<< Romans 7 GRK >>


No law has power over a man longer than he lives.
   1   Ἢ  ἀγνοεῖτε  ἀδελφοὶ,  γινώσκουσιν  γὰρ  νόμον  λαλῶ,  ὅτι  ὁ  νόμος  κυριεύει  τοῦ  ἀνθρώπου  ἐφ’  ὅσον  χρόνον  ζῇ;  2   ἡ  γὰρ  ὕπανδρος  γυνὴ  τῷ  ζῶντι  ἀνδρὶ  δέδεται  νόμῳ·  ἐὰν  δὲ  ἀποθάνῃ  ὁ  ἀνήρ,  κατήργηται  ἀπὸ  τοῦ  νόμου  τοῦ  ἀνδρός.  3   ἄρα  οὖν  ζῶντος  τοῦ  ἀνδρὸς  μοιχαλὶς  χρηματίσει  ἐὰν  γένηται  ἀνδρὶ  ἑτέρῳ·  ἐὰν  δὲ  ἀποθάνῃ  ὁ  ἀνὴρ,  ἐλευθέρα  ἐστὶν  ἀπὸ  τοῦ  νόμου,  τοῦ  μὴ  εἶναι  αὐτὴν  μοιχαλίδα  γενομένην  ἀνδρὶ  ἑτέρῳ. 


But we are dead to the law.
4   ὥστε,  ἀδελφοί  μου,  καὶ  ὑμεῖς  ἐθανατώθητε  τῷ  νόμῳ  διὰ  τοῦ  σώματος  τοῦ  Χριστοῦ,  εἰς  τὸ  γενέσθαι  ὑμᾶς  ἑτέρῳ  τῷ  ἐκ  νεκρῶν  ἐγερθέντι,  ἵνα  καρποφορήσωμεν  τῷ  θεῷ.  5   ὅτε  γὰρ  ἦμεν  ἐν  τῇ  σαρκί,  τὰ  παθήματα  τῶν  ἁμαρτιῶν  τὰ  διὰ  τοῦ  νόμου  ἐνηργεῖτο  ἐν  τοῖς  μέλεσιν  ἡμῶν,  εἰς  τὸ  καρποφορῆσαι  τῷ  θανάτῳ·  6   νυνὶ  δὲ  κατηργήθημεν  ἀπὸ  τοῦ  νόμου  ἀποθανόντες  ἐν  ᾧ  κατειχόμεθα,  ὥστε  δουλεύειν  ἡμᾶς  ἐν  καινότητι  πνεὐματος  καὶ  οὐ  παλαιότητι  γράμματος. 


Yet is not the law sin;
   7   Τί  οὖν  ἐροῦμεν;  ὁ  νόμος  ἁμαρτία;  μὴ  γένοιτο·  ἀλλὰ  τὴν  ἁμαρτίαν  οὐκ  ἔγνων  εἰ  μὴ  διὰ  νόμου  τὴν  τε  γὰρ  ἐπιθυμίαν  οὐκ  ᾔδειν  εἰ  μὴ  ὁ  νόμος  ἔλεγεν  οὐκ  ἐπιθυμήσεις.  8   ἀφορμὴν  δὲ  λαβοῦσα  ἡ  ἁμαρτία  διὰ  τῆς  ἐντολῆς  κατειργάσατο  ἐν  ἐμοὶ  πᾶσαν  ἐπιθυμίαν·  χωρὶς  γὰρ  νόμου  ἁμαρτία  νεκρά.  9   ἐγὼ  δὲ  ἔζων  χωρὶς  νόμου  ποτέ,  ἐλθούσης  δὲ  τῆς  ἐντολῆς  ἡ  ἁμαρτία  ἀνέζησεν,  ἐγὼ  δὲ  ἀπέθανον  10   καὶ  εὑρέθη  μοι  ἡ  ἐντολὴ  ἡ  εἰς  ζωήν,  αὕτη  εἰς  θάνατον·  11   ἡ  γὰρ  ἁμαρτία  ἀφορμὴν  λαβοῦσα  διὰ  τῆς  ἐντολῆς  ἐξηπάτησεν  με  καὶ  δι’  αὐτῆς  ἀπέκτεινεν. 


but holy, just and good;
12   ὥστε  ὁ  μὲν  νόμος  ἅγιος  καὶ  ἡ  ἐντολὴ  ἁγία  καὶ  δικαία  καὶ  ἀγαθή. 
   13   Τὸ  οὖν  ἀγαθὸν  ἐμοὶ  ἐγένετο  θάνατος;  μὴ  γένοιτο·  ἀλλὰ  ἡ  ἁμαρτία,  ἵνα  φανῇ  ἁμαρτία,  διὰ  τοῦ  ἀγαθοῦ  μοι  κατεργαζομένη  θάνατον,  ἵνα  γένηται  καθ’  ὑπερβολὴν  ἁμαρτωλὸς  ὴ  ἁμαρτία  διὰ  τῆς  ἐντολῆς.  14   Οἴδαμεν  γὰρ  ὅτι  ὁ  νόμος  πνευματικός  ἐστιν,  ἐγὼ  δὲ  σάρκινος  εἰμι  πεπραμένος  ὑπὸ  τὴν  ἁμαρτίαν.  15   ὁ  γὰρ  κατεργάζομαι  οὐ  γινώσκω·  οὐ  γὰρ  ὃ  θέλω  τοῦτο  πράσσω,  ἀλλ’  ὃ  μισῶ  τοῦτο  ποιῶ. 


as I acknowledge, who am grieved because I cannot keep it.
16   εἰ  δὲ  ὃ  οὐ  θέλω  τοῦτο  ποιῶ,  σύμφημι  τῷ  νόμῳ  ὅτι  καλός.  17   νυνὶ  δὲ  οὐκέτι  ἐγὼ  κατεργάζομαι  αὐτὸ  ἀλλὰ  ἡ  ἐνοικοῦσα  ἐν  ἐμοὶ  ἁμαρτία.  18   Οἶδα  γὰρ  ὅτι  οὐκ  οἰκεῖ  ἐν  ἐμοί,  τουτ’  ἐστιν  ἐν  τῇ  σαρκί  μου,  ἀγαθόν·  τὸ  γὰρ  θέλειν  παράκειται  μοι,  τὸ  δὲ  κατεργάζεσθαι  τὸ  καλὸν  οὔ·  19   οὐ  γὰρ  ὃ  θέλω  ποιῶ  ἀγαθόν,  ἀλλὰ  ὃ  οὐ  θέλω  κακὸν  τοῦτο  πράσσω.  20   εἰ  δὲ  ὃ  οὐ  θέλω  τοῦτο  ποιῶ,  οὐκέτι  ἐγὼ  κατεργάζομαι  αὐτὸ  ἀλλὰ  ἡ  οἰκοῦσα  ἐν  ἐμοὶ  ἁμαρτία.  21   εὑρίσκω  ἄρα  τὸν  νόμον,  τῷ  θέλοντι  ἐμοὶ  ποιεῖν  τὸ  καλόν,  ὅτι  ἐμοὶ  τὸ  κακὸν  παράκειται·  22   συνήδομαι  γὰρ  τῷ  νόμῳ  τοῦ  θεοῦ  κατὰ  τὸν  ἔσω  ἀνθρώπον,  23   βλέπω  δὲ  ἕτερον  νόμον  ἐν  τοῖς  μέλεσιν  μου  ἀντιστρατευόμενον  τῷ  νόμῳ  τοῦ  νοός  μου  καὶ  αἰχμαλωτίζοντα  με  ἐν  τῷ  νόμῳ  τῆς  ἁμαρτίας  τῷ  ὄντι  ἐν  τοῖς  μέλεσιν  μου.  24   Ταλαίπωρος  ἐγὼ  ἀνθρώπος·  τίς  με  ῥύσεται  ἐκ  τοῦ  σώματος  τοῦ  θανάτου  τούτου;  25   χάρις  δὲ  τῷ  θεῷ  διὰ  Ἰησοῦ  Χριστοῦ  τοῦ  κυρίου  ἡμῶν.  Ἄρα  οὖν  αὐτὸς  ἐγὼ  τῷ  μὲν  νοῒ  δουλεύω  νόμῳ  θεοῦ  τῇ  δὲ  σαρκὶ  νόμῳ  ἁμαρτίας. 
<< Romans 7 >>
Biblos Greek and Hebrew Study Bible © 2010 Biblos.com
Online Parallel Bible