<< Galatians 5 GRK >>


He wills them to stand in their liberty,
   1   Τῇ  ἐλευθερίᾳ  ἡμᾶς  Χριστὸς  ἠλευθέρωσεν·  στήκετε  οὖν  καὶ  μὴ  πάλιν  ζυγῷ  δουλείας  ἐνέχεσθε. 
   2   Ἴδε  ἐγὼ  Παῦλος  λέγω  ὑμῖν  ὅτι  ἐὰν  περιτέμνησθε,  Χριστὸς  ὑμᾶς  οὐδὲν  ὠφελήσει. 


and not to observe circumcision;
3   μαρτύρομαι  δὲ  πάλιν  παντὶ  ἀνθρώπῳ  περιτεμνομένῳ  ὅτι  ὀφειλέτης  ἐστὶν  ὅλον  τὸν  νόμον  ποιῆσαι.  4   κατηργήθητε  ἀπὸ  Χριστοῦ,  οἵτινες  ἐν  νόμῳ  δικαιοῦσθε,  τῆς  χάριτος  ἐξεπέσατε.  5   ἡμεῖς  γὰρ  πνεύματι  ἐκ  πίστεως  ἐλπίδα  δικαιοσύνης  ἀπεκδεχόμεθα.  6   ἐν  γὰρ  Χριστῷ  Ἰησοῦ  οὔτε  περιτομή  τι  ἰσχύει  οὔτε  ἀκροβυστία  ἀλλὰ  πίστις  δι’  ἀγάπης  ἐνεργουμένη. 
   7   Ἐτρέχετε  καλῶς·  τίς  ὑμᾶς  ἐνέκοψεν  ἀληθείᾳ  μὴ  πείθεσθαι;  8   ἡ  πεισμονὴ  οὐκ  ἐκ  τοῦ  καλοῦντος  ὑμᾶς.  9   μικρὰ  ζύμη  ὅλον  τὸ  φύραμα  ζυμοῖ.  10   ἐγὼ  πέποιθα  εἰς  ὑμᾶς  ἐν  κυρίῳ  ὅτι  οὐδὲν  ἄλλο  φρονήσετε·  ὁ  δὲ  ταράσσων  ὑμᾶς  βαστάσει  τὸ  κρίμα,  ὅστις  ἐὰν  ᾖ.  11   Ἐγὼ  δέ,  ἀδελφοί,  εἰ  περιτομὴν  ἔτι  κηρύσσω,  τί  ἔτι  διώκομαι;  ἄρα  κατήργηται  τὸ  σκάνδαλον  τοῦ  σταυροῦ.  12   Ὄφελον  καὶ  ἀποκόψονται  οὶ  ἀναστατοῦντες  ὑμᾶς. 


but rather love, which is the sum of the law.
   13   ὑμεῖς  γὰρ  ἐπ’  ἐλευθερίᾳ  ἐκλήθητε,  ἀδελφοί,  μόνον  μὴ  τὴν  ἐλευθερίαν  εἰς  ἀφορμὴν  τῇ  σαρκὶ,  ἀλλὰ  διὰ  τῆς  ἁγάπης  δουλεύετε  ἀλλήλοις.  14   ὁ  γὰρ  πᾶς  νόμος  ἐν  ἑνὶ  λόγῳ  πεπλήρωται  ἐν  τῷ  ἀγαπήσεις  τὸν  πλησίον  σου  ὡς  σεαυτόν.  15   εἰ  δὲ  ἀλλήλους  δάκνετε  καὶ  κατεσθίετε,  βλέπετε  μὴ  ὑπ’  ἀλλήλων  ἀναλωθῆτε. 
   16   Λέγω  δὲ  πνεύματι  περιπατεῖτε  καὶ  ἐπιθυμίαν  σαρκὸς  οὐ  μὴ  τελέσητε.  17   ἡ  γὰρ  σὰρξ  ἐπιθυμεῖ  κατὰ  τοῦ  πνεύματος,  τὸ  δὲ  πνεῦμα  κατὰ  τῆς  σάρκος,  ταῦτα  γὰρ  ἀλλήλοις  ἀντίκειται,  ἵνα  μὴ  ἃ  ἐὰν  θέλητε  ταῦτα  ποιῆτε.  18   εἰ  δὲ  πνεύματι  ἄγεσθε,  οὐκ  ἐστε  ὑπὸ  νόμον. 


He lists the works of the flesh,
19   φανερὰ  δὲ  ἐστιν  τὰ  ἔργα  τῆς  σαρκός,  ἅτινα  ἐστιν  πορνεία,  ἀκαθαρσία  ἀσέλγεια,  20   εἰδωλολατρία,  φαρμακεία,  ἔχθραι,  ἔρις,  ζῆλος  θυμοί,  ἐριθεῖαι,  διχοστασίαι,  αἱρέσεις,  21   φθόνοι,  μέθαι,  κῶμοι  καὶ  τὰ  ὅμοια  τούτοις,  ἃ  προλέγω  ὑμῖν,  καθὼς  προεῖπον  ὅτι  οἱ  τὰ  τοιαῦτα  πράσσοντες  βασιλείαν  θεοῦ  οὐ  κληρονομήσουσιν. 


and the fruits of the Spirit,
   22   ὁ  δὲ  καρπὸς  τοῦ  πνεὐματος  ἐστιν  ἀγάπη  χαρὰ  εἰρήνη,  μακροθυμία  χρηστότης  ἀγαθωσύνη,  πίστις  23   πραΰτης  ἐγκράτεια·  κατὰ  τῶν  τοιούτων  οὐκ  ἔστιν  νόμος.  24   οἱ  δὲ  τοῦ  Χριστοῦ  Ἰησοῦ  τὴν  σάρκα  ἐσταύρωσαν  σὺν  τοῖς  παθήμασιν  καὶ  ταῖς  ἐπιθυμίαις. 


and exhorts to walk in the Spirit.
25   Εἰ  ζῶμεν  πνεύματι,  πνεύματι  καὶ  στοιχῶμεν.  26   μὴ  γινώμεθα  κενόδοξοι,  ἀλλήλους  προκαλούμενοι,  ἀλλήλοις  φθονοῦντες. 
<< Galatians 5 >>
Biblos Greek and Hebrew Study Bible © 2010 Biblos.com
Online Parallel Bible