<< Revelation 17 GRK >>


A woman arrayed in purple and scarlet, with a golden cup in her hand sits upon the beast;
   1   Καὶ  ἦλθεν  εἷς  ἐκ  τῶν  ἑπτὰ  ἀγγέλων  τῶν  ἐχόντων  τὰς  ἑπτὰ  φιάλας  καὶ  ἐλάλησεν  μετ’  ἐμοῦ  λέγων,  Δεῦρο,  δείξω  σοι  τὸ  κρίμα  τῆς  πόρνης  τῆς  μεγάλης  τῆς  καθημένης  ἐπὶ  ὑδάτων  πολλῶν,  2   μεθ’  ἧς  ἐπόρνευσαν  οἱ  βασιλεῖς  τῆς  γῆς  καὶ  ἐμεθύσθησαν  οἱ  κατοικοῦντες  τὴν  γῆν  ἐκ  τοῦ  οἴνου  τῆς  πορνείας  αὐτῆς.  3   καὶ  ἀπήνεγκεν  με  εἰς  ἔρημον  ἐν  πνεῦματι  καὶ  εἶδον  γυναῖκα  καθημένην  ἐπὶ  θηρίον  κόκκινον,  γέμοντα  ὀνόματα  βλασφημίας,  ἔχων  κεφαλὰς  ἑπτὰ  καὶ  κέρατα  δέκα.  4   καὶ  ἡ  γυνὴ  ἦν  περιβεβλημένη  πορφυροῦν  καὶ  κόκκινον  καὶ  κεχρυσωμένη  χρυσίῳ  καὶ  λίθῳ  τιμίῳ  καὶ  μαργαρίταις,  ἔχουσα  ποτήριον  χρυσοῦν  ἐν  τῇ  χειρὶ  αὐτῆς  γέμον  βδελυγμάτων  καὶ  τὰ  ἀκάθαρτα  τῆς  πορνείας  αὐτῆς 


which is great Babylon, the mother of all abominations.
5   καὶ  ἐπὶ  τὸ  μετώπον  αὐτῆς  ὄνομα  γεγραμμένον,  μυστήριον.  Βαβυλὼν  ἡ  μεγάλη,  ἡ  μήτηρ  τῶν  πορνῶν  καὶ  τῶν  βδελυγμάτων  τῆς  γῆς.  6   καὶ  εἶδον  τὴν  γυναῖκα  μεθύουσαν  ἐκ  τοῦ  αἵματος  τῶν  ἁγίων  καὶ  ἐκ  τοῦ  αἵματος  τῶν  μαρτύρων  Ἰησοῦ.  Καὶ  ἐθαύμασα  ἰδὼν  αὐτὴν  θαῦμα  μέγα.  7   καὶ  εἶπεν  μοι  ὁ  ἄγγελος,  Διὰ  τί  ἐθαύμασας;  ἐγὼ  ἐρῶ  σοι  τὸ  μυστήριον  τῆς  γυναικὸς  καὶ  τοῦ  θηρίου  τοῦ  βαστάζοντος  αὐτὴν  τοῦ  ἔχοντος  τὰς  ἑπτὰ  κεφαλὰς  καὶ  τὰ  δέκα  κέρατα.  8   τὸ  θηρίον  ὁ  εἶδες  ἦν  καὶ  οὐκ  ἐστιν  καὶ  μέλλει  ἀναβαίνειν  ἐκ  τῆς  ἀβύσσου  καὶ  εἰς  ἀπώλειαν  ὑπάγει,  καὶ  θαυμασθήσονται  οἱ  κατοικοῦντες  ἐπὶ  τῆς  γῆς,  ὧν  οὐ  γέγραπται  τὸ  ὄνομα  ἐπὶ  τὸ  βιβλίον  τῆς  ζωῆς  ἀπὸ  καταβολῆς  κόσμου,  βλεπόντων  τὸ  θηρίον  ὅτι  ἦν  καὶ  οὐκ  ἔστιν  καὶ  παρέσται 


The interpretation of the seven heads;
9   ὧδε  ὁ  νοῦς  ὁ  ἔχων  σοφίαν,  αἱ  ἑπτὰ  κεφαλαὶ  ἑπτὰ  ὄρη  εἰσίν,  ὅπου  ἡ  γυνὴ  κάθηται  ἐπ’  αὐτῶν.  καὶ  βασιλεῖς  ἑπτὰ  εἰσιν·  10   οἱ  πέντε  ἔπεσαν,  ὁ  εἷς  ἔστιν,  ὁ  ἄλλος  οὔπω  ἦλθεν  καὶ  ὅταν  ἐλθῃ  ὀλίγον  αὐτὸν  δεῖ  μεῖναι.  11   καὶ  τὸ  θηρίον  ὁ  ἦν  καὶ  οὐκ  ἔστιν  καὶ  αὐτὸς  ὄγδοος  ἔστιν  καὶ  ἐκ  τῶν  ἑπτὰ  ἐστιν,  καὶ  εἰς  ἀπώλειαν  ὑπάγει. 


and the ten horns.
12   καὶ  τὰ  δέκα  κέρατα  ἃ  εἶδες  δέκα  βασιλεῖς  εἰσιν,  οἵτινες  βασιλείαν  οὔπω  ἔλαβον,  ἀλλὰ  ἐξουσίαν  ὡς  βασιλεῖς  μίαν  ὥραν  λαμβάνουσιν  μετὰ  τοῦ  θηρίου.  13   οὗτοι  μίαν  γνώμην  ἔχουσιν  καὶ  τὴν  δύναμιν  καὶ  ἐξουσίαν  αὐτῶν  τῷ  θηρίῳ  διδόασιν. 


The victory of the Lamb.
14   οὗτοι  μετὰ  τοῦ  ἀρνίου  πολεμήσουσιν  καὶ  τὸ  ἀρνίον  νικήσει  αὐτοὺς,  ὅτι  κύριος  κυρίων  ἐστὶν  καὶ  βασιλεὺς  βασιλέων  καὶ  οἱ  μετ’  αὐτοῦ  κλητοὶ  καὶ  ἐκλεκτοὶ  καὶ  πιστοί. 
   15   Καὶ  λέγει  μοι,  Τὰ  ὕδατα  ἃ  εἶδες  οὗ  ἡ  πόρνη  κάθηται  λαοὶ  καὶ  ὄχλοι  εἰσὶν  καὶ  ἔθνη  καὶ  γλῶσσαι. 


The punishment of the harlot.
16   καὶ  τὰ  δέκα  κέρατα  ἃ  εἶδες  καὶ  τὸ  θηρίον  οὗτοι  μισήσουσιν  τὴν  πόρνην  καὶ  ἠρημωμένην  ποιήσουσιν  αὐτὴν  καὶ  γυμνὴν  καὶ  τὰς  σάρκας  αὐτῆς  φάγονται  καὶ  αὐτὴν  κατακαύσουσιν  ἐν  πυρὶ.  17   ὁ  γὰρ  θεὸς  ἔδωκεν  εἰς  τὰς  καρδίας  αὐτῶν  ποιῆσαι  τὴν  γνώμην  αὐτοῦ  καὶ  ποιῆσαι  μίαν  γνώμην  καὶ  δοῦναι  τὴν  βασιλείαν  αὐτῶν  τῷ  θηρίῳ  ἄχρι  τελεσθήσονται  οἱ  λόγοι  τοῦ  θεοῦ.  18   καὶ  ἡ  γυνὴ  ἣν  εἶδες  ἔστιν  ἡ  πόλις  ἡ  μεγάλη  ἡ  ἔχουσα  βασιλείαν  ἐπὶ  τῶν  βασιλέων  τῆς  γῆς. 
<< Revelation 17 >>
Biblos Greek and Hebrew Study Bible © 2010 Biblos.com
Online Parallel Bible