<< Mark 16 GRK >>


An Angel declares the resurrection of Jesus to three women.
   1   Καὶ  διαγενομένου  τοὺ  σαββάτου  ἡ  Μαρία  ἡ  Μαγδαληνὴ  καὶ  Μαρία  ἡ  τοῦ  Ἰακώβου  καὶ  Σαλώμη  ἠγόρασαν  ἀρώματα  ἵνα  ἐλθοῦσαι  ἀλείψωσιν  αὐτόν.  2   καὶ  λίαν  πρωῒ  τῇ  μιᾷ  τῶν  σαββάτων  ἔρχονται  ἐπὶ  τὸ  μνημεῖον  ἀνατείλαντος  τοῦ  ἡλίου.  3   καὶ  ἔλεγον  πρὸς  ἑαυτάς·  τίς  ἀποκυλίσει  ἡμῖν  τὸν  λίθον  ἐκ  τῆς  θύρας  τοῦ  μνημείου;  4   καὶ  ἀναβλέψασαι  θεωροῦσιν  ὅτι  ἀνακεκύλισται  ὁ  λίθος·  ἦν  γὰρ  μέγας  σφόδρα.  5   Καὶ  εἰσελθοῦσαι  εἰς  τὸ  μνημεῖον  εἶδον  νεανίσκον  καθήμενον  ἐν  τοῖς  δεξιοῖς  περιβεβλημένον  στολὴν  λευκήν,  καὶ  ἐξεθαμβήθησαν.  6   ὁ  δὲ  λἐγει  αὐταῖς·  μὴ  ἐκθαμβεῖσθε·  Ἰησοῦν  ζητεῖτε  τὸν  Ναζαρηνὸν  τὸν  ἐσταυρωμένον·  ἠγέρθη,  οὐκ  ἔστιν  ὧδε·  ἴδε  ὁ  τόπος  ὅπου  ἔθηκαν  αὐτόν.  7   ἀλλὰ  ὑπάγετε  εἴπατε  τοῖς  μαθηταῖς  αὐτοῦ  καὶ  τῷ  Πέτρῳ  ὅτι  προάγει  ὑμᾶς  εἰς  τὴν  Γαλιλαίαν·  ἐκεῖ  αὐτὸν  ὄψεσθε,  καθὼς  εἶπεν  ὑμῖν.  8   καὶ  ἐξελθοῦσαι  ἔφυγον  ἀπὸ  τοῦ  μνημείου,  εἶχεν  γὰρ  αὐτὰς  τρόμος  καὶ  ἔκστασις·  καὶ  οὐδενὶ  οὐδὲν  εἶπαν·  ἐφοβοῦντο  γὰρ. 


Jesus himself appears to Mary Magdalene;
   9   Ἀναστὰς  δὲ  πρωῒ  πρώτῃ  σαββάτου  ἐφάνη  πρῶτον  Μαρίᾳ  τῇ  Μαγδαληνῇ  παρ’  ἧς  ἐκβεβλήκει  ἑπτὰ  δαιμόνια.  10   ἐκείνη  πορευθεῖσα  ἀπήγγειλεν  τοῖς  μετ’  αὐτοῦ  γενομένοις  πενθοῦσιν  καὶ  κλαίουσιν·  11   κακεῖνοι  ἀκούσαντες  ὅτι  ζῇ  καὶ  ἐθεάθη  ὑπ’  αὐτῆς  ἠπίστησαν. 


to two going into the country;
   12   Μετὰ  δὲ  ταῦτα  δυσὶν  ἐξ  αὐτῶν  περιπατοῦσιν  ἐφανερώθη  ἐν  ἑτέρᾳ  μορφῇ  πορευομένοις  εἰς  ἀγρόν·  13   κακεῖνοι  ἀπελθόντες  ἀπήγγειλαν  τοῖς  λοιποῖς·  οὐδὲ  ἐκείνοις  ἐπίστευσαν. 


then to the apostles;
   14   Ὕστερον  δὲ  ἀνακειμένοις  αὐτοῖς  τοῖς  ἕνδεκα  ἐφανερώθη  καὶ  ὠνείδισεν  τὴν  ἀπιστίαν  αὐτῶν  καὶ  σκληροκαρδίαν  ὅτι  τοῖς  θεασαμένοις  αὐτὸν  ἐγηγερμένον  ἐκ  νεκρῶν  οὐκ  ἐπίστευσαν. 


whom he sends forth to preach the gospel;
15   καὶ  εἶπεν  αὐτοῖς·  πορευθέντες  εἰς  τὸν  κόσμον  ἅπαντα  κηρύξατε  τὸ  εὐαγγέλιον  πάσῃ  τῇ  κτίσει.  16   ὁ  πιστεύσας  καὶ  βαπτισθεὶς  σωθήσεται,  ὁ  δὲ  ἀπιστήσας  κατακριθήσεται.  17   σημεῖα  δὲ  τοῖς  πιστεύσασιν  ἀκολουθήσει  ταῦτα·  ἐν  τῷ  ὀνόματι  μου  δαιμόνια  ἐκβαλοῦσιν,  γλώσσαις  λαλήσουσιν  18   καὶ  ἐν  ταῖς  χερσὶν  ὄφεις  ἀροῦσιν  κὰν  θανάσιμον  τι  πίωσιν  οὐ  μὴ  αὐτοὺς  βλάψῃ,  ἐπὶ  ἀρρώστους  χεῖρας  ἐπιθήσουσιν  καὶ  καλῶς  ἔξουσιν. 


and ascends into heaven.
   19   Ὁ  μὲν  οὖν  κύριος  Ἰησοῦς  μετὰ  τὸ  λαλῆσαι  αὐτοῖς  ἀνελήμφθη  εἰς  τὸν  οὐρανὸν  καὶ  ἐκάθισεν  ἐκ  δεξιῶν  τοῦ  θεοῦ.  20   ἐκεῖνοι  δὲ  ἐξελθόντες  ἐκήρυξαν  πανταχοῦ,  τοῦ  κυρίου  συνεργοῦντος  καὶ  τὸν  λόγον  βεβαιοῦντος  διὰ  τῶν  ἐπακολουθούντων  σημείων.  Πάντα  δὲ  τὰ  παρηγγελμένα  τοῖς  περὶ  τὸν  Πέτρον  συντόμως  ἐξήγγειλαν.  Μετὰ  δὲ  ταῦτα  καὶ  αὐτὸς  ὁ  Ἰησοῦς  ἀπὸ  ἀνατολῆς  καὶ  ἄχρι  δύσεως  ἐξαπέστειλεν  δι’  αὐτῶν  τὸ  ἱερὸν  καὶ  ἄφθαρτον  κήρυγμα  τῆς  αἰωνίου  σωτηρίας. 
<< Mark 16 >>
Biblos Greek and Hebrew Study Bible © 2010 Biblos.com
Online Parallel Bible