<< 1 Corinthians 4 GRK >>


In what account the apostles ought to be regarded.
   1   οὕτως  ἡμᾶς  λογιζέσθω  ἄνθρωπος  ὡς  ὑπηρέτας  Χριστοῦ  καὶ  οἰκονόμους  μυστηρίων  θεοῦ.  2   ὧδε  λοιπὸν  ζητεῖται  ἐν  τοῖς  οἰκονόμοις  ἵνα  πιστός  τις  εὑρεθῇ.  3   ἐμοὶ  δὲ  εἰς  ἐλάχιστον  ἐστιν,  ἵνα  ὑφ’  ὑμῶν  ἀνακριθῶ  ἢ  ὑπὸ  ἀνθρωπίνης  ἡμέρας·  ἀλλ’  οὐδὲ  ἐμαυτὸν  ἀνακρίνω.  4   οὐδὲν  γὰρ  ἐμαυτῷ  σύνοιδα,  ἀλλ’  οὐκ  ἐν  τούτῳ  δεδικαίωμαι,  ὸ  δὲ  ἀνακρίνων  με  κύριος  ἐστιν.  5   ὥστε  μὴ  πρὸ  καιροῦ  τι  κρίνετε  ἕως  ἂν  ἐλθῃ  ὁ  κύριος,  ὃς  καὶ  φωτίσει  τὰ  κρυπτὰ  τοῦ  σκότους  καὶ  φανερώσει  τὰς  βουλὰς  τῶν  καρδιῶν·  καὶ  τότε  ὁ  ἔπαινος  γενήσεται  ἑκάστῳ  ἀπὸ  τοῦ  θεοῦ. 
   6   Ταῦτα  δέ,  ἀδελφοί,  μετεσχημάτισα  εἰς  ἐμαυτὸν  καὶ  Ἀπολλῶν  δι’  ὑμᾶς,  ἵνα  ἐν  ἡμῖν  μάθητε  τὸ  μὴ  ὑπὲρ  ἃ  γέγραπται,  ἵνα  μὴ  εἷς  ὑπὲρ  τοῦ  ἑνὸς  φυσιοῦσθε  κατὰ  τοῦ  ἑτέρου. 


We have nothing which we have not received.
7   τίς  γάρ  σε  διακρίνει;  τί  δὲ  ἔχεις  ὃ  οὐκ  ἔλαβες;  εἰ  δὲ  καὶ  ἔλαβες,  τί  καυχᾶσαι  ὡς  μὴ  λαβών;  8   ἤδη  κεκορεσμένοι  ἐστέ,  ἤδη  ἐπλουτήσατε,  χωρὶς  ἡμῶν  ἐβασιλεύσατε·  καὶ  ὄφελον  γε  ἐβασιλεύσατε,  ἵνα  καὶ  ἡμεῖς  ὑμῖν  συμβασιλεύσωμεν. 


The apostles spectacles to the world, angels, and men;
9   δοκῶ  γάρ,  ὁ  θεὸς  ἡμᾶς  τοὺς  ἀποστόλους  ἐσχάτους  ἀπέδειξεν  ὡς  ἐπιθανατίους,  ὅτι  θέατρον  ἐγενήθημεν  τῷ  κόσμῳ  καὶ  ἀγγέλοις  καὶ  ἀνθρώποις.  10   ἡμεῖς  μωροὶ  διὰ  Χριστόν,  ὑμεῖς  δὲ  φρόνιμοι  ἐν  Χριστῷ·  ἡμεῖς  ἀσθενεῖς,  ὑμεῖς  δὲ  ἰσχυροί·  ὑμεῖς  ἔνδοξοι,  ἡμεῖς  δὲ  ἄτιμοι.  11   ἄχρι  τῆς  ἄρτι  ὥρας  καὶ  πεινῶμεν  καὶ  διψῶμεν  καὶ  γυμνιτεύομεν  καὶ  κολαφιζόμεθα  καὶ  ἀστατοῦμεν  12   καὶ  κοπιῶμεν  ἐργαζόμενοι  ταῖς  ἰδίαις  χερσίν  λοιδορούμενοι  εὐλογοῦμεν,  διωκόμενοι  ἀνεχόμεθα, 


the filth and offscouring of the world;
13   δυσφημούμενοι  παρακαλοῦμεν·  ὡς  περικαθάρματα  τοῦ  κόσμου  ἐγενήθημεν,  πάντων  περίψημα  ἕως  ἄρτι. 
   14   Οὐκ  ἐντρέπων  ὑμᾶς  γράφω  ταῦτα  ἀλλ’  ὡς  τέκνα  μου  ἀγαπητὰ  νουθετῶν. 


yet our fathers in Christ;
15   ἐὰν  γὰρ  μυρίους  παιδαγωγοὺς  ἔχητε  ἐν  Χριστῷ  ἀλλ’  οὐ  πολλοὺς  πατέρας·  ἐν  γὰρ  Χριστῷ  Ἰησοῦ  διὰ  τοῦ  εὐαγγελίου  ἐγὼ  ὑμᾶς  ἐγέννησα. 


whom we ought to follow.
16   Παρακαλῶ  οὖν  ὑμᾶς,  μιμηταί  μου  γίνεσθε.  17   Διὰ  τοῦτο  ἔπεμψα  ὑμῖν  Τιμόθεον,  ὃς  ἐστιν  μου  τέκνον  ἀγαπητὸν  καὶ  πιστὸν  ἐν  κυρίῳ,  ὃς  ὑμᾶς  ἀναμνήσει  τὰς  ὁδούς  μου  τὰς  ἐν  Χριστῷ  Ἰησοῦ,  καθὼς  πανταχοῦ  ἐν  πάσῃ  ἐκκλησίᾳ  διδάσκω.  18   Ὡς  μὴ  ἐρχομένου  δέ  μου  πρὸς  ὑμᾶς  ἐφυσιώθησαν  τινες·  19   ἐλεύσομαι  δὲ  ταχέως  πρὸς  ὑμᾶς  ἐὰν  ὁ  κύριος  θελήσῃ,  καὶ  γνώσομαι  οὐ  τὸν  λόγον  τῶν  πεφυσιωμένων  ἀλλὰ  τὴν  δύναμιν·  20   οὐ  γὰρ  ἐν  λόγῳ  ἡ  βασιλεία  τοῦ  θεοῦ  ἀλλ’  ἐν  δυνάμει·  21   τί  θέλετε;  ἐν  ῥάβδῳ  ἔλθω  πρὸς  ὑμᾶς  ἢ  ἐν  ἀγάπῃ  πνεύματι  τε  πραΰτητος; 
<< 1 Corinthians 4 >>
Biblos Greek and Hebrew Study Bible © 2010 Biblos.com
Online Parallel Bible