<< 1 Corinthians 5 GRK >>


The sexual immorality person,
   1   Ὅλως  ἀκούεται  ἐν  ὑμῖν  πορνεία,  καὶ  τοιαύτη  πορνεία  ἥτις  οὐδὲ  ἐν  τοῖς  ἔθνεσιν,  ὥστε  γυναῖκα  τινα  τοῦ  πατρὸς  ἔχειν.  2   καὶ  ὑμεῖς  πεφυσιωμένοι  ἐστὲ  καὶ  οὐχὶ  μᾶλλον  ἐπενθήσατε,  ἵνα  ἀρθῇ  ἐκ  μέσου  ὑμῶν  ὁ  τὸ  ἔργον  τοῦτο  πράξας;  3   ἐγὼ  μὲν  γὰρ  ἀπὼν  τῷ  σώματι  παρὼν  δὲ  τῷ  πνεύματι,  ἤδη  κέκρικα  ὡς  παρὼν  τὸν  οὕτως  τοῦτο  κατεργασάμενον·  4   ἐν  τῷ  ὀνόματι  τοῦ  κυρίου  ἡμῶν  Ἰησοῦ  συναχθέντων  ὑμῶν  καὶ  τοῦ  ἐμοῦ  πνεύματος  σὺν  τῇ  δυνάμει  τοῦ  κυρίου  ἡμῶν  Ἰησοῦ,  5   παραδοῦναι  τὸν  τοιοῦτον  τῷ  σατανᾷ  εἰς  ὄλεθρον  τῆς  σαρκός,  ἵνα  τὸ  πνεῦμα  σωθῇ  ἐν  τῇ  ἡμέρα  τοῦ  κυρίου. 


is cause rather of shame unto them than of rejoicing.
6   Οὐ  καλὸν  τὸ  καύχημα  ὑμῶν.  οὐκ  οἴδατε  ὅτι  μικρὰ  ζύμη  ὅλον  τὸ  φύραμα  ζυμοῖ; 


The old leaven is to be purged out.
7   ἐκκαθάρατε  τὴν  παλαιὰν  ζύμην,  ἵνα  ἦτε  νέον  φύραμα  καθώς  ἐστε  ἄζυμοι·  καὶ  γὰρ  τὸ  πάσχα  ἡμῶν  ἐτύθη  Χριστός.  8   ὥστε  ἑορτάζωμεν  μὴ  ἐν  ζύμῃ  παλαιᾷ  μηδὲ  ἐν  ζύμῃ  κακίας  καὶ  πονηρίας  ἀλλ’  ἐν  ἄζυμοις  εἰλικρινείας  καὶ  ἀληθείας. 
   9   Ἔγραψα  ὑμῖν  ἐν  τῇ  ἐπιστολῇ  μὴ  συναναμίγνυσθαι  πόρνοις, 


Heinous offenders are to be shamed and avoided.
10   οὐ  πάντως  τοῖς  πόρνοις  τοῦ  κόσμου  τούτου  ἢ  τοῖς  πλεονέκταις  καὶ  ἅρπαξιν  ἢ  εἰδωλολάτραις,  ἐπεὶ  ὠφείλετε  ἄρα  ἐκ  τοῦ  κόσμου  ἐξελθεῖν.  11   νῦν  δὲ  ἔγραψα  ὑμῖν  μὴ  συναναμίγνυσθαι  ἐάν  τις  ἀδελφὸς  ὀνομαζόμενος  ᾖ  πόρνος  ἢ  πλεονέκτης  ἢ  εἰδωλολάτρης  ἢ  λοίδορος  ἢ  μέθυσος  ἢ  ἅρπαξ  τῷ  τοιούτῳ  μηδὲ  συνεσθίειν.  12   τί  γάρ  μοι  τοὺς  ἔξω  κρίνειν;  οὐχὶ  τοὺς  ἔσω  ὑμεῖς  κρίνετε;  13   τοὺς  δὲ  ἔξω  ὁ  θεὸς  κρινεῖ.  ἐξάρατε  τὸν  πονηρὸν  ἐξ  ὑμῶν  αὐτῶν. 
<< 1 Corinthians 5 >>
Biblos Greek and Hebrew Study Bible © 2010 Biblos.com
Online Parallel Bible