<< Revelation 20 GRK >>


Satan bound for a thousand years.
   1   Καὶ  εἶδον  ἄγγελον  καταβαίνοντα  ἐκ  τοῦ  οὐρανοῦ  ἔχοντα  τὴν  κλεῖν  τῆς  ἀβύσσου  καὶ  ἅλυσιν  μεγάλην  ἐπὶ  τὴν  χεῖρα  αὐτοῦ.  2   καὶ  ἐκράτησεν  τὸν  δράκοντα,  ὁ  οφις  ὁ  ἀρχαῖος,  ὅς  ἐστιν  Διάβολος  καὶ  ὁ  Σατανᾶς,  καὶ  ἔδησεν  αὐτὸν  χίλια  ἔτη  3   καὶ  ἔβαλεν  αὐτὸν  εἰς  τὴν  ἄβυσσον  καὶ  ἔκλεισεν  καὶ  ἐσφράγισεν  ἐπάνω  αὐτοῦ,  ἵνα  μὴ  πλανήσῃ  ἔτι  τὰ  ἔθνη  ἄχρι  τελεσθῇ  τὰ  χίλια  ἔτη.  μετὰ  ταῦτα  δεῖ  λυθῆναι  αὐτὸν  μικρὸν  χρόνον. 
   4   Καὶ  εἶδον  θρόνους  καὶ  ἐκάθισαν  ἐπ’  αὐτοὺς  καὶ  κρίμα  ἐδόθη  αὐτοῖς  καὶ  τὰς  ψυχὰς  τῶν  πεπελεκισμένων  διὰ  τὴν  μαρτυρίαν  Ἰησοῦ  καὶ  διὰ  τὸν  λόγον  τοῦ  θεοῦ  καὶ  οἵτινες  οὐ  προσεκύνησαν  τὸ  θηρίον  οὐδὲ  τὴν  εἰκόνα  αὐτοῦ  καὶ  οὐκ  ἔλαβον  τὸ  χάραγμα  ἐπὶ  τὸ  μετώπον  καὶ  ἐπὶ  τὴν  χεῖρα  αὐτῶν  καὶ  ἔζησαν  καὶ  ἐβασίλευσαν  μετὰ  τοῦ  Χριστοῦ  χίλια  ἔτη.  5   οἱ  λοιποὶ  τῶν  νεκρῶν  οὐκ  ἔζησαν  ἄχρι  τελεσθῇ  τὰ  χίλια  ἔτη.  αὕτη  ἡ  ἀνάστασις  ἡ  πρώτῃ. 


The first resurrection;
6   μακάριος  καὶ  ἅγιος  ὁ  ἔχων  μέρος  ἐν  τῇ  ἀναστάσει  τῇ  πρώτῃ·  ἐπὶ  τούτων  ὁ  δεύτερος  θάνατος  οὐκ  ἔχει  ἐξουσίαν,  ἀλλ’  ἔσονται  ἱερεῖς  τοῦ  θεοῦ  καὶ  τοῦ  Χριστοῦ  καὶ  βασιλεύσουσιν  μετ’  αὐτοῦ  τὰ  χίλια  ἔτη. 


Satan let loose again.
   7   Καὶ  ὅταν  τελεσθῇ  τὰ  χίλια  ἔτη,  λυθήσεται  ὁ  Σατανᾶς  ἐκ  τῆς  φυλακῆς  αὐτοῦ 


Gog and Magog.
8   καὶ  ἐξελεύσεται  πλανῆσαι  τὰ  ἔθνη  τὰ  ἐν  ταῖς  τέσσαρσιν  γωνίαις  τῆς  γῆς,  τὸν  Γὼγ  καὶ  Μαγώγ,  συναγαγεῖν  αὐτοὺς  εἰς  τὸν  πόλεμον,  ὧν  ὁ  ἀριθμὸς  αὐτῶν  ὡς  ἡ  ἄμμος  τῆς  θαλάσσης.  9   καὶ  ἀνέβησαν  ἐπὶ  τὸ  πλάτος  τῆς  γῆς  καὶ  ἐκύκλευσαν  τὴν  παρεμβολὴν  τὼν  ἁγίων  καὶ  τὴν  πόλιν  τὴν  ἠγαπημένην  καὶ  κατέβη  πῦρ  ἐκ  τοῦ  οὐρανοῦ  καὶ  κατέφαγεν  αὐτοὺς. 


The demons cast into the lake of fire and brimstone.
10   καὶ  ὁ  διάβολος  ὁ  πλανῶν  αὐτοὺς  ἐβλήθη  εἰς  τὴν  λίμνην  τοῦ  πυρὸς  καὶ  θείου  ὅπου  καὶ  τὸ  θηρίον  καὶ  ὁ  ψευδοπροφήτης,  καὶ  βασανισθήσονται  ἡμέρας  καὶ  νυκτὸς  εἰς  τοὺς  αἰῶνας  τῶν  αἰώνων. 


The last and general resurrection.
   11   Καὶ  εἶδον  θρόνον  μέγαν  λευκὸν  καὶ  τὸν  καθήμενον  ἐπ’  αὐτοῦ,  οὗ  ἀπὸ  τοῦ  προσώπου  ἔφυγεν  ἡ  γῆ  καὶ  ὁ  οὐρανὸς  καὶ  τόπος  οὐχ  εὑρέθη  αὐτοῖς.  12   καὶ  εἶδον  τοὺς  νεκροὺς,  τοὺς  μεγάλους  καὶ  τοὺς  μικρούς,  ἑστῶτας  ἐνώπιον  τοῦ  θρόνου.  καὶ  βιβλία  ἠνοίχθησαν  καὶ  ἄλλο  βιβλίον  ἠνοίχθη  ὅ  ἐστιν  τῆς  ζωῆς,  καὶ  ἐκρίθησαν  οἱ  νεκροὶ  ἐκ  τῶν  γεγραμμένων  ἐν  τοῖς  βιβλίοις  κατὰ  τὰ  ἔργα  αὐτῶν.  13   καὶ  ἔδωκεν  ἡ  θάλασσα  τοὺς  νεκροὺς  τοὺς  ἐν  αὐτῇ  καὶ  ὁ  θάνατος  καὶ  ὁ  ᾅδης  ἔδωκαν  τοὺς  νεκροὺς  τοὺς  ἐν  αὐτοῖς  καὶ  ἐκρίθησαν  ἕκαστος  κατὰ  τὰ  ἔργα  αὐτῶν.  14   καὶ  ὁ  θάνατος  καὶ  ὁ  ᾅδης  ἐβλήθησαν  εἰς  τὴν  λίμνην  τοῦ  πυρὸς.  οὗτος  ὁ  θάνατος  ὁ  δεύτερος  ἐστιν,  ἡ  λίμνη  τοῦ  πυρός.  15   καὶ  εἴ  τις  οὐχ  εὑρέθη  ἐν  τῇ  βίβλῳ  τῆς  ζωῆς  γεγραμμένος,  ἐβλήθη  εἰς  τὴν  λίμνην  τοῦ  πυρός. 
<< Revelation 20 >>
Biblos Greek and Hebrew Study Bible © 2010 Biblos.com
Online Parallel Bible