Psalm 76 Aleppo Codex 1א למנצח בנגינת מזמור לאסף שיר ב נודע ביהודה אלהים בישראל גדול שמו 2ג ויהי בשלם סוכו ומעונתו בציון 3ד שמה שבר רשפי-קשת מגן וחרב ומלחמה סלה 4ה נאור אתה אדיר-- מהררי-טרף 5ו אשתוללו אבירי לב-- נמו שנתם ולא-מצאו כל-אנשי-חיל ידיהם 6ז מגערתך אלהי יעקב נרדם ורכב וסוס 7ח אתה נורא אתה--ומי-יעמד לפניך מאז אפך 8ט משמים השמעת דין ארץ יראה ושקטה 9י בקום-למשפט אלהים-- להושיע כל-ענוי-ארץ סלה 10יא כי-חמת אדם תודך שארית חמת תחגר 11יב נדרו ושלמו ליהוה אלהיכם כל-סביביו--יבילו שי למורא 12יג יבצר רוח נגידים נורא למלכי-ארץ The Aleppo Codex without Vowel Points or Punctuation Based on the electronic edition at mechon-mamre.org. For comparative study, where possible, chapter and verse numbers on Biblos.com sites are mapped to the traditional convention used by the KJV, NASB, NIV and others. |
    |