐκ  τῆς  Θάμαρ,  Φαρὲς  δὲ  ἐγέννησεν  τὸν  Ἐσρώμ  Ἐσρὼμ  δὲ  ἐγέννησεν  τὸν  Ἀράμ  4   Ἀρὰμ  δὲ  ἐγέννησεν  τὸν  Ἀμιναδάβ  Ἀμιναδὰβ  δὲ  ἐγέννησεν  τὸν  Ναασσών,  Ναασσὼν  δὲ  ἐγέννησεν  τὸν  Σαλμών,  5   Σαλμὼν  δὲ  ἐγέννησεν  τὸν  Βοὲς  ἐκ  τῆς,  Ραχαβ  Βοὲς  δὲ  ἐγέννησεν  τὸν  Ἰωβὴδ  ἐκ  τῆς  Ρούθ  Ἰωβὴδ  δὲ  ἐγέννησεν  τὸν  Ἰεσσαὶ,  6   Ἰεσσαὶ  δὲ  ἐγέννησεν  τὸν  Δαυὶδ  τὸν  βασιλέα. 
   Δαυὶδ  δὲ  ἐγέννησεν  τὸν  Σολομῶνα  ἐκ  τῆς  τοῦ  Οὐρίου,  7   Σολομὼν  δὲ  ἐγέννησεν  τὸν  Ροβοάμ  Ροβοαμ  δὲ  ἐγέννησεν  τὸν  Ἀβιά  Ἀβιὰ  δὲ  ἐγέννησεν  τὸν  Ἀσάφ,  8   Ἀσὰφ  δὲ  ἐγέννησεν  τὸν  Ἰωσαφάτ  Ἰωσαφὰτ  δὲ  ἐγέννησεν  τὸν  Ἰωράμ  Ἰωρὰμ  δὲ  ἐγέννησεν  τὸν  Ὀζίαν,  9   Ὀζίας  δὲ  ἐγέννησεν  τὸν  Ἰωαθάμ  Ἰωαθὰμ  δὲ  ἐγέννησεν  τὸν  Ἄχας  Ἄχας  δὲ  ἐγέννησεν  τὸν  Ἐζεκίαν,  10   Ἐζεκίας  δὲ  ἐγέννησεν  τὸν  Μανασσῆ  Μανασσῆς  δὲ  ἐγέννησεν  τὸν  Ἀμώς  Ἀμὼς  δὲ  ἐγέννησεν  τὸν  Ἰωσίαν,  11   Ἰωσίας  δὲ  ἐγέννησεν  τὸν  Ἰεχονίαν  καὶ  τοὺς  ἀδελφοὺς  αὐτοῦ  ἐπὶ  τῆς  μετοικεσίας  βαβυλῶνος. 
   12   Μετὰ  δὲ  τὴν  μετοικεσίαν  βαβυλῶνος  Ἰεχονίας  ἐγέννησεν  τὸν  Σαλαθιήλ  Σαλαθιὴλ  δὲ  ἐγέννησεν  τὸν  Ζοροβάβελͺ.  13   Ζοροβάβελ  δὲ  ἐγέννησεν  τὸν  Ἀβιούδ,  Ἀβιοὺδ  δὲ  ἐγέννησεν  τὸν  Ἐλιακίμ,  Ἐλιακὶμ  δὲ  ἐγέννησεν  τὸν  Ἀζώρ,  14   Ἀζὼρ  δὲ  ἐγέννησεν  τὸν  Σαδώκ,  Σαδὼκ  δὲ  ἐγέννησεν  τὸν  Ἀχίμ  Ἀχὶμ  δὲ  ἐγέννησεν  τὸν  Ἐλιούδ,  15   Ἐλιοὺδ  δὲ  ἐγέννησεν  τὸν  Ἐλεάζαρ  Ἐλεάζαρ  δὲ  ἐγέννησεν  τὸν  Ματθάν  Ματθὰν  δὲ  ἐγέννησεν  τὸν  Ἰακώβ,  16   Ἰακὼβ  δὲ  ἐγέννησεν  τὸν  Ἰωσὴφ  τὸν  ἄνδρα  Μαρίας  ἐξ  ἧς  ἐγέννηθη  Ἰησοῦς  ὁ  λεγόμενος  χριστός. 
   17   Πᾶσαι  οὖν  αἱ  γενεαὶ  ἀπὸ  Ἀβραὰμ  ἕως  Δαυὶδ  γενεαὶ  δεκατέσσαρες  καὶ  ἀπὸ  Δαυὶδ  ἕως  τῆς  μετοικεσίας  βαβυλῶνος  γενεαὶ  δεκατέσσαρες  καὶ  ἀπὸ  τῆς  μετοικεσίας  βαβυλῶνος  ἕως  τοῦ  Χριστοῦ  γενεαὶ  δεκατέσσαρες. 


He is miraculously conceived of the Holy Spirit by the Virgin Mary.
   18   τοῦ  δὲ  Ἰησοῦ  Χριστοῦ  ἡ  γένεσις  οὕτως  ἦν  μνηστευθείσης  τῆς  μητρὸς  αὐτοῦ  Μαρίας  τῷ  Ἰωσήφ  πρὶν  ἢ  συνελθεῖν  αὐτοὺς  εὑρέθη  ἐν  γαστρὶ  ἔχουσα  ἐκ  πνεύματος  ἁγίου. 


The angel satisfies the doubts of Joseph,
19   Ἰωσὴφ  δὲ  ὁ  ἀνὴρ  αὐτῆς  δίκαιος  ὢν  καὶ  μὴ  θέλων  αὐτὴν  δειγματίσαι  ἐβουλήθη  λάθρᾳ  ἀπολῦσαι  αὐτήν.  20   ταῦτα  δὲ  αὐτοῦ  ἐνθυμηθέντος  ἰδοὺ  ἄγγελος  κυρίου  κατ’  ὄναρ  ἐφάνη  αὐτῷ  λέγων·  Ἰωσὴφ  υἱὸς  Δαυὶδ,  μὴ  φοβηθῇς  παραλαβεῖν  Μαρίαν  τὴν  γυναῖκα  σου·  τὸ  γὰρ  ἐν  αὐτῇ  γεννηθὲν  ἐκ  πνεύματος  ἐστιν  ἁγίου. 


and declares the names and office of Jesus;
21   τέξεται  δὲ  υἱόν,  καὶ  καλέσεις  τὸ  ὄνομα  αὐτοῦ  Ἰησοῦν·  αὐτὸς  γὰρ  σώσει  τὸν  λαὸν  αὐτοῦ  ἀπὸ  τῶν  ἁμαρτιῶν  αὐτῶν.  22   τοῦτο  δὲ  ὅλον  γέγονεν  ἵνα  πληρωθῇ  τὸ  ῥηθὲν  ὑπὸ  κυρίου  διὰ  τοῦ  προφήτου  λέγοντος· 
      23   ἰδοὺ  ἡ  παρθένος  ἐν  γαστρὶ  ἔξει  καὶ  τέξεται  υἱὸν, 
         καὶ  καλέσουσιν  τὸ  ὅνομα  αὐτοῦ  Ἐμμανουηλ, 
ὅ  ἐστιν  μεθερμηνευόμενον  μεθ’  ἡμῶν  ὁ  θεός.  24   ἐγερθεὶς  δὲ  ὁ  Ἰωσὴφ  ἀπὸ  τοῦ  ὕπνου  ἐποίησεν  ὡς  προσέταξεν  αὐτῷ  ὁ  ἄγγελος  κυρίου  καὶ  παρέλαβεν  τὴν  γυναῖκα  αὐτοῦ, 


Jesus is born
25   καὶ  οὐκ  ἐγίνωσκεν  αὐτὴν  ἕως  οὗ  ἔτεκεν  υἱόν·  καὶ  ἐκάλεσεν  τὸ  ὄνομα  αὐτοῦ  Ἰησοῦν. 
<< Matthew 1 >>
Biblos Greek and Hebrew Study Bible © 2010 Biblos.com
Online Parallel Bible