<< 1 Corinthians 3 GRK >>


Milk is fit for children.
   1   Καγώ,  ἀδελφοί,  οὐκ  ἠδυνήθην  λαλῆσαι  ὑμῖν  ὡς  πνευματικοῖς  ἀλλ’  ὡς  σαρκίνοις,  ὡς  νηπίοις  ἐν  Χριστῷ.  2   γάλα  ὑμᾶς  ἐπότισα  οὐ  βρῶμα·  οὔπω  γὰρ  ἐδύνασθε.  ἀλλ’  οὐδὲ  ἔτι  νῦν  δύνασθε, 


Strife and division, arguments of a fleshly mind.
3   ἔτι  γὰρ  σαρκικοί  ἐστε  ὅπου  γὰρ  ἐν  ὑμῖν  ζῆλος  καὶ  ἔρις,  οὐχὶ  σαρκικοί  ἐστε,  καὶ  κατὰ  ἄνθρωπον  περιπατεῖτε;  4   ὅταν  γὰρ  λέγῃ  τις·  ἐγὼ  μέν  εἰμι  Παύλου,  ἕτερος  δὲ  ἐγὼ  Ἀπολλῶ,  οὐκ  ἄνθρωποι  ἐστε;  5   Τί  οὖν  ἐστιν  Ἀπολλῶς;  τι  δέ  ἐστιν  Παῦλος;  διάκονοι  δι’  ὧν  ἐπιστεύσατε  καὶ  ἑκάστῳ  ὡς  ὁ  κύριος  ἔδωκεν.  6   ἐγὼ  ἐφύτευσα,  Ἀπολλῶς  ἐπότισεν,  ἀλλὰ  ὁ  θεὸς  ἠύξανεν· 


He who plants and He who waters are nothing.
7   ὥστε  οὔτε  ὁ  φυτεύων  ἐστιν  τι  οὔτε  ὁ  ποτίζων  ἀλλ’  ὁ  αὐξάνων  θεός.  8   ὁ  φυτεύων  δὲ  καὶ  ὁ  ποτίζων  ἕν  εἰσιν,  ἕκαστος  δὲ  τὸν  ἴδιον  μισθὸν  λήμψεται  κατὰ  τὸν  ἴδιον  κόπον· 


The ministers are God's fellow workmen.
9   θεοῦ  γὰρ  ἐσμεν  συνεργοὶ  θεοῦ  γεώργιον,  θεοῦ  οἰκοδομή  ἐστε. 
   10   Κατὰ  τὴν  χάριν  τοῦ  θεοῦ  τὴν  δοθεῖσαν  μοι  ὡς  σοφὸς  ἀρχιτέκτων  θεμέλιον  ἔθηκα,  ἄλλος  δὲ  ἐποικοδομεῖ.  ἕκαστος  δὲ  βλεπέτω  πῶς  ἐποικοδομεῖ. 


Christ the only foundation.
11   θεμέλιον  γὰρ  ἄλλον  οὐδεὶς  δύναται  θεῖναι  παρὰ  τὸν  κείμενον,  ὅς  ἐστιν  Ἰησοῦς  Χριστός.  12   εἰ  δέ  τις  ἐποικοδομεῖ  ἐπὶ  τὸν  θεμέλιον  χρυσίον,  αργύριον,  λίθους  τιμίους,  ξύλα,  χόρτον  καλάμην,  13   ἑκάστου  τὸ  ἔργον  φανερὸν  γενήσεται,  ἡ  γὰρ  ἡμέρα  δηλώσει,  ὅτι  ἐν  πυρὶ  ἀποκαλύπτεται·  καὶ  ἑκάστου  τὸ  ἔργον  ὁποῖον  ἐστιν  τὸ  πῦρ  αὐτὸ  δοκιμάσει.  14   εἴ  τινος  τὸ  ἔργον  μενεῖ  ὃ  ἐποικοδόμησεν,  μισθὸν  λήμψεται·  15   εἴ  τινος  τὸ  ἔργον  κατακαήσεται,  ζημιωθήσεται,  αὐτὸς  δὲ  σωθήσεται,  οὕτως  δὲ  ὡς  διὰ  πυρός. 


You are the temples of God, which must be kept holy.
16   Οὐκ  οἴδατε  ὅτι  ναὸς  θεοῦ  ἐστε  καὶ  τὸ  πνεῦμα  τοῦ  θεοῦ  ἐν  ὑμῖν  οἰκεῖ;  17   εἴ  τις  τὸν  ναὸν  τοῦ  θεοῦ  φθείρει,  φθερεῖ  τοῦτον  ὁ  θεός·  ὁ  γὰρ  ναὸς  τοῦ  θεοῦ  ἅγιος  ἐστιν,  οἵτινες  ἐστε  ὑμεῖς. 
   18   Μηδεὶς  ἑαυτὸν  ἐξαπατάτω·  εἴ  τις  δοκεῖ  σοφὸς  εἶναι  ἐν  ὑμῖν  ἐν  τῷ  αἰῶνι  τούτῳ,  μωρὸς  γενέσθω,  ἵνα  γένηται  σοφός. 


The wisdom of this world is foolishness with God.
19   ἡ  γὰρ  σοφία  τοῦ  κόσμου  τούτου  μωρία  παρὰ  τῷ  θεῷ  ἐστιν.  γέγραπται  γάρ· 
      ὁ  δρασσόμενος  τοὺς  σοφοὺς 
            ἐν  τῇ  πανουργίᾳ  αὐτῶν· 
20   καὶ  πάλιν· 
      κύριος  γινώσκει  τοὺς  διαλογισμοὺς  τῶν  σοφῶν 
            ὅτι  εἰσιν  μάταιοι. 
   21   ὥστε  μηδεὶς  καυχάσθω  ἐν  ἀνθρώποις·  πάντα  γὰρ  ὑμῶν  ἐστιν,  22   εἴτε  Παῦλος  εἴτε  Ἀπολλῶς  εἴτε  Κηφᾶς,  εἴτε  κόσμος  εἴτε  ζωὴ  εἴτε  θάνατος,  εἴτε  ἐνεστῶτα  εἴτε  μέλλοντα  πάντα  ὑμῶν,  23   ὑμεῖς  δὲ  Χριστοῦ,  Χριστὸς  δὲ  θεοῦ. 
<< 1 Corinthians 3 >>
Biblos Greek and Hebrew Study Bible © 2010 Biblos.com
Online Parallel Bible