<< Galatians 6 GRK >>


He moves them to deal mildly with a brother who has slipped,
   1   Ἀδελφοί,  ἐὰν  καὶ  προλημφθῇ  ἄνθρωπος  ἔν  τινι  παραπτώματι,  ὑμεῖς  οἱ  πνευματικοὶ  καταρτίζετε  τὸν  τοιοῦτον  ἐν  πνεύματι  πραΰτητος,  σκοπῶν  σεαυτὸν  μὴ  καὶ  σὺ  πειρασθῇς. 


and to bear one another's burden;
2   Ἀλλήλων  τὰ  βάρη  βαστάζετε  καὶ  οὕτως  ἀναπληρώσατε  τὸν  νόμον  τοῦ  Χριστοῦ.  3   εἰ  γὰρ  δοκεῖ  τις  εἶναι  τι  μηδὲν  ὤν  φρεναπατᾷ  ἑαυτόν.  4   τὸ  δὲ  ἔργον  ἑαυτοῦ  δοκιμαζέτω  ἕκαστος  καὶ  τότε  εἰς  ἑαυτὸν  μόνον  τὸ  καύχημα  ἕξει  καὶ  οὐκ  εἰς  τὸν  ἕτερον·  5   ἕκαστος  γὰρ  τὸ  ἴδιον  φορτίον  βαστάσει. 


to be generous to their teachers,
6   Κοινωνείτω  δὲ  ὁ  κατηχούμενος  τὸν  λόγον  τῷ  κατηχοῦντι  ἐν  πᾶσιν  ἀγαθοῖς.  7   μὴ  πλανᾶσθε,  θεὸς  οὐ  μυκτηρίζεται.  ὁ  γὰρ  ἐὰν  σπείρῃ  ἄνθρωπος  τοῦτο  καὶ  θερίσει·  8   ὅτι  ὁ  σπείρων  εἰς  τὴν  σάρκα  ἑαυτοῦ  ἐκ  τῆς  σαρκὸς  θερίσει  φθοράν,  ὁ  δὲ  σπείρων  εἰς  τὸ  πνεῦμα  ἐκ  τοῦ  πνεύματος  θερίσει  ζωὴν  αἰώνιον. 


and not weary of well-doing.
9   τὸ  δὲ  καλὸν  ποιοῦντες  μὴ  ἐγκακῶμεν,  καιρῷ  γὰρ  ἰδίῳ  θερίσομεν  μὴ  ἐκλυόμενοι.  10   Ἄρα  οὖν  ὡς  καιρὸν  ἔχωμεν,  ἐργαζώμεθα  τὸ  ἀγαθὸν  πρὸς  πάντας,  μάλιστα  δὲ  πρὸς  τοὺς  οἰκείους  τῆς  πίστεως. 
   11   ἴδετε  πηλίκοις  ὑμῖν  γράμμασιν  ἔγραψα  τῇ  ἐμῇ  χειρί. 


He shows what they intend that preach circumcision.
12   Ὅσοι  θέλουσιν  εὐπροσωπῆσαι  ἐν  σαρκὶ,  οὗτοι  ἀναγκάζουσιν  ὑμᾶς  περιτέμνεσθαι,  μὀνον  ἵνα  τῷ  σταυρῷ  τοῦ  Χριστοῦ  Ἰησοῦ  μὴ  διώκωνται.  13   οὐδὲ  γὰρ  οἱ  περιτεμνόμενοι  αὐτοὶ  νόμον  φυλάσσουσιν,  ἀλλὰ  θέλουσιν  ὑμᾶς  περιτέμνεσθαι  ἵνα  ἐν  τῇ  ὑμετέρᾳ  σαρκὶ  καυχήσωνται. 


He glories in nothing, save in the cross of Christ.
14   Ἐμοὶ  δὲ  μὴ  γένοιτο  καυχᾶσθαι  εἰ  μὴ  ἐν  τῷ  σταυρῷ  τοῦ  κυρίου  ἡμῶν  Ἰησοῦ  Χριστοῦ  δι’  οὗ  ἐμοὶ  κόσμος  ἐσταύρωται  κἀγὼ  κόσμῳ.  15   οὔτε  γὰρ  περιτομή  τί  ἐστιν  οὔτε  ἀκροβυστία  ἀλλὰ  καινὴ  κτίσις.  16   καὶ  ὅσοι  τῷ  κανόνι  τούτῳ  στοιχήσουσιν,  εἰρήνη  ἐπ’  αὐτοὺς  καὶ  ἔλεος  καὶ  ἐπὶ  τὸν  Ἰσραὴλ  τοῦ  θεοῦ. 
   17   Τοῦ  λοιποῦ  κόπους  μοι  μηδεὶς  παρεχέτω·  ἐγὼ  γὰρ  τὰ  στίγματα  τοῦ  Ἰησοῦ  ἐν  τῷ  σώματι  μου  βαστάζω. 
   18   Ἡ  χάρις  τοῦ  κυρίου  ἡμῶν  Ἰησου  Χριστοῦ  μετὰ  τοῦ  πνεύματος  ὑμῶν,  ἀδελφοί·  ἀμήν. 
<< Galatians 6 >>
Biblos Greek and Hebrew Study Bible © 2010 Biblos.com
Online Parallel Bible