<< 1 Corinthians 14 GRK >>


Prophecy is commended,
   1   Διώκετε  τὴν  ἀγάπην,  ζηλοῦτε  δὲ  τὰ  πνευματικά,  μᾶλλον  δὲ  ἵνα  προφητεύητε. 


and preferred before speaking in tongues,
2   ὁ  γὰρ  λαλῶν  γλώσσῃ  οὐκ  ἀνθρώποις  λαλεῖ  ἀλλὰ  θεῷ·  οὐδεὶς  γὰρ  ἀκούει,  πνεύματι  δὲ  λαλεῖ  μυστήρια·  3   ὁ  δὲ  προφητεύων  ἀνθρώποις  λαλεὶ  οἰκοδομὴν  καὶ  παράκλησιν  καὶ  παραμυθίαν.  4   ὁ  λαλῶν  γλώσσῃ  ἑαυτὸν  οἰκοδομεῖ·  ὁ  δὲ  προφητεύων  ἐκκλησίαν  οἰκοδομεῖ.  5   θέλω  δὲ  πάντας  ὑμᾶς  λαλεῖν  γλώσσαις,  μᾶλλον  δὲ  ἵνα  προφητεύητε·  μείζων  δὲ  ὁ  προφητεύων  ἢ  ὁ  λαλῶν  γλώσσαις  ἐκτὸς  εἰ  μὴ  διερμηνεύῃ,  ἵνα  ἡ  ἐκκλησία  οἰκοδομὴν  λάβῃ. 


by a comparison drawn from musical instruments.
   6   Νῦν  δὲ,  ἀδελφοί,  ἐὰν  ἔλθω  πρὸς  ὑμᾶς  γλώσσαις  λαλῶν,  τί  ὑμᾶς  ὠφελήσω  ἐὰν  μὴ  ὑμῖν  λαλήσω  ἢ  ἐν  ἀποκαλύψει  ἢ  ἐν  γνώσει  ἢ  ἐν  προφητείᾳ  ἢ  ἐν  διδαχῇ;  7   ὅμως  τὰ  ἄψυχα  φωνὴν  διδόντα,  εἴτε  αὐλὸς  εἴτε  κιθάρα,  ἐὰν  διαστολὴν  τοῖς  φθόγγοις  μὴ  δῷ,  πῶς  γνωσθήσεται  τὸ  αὐλούμενον  ἢ  τὸ  κιθαριζόμενον;  8   καὶ  γὰρ  ἐὰν  ἄδηλον  σάλπιγξ  φωνὴν  δῷ,  τίς  παρασκευάσεται  εἰς  πόλεμον;  9   οὕτως  καὶ  ὑμεῖς  διὰ  τῆς  γλώσσης  ἐὰν  μὴ  εὔσημον  λόγον  δῶτε,  πῶς  γνωσθήσεται  τὸ  λαλούμενον;  ἔσεσθε  γὰρ  εἰς  ἀέρα  λαλοῦντες.  10   τοσαῦτα  εἰ  τύχοι  γένη  φωνῶν  εἰσιν  ἐν  κόσμῳ  καὶ  οὐδὲν  ἄφωνον·  11   ἐὰν  οὖν  μὴ  εἰδῶ  τὴν  δύναμιν  τῆς  φωνῆς,  ἔσομαι  τῷ  λαλοῦντι  βάρβαρος  καὶ  ὁ  λαλῶν  ἐν  ἐμοὶ  βάρβαρος. 


Both must be referred to edification,
12   οὕτως  καὶ  ὑμεῖς,  ἐπεὶ  ζηλωταί  ἐστε  πνευμάτων  πρὸς  τὴν  οἰκοδομὴν  τῆς  ἐκκλησίας  ζητεῖτε  ἵνα  περισσεύητε.  13   Διὸ  ὁ  λαλῶν  γλώσσῃ  προσευχέσθω  ἵνα  διερμηνεύῃ.  14   ἐὰν  γὰρ  προσεύχωμαι  γλώσσῃ  τὸ  πνεῦμα  μου  προσεύχεται,  ὁ  δὲ  νοῦς  μου  ἄκαρπος  ἐστιν.  15   τί  οὖν  ἐστιν;  προσεύξομαι  τῷ  πνεύματι,  προσεύξομαι  δὲ  καὶ  τῷ  νοΐ·  ψαλῶ  τᾦ  πνεύματι,  ψαλῶ  δὲ  καὶ  τῷ  νοΐ.  16   ἐπεὶ  ἐὰν  εὐλογῇς  ἐν  πνεύματι,  ὁ  ἀναπληρῶν  τὸν  τόπον  τοῦ  ἰδιώτου  πῶς  ἐρεῖ  τὸ  ἀμὴν  ἐπὶ  τῇ  σῇ  εὐχαριστίᾳ;  ἐπειδὴ  τί  λέγεις  οὐκ  οἶδεν·  17   σὺ  μὲν  γὰρ  καλῶς  εὐχαριστεῖς  ἀλλ’  ὁ  ἕτερος  οὐκ  οἰκοδομεῖται.  18   Εὐχαριστῶ  τῷ  θεῷ,  πάντων  ὑμῶν  μᾶλλον  γλώσσαις  λαλῶ·  19   ἀλλὰ  ἐν  ἐκκλησίᾳ  θέλω  πέντε  λόγους  τῷ  νοΐ  μου  λαλῆσαι,  ἵνα  καὶ  ἄλλους  κατηχήσω,  ἢ  μυρίους  λόγους  ἐν  γλώσσῃ. 
   20   Ἀδελφοί,  μὴ  παιδία  γίνεσθε  ταῖς  φρεσὶν  ἀλλὰ  τῇ  κακίᾳ  νηπιάζετε,  ταῖς  δὲ  φρεσὶν  τέλειοι  γίνεσθε.  21   ἐν  τῷ  νόμῳ  γέγραπται  ὅτι 
      ἐν  ἑτερογλώσσοις 
            καὶ  ἐν  χείλεσιν  ἑτέρων 
         λαλήσω  τῷ  λαῷ  τούτῳ 
            καὶ  οὐδ’  οὕτως  εἰσακούσονται  μου, 
         λέγει  κύριος. 


as to their true and proper end.
22   ὥστε  αἱ  γλῶσσαι  εἰς  σημεῖον  εἰσιν  οὐ  τοῖς  πιστεύουσιν  ἀλλὰ  τοῖς  ἀπίστοις,  ἡ  δὲ  προφητεία  οὐ  τοῖς  ἀπίστοις  ἀλλὰ  τοῖς  πιστεύουσιν.  23   Ἐὰν  οὖν  συνέλθῃ  ἡ  ἐκκλησία  ὅλη  ἐπὶ  τὸ  αὐτὸ  καὶ  πάντες  λαλῶσιν  γλώσσαις,  εἰσέλθωσιν  δὲ  ἰδιῶται  ἢ  ἄπιστοι  οὐκ  ἐροῦσιν  ὅτι  μαίνεσθε;  24   ἐὰν  δὲ  πάντες  προφητεύωσιν,  εἰσέλθῃ  δὲ  τις  ἄπιστος  ἢ  ἰδιώτης  ἐλέγχεται  ὑπὸ  πάντων,  ἀνακρίνεται  ὑπὸ  πάντων,  25   τὰ  κρυπτὰ  τῆς  καρδίας  αὐτοῦ  φανερὰ  γίνεται,  καὶ  οὕτως  πεσὼν  ἐπὶ  πρόσωπον  προσκυνήσει  τῷ  θεῷ  ἀπαγγέλλων  ὅτι  ὄντως  ὁ  θεὸς  ἐν  ὑμῖν  ἐστιν. 


The true use of each is taught,
   26   Τί  οὖν  ἐστιν,  ἀδελφοί;  ὅταν  συνέρχησθε,  ἕκαστος  ψαλμὸν  ἔχει,  διδαχὴν  ἔχει,  ἀποκάλυψιν  ἔχει,  γλῶσσαν  ἔχει,  ἑρμηνείαν  ἔχει·  πάντα  πρὸς  οἰκοδομὴν  γινέσθω. 


and the abuse rebuked.
27   εἴτε  γλώσσῃ  τις  λαλεῖ,  κατὰ  δύο  ἢ  τὸ  πλεῖστον  τρεῖς  καὶ  ἀνὰ  μέρος,  καὶ  εἷς  διερμηνευέτω·  28   ἐὰν  δὲ  μὴ  ᾖ  διερμηνευτής,  σιγάτω  ἐν  ἐκκλησίᾳ,  ἑαυτῷ  δὲ  λαλείτω  καὶ  τῷ  θεῷ.  29   προφῆται  δὲ  δύο  ἢ  τρεῖς  λαλείτωσαν  καὶ  οἱ  ἄλλοι  διακρινέτωσαν·  30   ἐὰν  δὲ  ἄλλῳ  ἀποκαλυφθῇ  καθημένῳ,  ὁ  πρῶτος  σιγάτω.  31   δύνασθε  γὰρ  καθ’  ἕνα  πάντες  προφητεύειν,  ἵνα  πάντες  μανθάνωσιν  καὶ  πάντες  παρακαλῶνται.  32   καὶ  πνεύματα  προφητῶν  προφήταις  ὑποτάσσεται,  33   οὐ  γάρ  ἐστιν  ἀκαταστασίας  ὁ  θεὸς  ἀλλὰ  εἰρήνης. 
   Ὡς  ἐν  πάσαις  ταῖς  ἐκκλησίαις  τῶν  ἁγίων 


Women in the churches.
34   αἱ  γυναῖκες  ἐν  ταῖς  ἐκκλησίαις  σιγάτωσαν·  οὐ  γὰρ  ἐπιτρέπεται  αὐταῖς  λαλεῖν,  ἀλλὰ  ὑποτασσέσθωσαν,  καθὼς  καὶ  ὁ  νόμος  λέγει.  35   εἰ  δέ  τι  μανθάνειν  θέλουσιν,  ἐν  οἴκω  τοὺς  ἰδίους  ἄνδρας  ἐπερωτάτωσαν·  αἰσχρὸν  γάρ  ἐστιν  γυναικὶ  λαλεῖν  ἐν  ἐκκλησίᾳ.  36   ἢ  ἀφ’  ὑμῶν  ὁ  λόγος  τοῦ  θεοῦ  ἐξῆλθεν,  ἢ  εἰς  ὑμᾶς  μόνους  κατήντησεν; 
   37   Εἴ  τις  δοκεῖ  προφήτης  εἶναι  ἢ  πνευματικός,  ἐπιγινωσκέτω  ἃ  γράφω  ὑμῖν  ὅτι  κυρίου  ἐστὶν  ἐντολή·  38   εἰ  δέ  τις  ἀγνοεῖ,  αγνοεῖται.  39   Ὥστε,  ἀδελφοί  μου,  ζηλοῦτε  τὸ  προφητεύειν  καὶ  τὸ  λαλεῖν  μὴ  κωλύετε  γλώσσαις·  40   πάντα  δὲ  εὐσχημόνως  καὶ  κατὰ  τάξιν  γινέσθω. 
<< 1 Corinthians 14 >>
Biblos Greek and Hebrew Study Bible © 2010 Biblos.com
Online Parallel Bible