<< 1 Corinthians 6 GRK >>


The Corinthians must take their brothers to court;
   1   Τολμᾷ  τις  ὑμῶν  πρᾶγμα  ἔχων  πρὸς  τὸν  ἕτερον  κρίνεσθαι  ἐπὶ  τῶν  ἀδίκων  καὶ  οὐχὶ  ἐπὶ  τῶν  ἁγίων;  2   ἢ  οὐκ  οἴδατε  ὅτι  οἱ  ἅγιοι  τὸν  κόσμον  κρινοῦσιν;  καὶ  εἰ  ἐν  ὑμῖν  κρίνεται  ὁ  κόσμος  ἀνάξιοι  ἐστε  κριτηρίων  ἐλαχίστων;  3   οὐκ  οἴδατε  ὅτι  ἀγγέλους  κρινοῦμεν,  μήτι γε  βιωτικά;  4   βιωτικὰ  μὲν  οὖν  κριτήρια  ἐὰν  ἔχητε,  τοὺς  ἐξουθενημένους  ἐν  τῇ  ἐκκλησίᾳ,  τούτους  καθίζετε;  5   πρὸς  ἐντροπὴν  ὑμῖν  λέγω.  οὕτως  οὐκ  ἔνι  ἐν  ὑμῖν  οὐδεὶς  σοφός,  ὃς  δυνήσεται  διακρῖναι  ἀνὰ  μέσον  τοῦ  ἀδελφοῦ  αὐτοῦ; 


especially under infidels.
6   ἀλλὰ  ἀδελφὸς  μετὰ  ἀδελφοῦ  κρίνεται  καὶ  τοῦτο  ἐπὶ  ἀπίστων;  7   ἤδη  μὲν  οὖν  ὅλως  ἥττημα  ὑμῖν  ἐστιν  ὅτι  κρίματα  ἔχετε  μεθ’  ἑαυτῶν.  διὰ  τί  οὐχὶ  μᾶλλον  ἀδικεῖσθε;  διὰ  τί  οὐχὶ  μᾶλλον  ἀποστερεῖσθε;  8   ἀλλὰ  ὑμεῖς  ἀδικεῖτε  καὶ  ἀποστερεῖτε,  καὶ  τοῦτο  ἀδελφούς. 


The wicked shall not inherit the kingdom of God.
9   Ἢ  οὐκ  οἴδατε  ὅτι  ἄδικοι  θεοῦ  βασιλείαν  οὐ  κληρονομήσουσιν;  μὴ  πλανᾶσθε·  οὔτε  πόρνοι  οὔτε  εἰδωλολάτραι  οὔτε  μοιχοὶ  οὔτε  μαλακοὶ  οὔτε  ἀρσενοκοῖται  10   οὔτε  κλέπται  οὔτε  πλεονέκται,  οὐ  μέθυσοι,  οὐ  λοίδοροι,  οὐχ  ἅρπαγες  βασιλείαν  θεοῦ  κληρονομήσουσιν;  11   καὶ  ταῦτα  τινες  ἦτε·  ἀλλὰ  ἀπελούσασθε,  ἀλλὰ  ἡγιάσθητε,  ἀλλὰ  ἐδικαιώθητε  ἐν  τῷ  ὀνόματι  τοῦ  κυρίου  ἡμῶν  Ἰησοῦ  Χριστοῦ  καὶ  ἐν  τῷ  πνεύματι  τοῦ  θεοῦ  ἡμῶν. 
   12   Πάντα  μοι  ἔξεστιν  ἄλλ  οὐ  πάντα  συμφέρει·  πάντα  μοι  ἔξεστιν  ἄλλ’  οὐκ  ἐγὼ  ἐξουσιασθήσομαι  ὑπό  τινος.  13   τὰ  βρώματα  τῇ  κοιλίᾳ  καὶ  ἡ  κοιλία  τοῖς  βρώμασιν,  ὁ  δὲ  θεὸς  καὶ  ταύτην  καὶ  ταῦτα  καταργήσει.  τὸ  δὲ  σῶμα  οὐ  τῇ  πορνείᾳ  ἀλλὰ  τῷ  κυρίῳ,  καὶ  ὁ  κύριος  τῷ  σώματι·  14   ὁ  δὲ  θεὸς  καὶ  τὸν  κύριον  ἤγειρεν  καὶ  ἡμᾶς  ἐξεγερεῖ  διὰ  τῆς  δυνάμεως  αὐτοῦ. 


Our bodies are the members of Christ, and temples of the Holy Spirit:
15   οὐκ  οἴδατε  ὅτι  τὰ  σώματα  ὑμῶν  μέλη  Χριστοῦ  ἐστιν;  ἄρας  οὖν  τὰ  μέλη  τοῦ  Χριστοῦ  ποιήσω  πόρνης  μέλη;  μὴ  γένοιτο.  16   ἢ  οὐκ  οἴδατε  ὅτι  ὁ  κολλώμενος  τῇ  πόρνῃ  ἓν  σῶμα  ἐστιν;  ἔσονται  γὰρ,  φησίν,  οἱ  δύο  εἰς  σάρκα  μίαν.  17   ὁ  δὲ  κολλώμενος  τῷ  κυρίῳ  ἓν  πνεῦμα  ἐστιν.  18   Φεύγετε  τὴν  πορνείαν.  πᾶν  ἁμάρτημα  ὁ  ἐὰν  ποιήσῃ  ἄνθρωπος  ἐκτὸς  τοῦ  σώματος  ἐστιν·  ὁ  δὲ  πορνεύων  εἰς  τὸ  ἴδιον  σῶμα  ἁμαρτάνει. 


they must not therefore be defiled.
19   ἢ  οὐκ  οἴδατε  ὅτι  τὸ  σῶμα  ὑμῶν  ναὸς  τοῦ  ἐν  ὑμῖν  ἁγίου  πνεύματος  ἐστιν  οὗ  ἔχετε  ἀπὸ  θεοῦ,  καὶ  οὐκ  ἐστε  ἑαυτῶν;  20   ἠγοράσθητε  γὰρ  τιμῆς·  δοξάσατε  δὴ  τὸν  θεὸν  ἐν  τῷ  σώματι  ὑμῶν. 
<< 1 Corinthians 6 >>
Biblos Greek and Hebrew Study Bible © 2010 Biblos.com
Online Parallel Bible