<< 1 Corinthians 13 GRK >>


All gifts,
   1   Ἐὰν  ταῖς  γλώσσαις  τῶν  ἀνθρώπων  λαλῶ  καὶ  τῶν  ἀγγέλων,  ἀγάπην  δὲ  μὴ  ἔχω,  γέγονα  χαλκὸς  ἠχῶν  ἢ  κύμβαλον  ἀλαλάζον.  2   κἂν  ἔχω  προφητείαν  καὶ  εἰδῶ  τὰ  μυστήρια  πάντα  καὶ  πᾶσαν  τὴν  γνῶσιν  κἂν  ἔχω  πᾶσαν  τὴν  πίστιν  ὥστε  ὄρη  μεθιστάνειν,  ἀγάπην  δὲ  μὴ  ἔχω,  οὐθέν  εἰμι. 


however excellent, are of no worth without love.
3   κἂν  ψωμίσω  πάντα  τὰ  ὑπάρχοντα  μου  κἂν  παραδῶ  τὸ  σῶμα  μου  ἵνα  καυχήσωμαι,  ἀγάπην  δὲ  μὴ  ἔχω  οὐδὲν  ὠφελοῦμαι. 


The praises thereof,
   4   Ἡ  ἀγάπη  μακροθυμεῖ,  χρηστεύεται  ἡ  ἀγάπη,  οὐ  ζηλοῖ,  οὐ  περπερεύεται,  οὐ  φυσιοῦται,  5   οὐκ  ἀσχημονεῖ,  οὐ  ζητεῖ  τὰ  ἑαυτῆς,  οὐ  παροξύνεται,  οὐ  λογίζεται  τὸ  κακόν,  6   οὐ  χαίρει  ἐπὶ  τῇ  ἀδικίᾳ,  συγχαίρει  δὲ  τῇ  ἀληθείᾳ·  7   πάντα  στέγει,  πάντα  πιστεύει,  πάντα  ἐλπίζει,  πάντα  ὑπομένει. 
   8   Ἡ  ἀγάπη  οὐδέποτε  πίπτει·  εἴτε  δὲ  προφητεῖαι  καταργηθήσονται·  εἴτε  γλῶσσαι  παύσονται·  εἴτε  γνῶσις  καταργηθήσεται.  9   ἐκ  μέρους  γὰρ  γινώσκομεν  καὶ  ἐκ  μέρους  προφητεύομεν·  10   ὅταν  δὲ  ἔλθῃ  τὸ  τέλειον,  τὸ  ἐκ  μέρους  καταργηθήσεται.  11   ὅτε  ἥμην  νήπιος,  ἐλάλουν  ὡς  νήπιος,  ἐφρόνουν  ὡς  νήπιος,  ἐλογιζόμην  ὡς  νήπιος·  ὅτε  γέγονα  ἀνήρ,  κατήργηκα  τὰ  τοῦ  νηπίου.  12   βλέπομεν  γὰρ  ἄρτι  δι’  ἐσόπτρου  ἐν  αἰνίγματι,  τότε  δὲ  πρόσωπον  πρὸς  πρόσωπον·  ἄρτι  γινώσκω  ἐκ  μέρους,  τότε  δὲ  ἐπιγνώσομαι  καθὼς  καὶ  ἐπεγνώσθην. 


as love is greatest before hope and faith.
13   Νυνὶ  δὲ  μένει  πίστις,  ἐλπίς,  ἀγάπη,  τὰ  τρία  ταῦτα·  μείζων  δὲ  τούτων  ἡ  ἀγάπη. 
<< 1 Corinthians 13 >>
Biblos Greek and Hebrew Study Bible © 2010 Biblos.com
Online Parallel Bible