<< Malachi 4 HEB >>


God's judgment on the wicked;
1   כִּֽי־  הִנֵּ֤ה  הַיֹּום֙  בָּ֔א  בֹּעֵ֖ר  כַּתַּנּ֑וּר  וְהָי֨וּ  כָל־  זֵדִ֜ים  וְכָל־  עֹשֵׂ֤ה  רִשְׁעָה֙  קַ֔שׁ  וְלִהַ֨ט  אֹתָ֜ם  הַיֹּ֣ום  הַבָּ֗א  אָמַר֙  יְהוָ֣ה  צְבָאֹ֔ות  אֲשֶׁ֛ר  לֹא־  יַעֲזֹ֥ב  לָהֶ֖ם  שֹׁ֥רֶשׁ  וְעָנָֽף׃ 


and his blessing on the good.
2   וְזָרְחָ֨ה  לָכֶ֜ם  יִרְאֵ֤י  שְׁמִי֙  שֶׁ֣מֶשׁ  צְדָקָ֔ה  וּמַרְפֵּ֖א  בִּכְנָפֶ֑יהָ  וִֽיצָאתֶ֥ם  וּפִשְׁתֶּ֖ם  כְּעֶגְלֵ֥י  מַרְבֵּֽק׃  3   וְעַסֹּותֶ֣ם  רְשָׁעִ֔ים  כִּֽי־  יִהְי֣וּ  אֵ֔פֶר  תַּ֖חַת  כַּפֹּ֣ות  רַגְלֵיכֶ֑ם  בַּיֹּום֙  אֲשֶׁ֣ר  אֲנִ֣י  עֹשֶׂ֔ה  אָמַ֖ר  יְהוָ֥ה  צְבָאֹֽות׃  פ 


He exhorts to the study of the law;
4   זִכְר֕וּ  תֹּורַ֖ת  מֹשֶׁ֣ה  עַבְדִּ֑י  אֲשֶׁר֩  צִוִּ֨יתִי  אֹותֹ֤ו  בְחֹרֵב֙  עַל־  כָּל־  יִשְׂרָאֵ֔ל  חֻקִּ֖ים  וּמִשְׁפָּטִֽים׃ 


and tells of Elijah's coming and office.
5   הִנֵּ֤ה  אָֽנֹכִי֙  שֹׁלֵ֣חַ  לָכֶ֔ם  אֵ֖ת  אֵלִיָּ֣ה  הַנָּבִ֑יא  לִפְנֵ֗י  בֹּ֚וא  יֹ֣ום  יְהוָ֔ה  הַגָּדֹ֖ול  וְהַנֹּורָֽא׃  6   וְהֵשִׁ֤יב  לֵב־  אָבֹות֙  עַל־  בָּנִ֔ים  וְלֵ֥ב  בָּנִ֖ים  עַל־  אֲבֹותָ֑ם  פֶּן־  אָבֹ֕וא  וְהִכֵּיתִ֥י  אֶת־  הָאָ֖רֶץ  חֵֽרֶם׃ 
<< Malachi 4 >>
Biblos Greek and Hebrew Study Bible © 2010 Biblos.com
Online Parallel Bible