<< Psalms 60 HEB >>


David, complaining to God of former judgment
1   לַ֭מְנַצֵּחַ  עַל־  שׁוּשַׁ֣ן  עֵד֑וּת  מִכְתָּ֖ם  לְדָוִ֣ד  לְלַמֵּֽד׃  בְּהַצֹּותֹ֨ו  אֶ֥ת  אֲרַ֣ם  נַהֲרַיִם֮  וְאֶת־  אֲרַ֪ם  צֹ֫ובָ֥ה  וַיָּ֤שָׁב  יֹואָ֗ב  וַיַּ֣ךְ  אֶת־  אֱדֹ֣ום  בְּגֵיא־  מֶ֑לַח  שְׁנֵ֖ים  עָשָׂ֣ר  אָֽלֶף׃  אֱ֭לֹהִים  זְנַחְתָּ֣נוּ  פְרַצְתָּ֑נוּ  אָ֝נַ֗פְתָּ  תְּשֹׁ֣ובֵ֥ב  לָֽנוּ׃  2   הִרְעַ֣שְׁתָּה  אֶ֣רֶץ  פְּצַמְתָּ֑הּ  רְפָ֖ה  שְׁבָרֶ֣יהָ  כִי־  מָֽטָה׃  3   הִרְאִ֣יתָה  עַמְּךָ֣  קָשָׁ֑ה  הִ֝שְׁקִיתָ֗נוּ  יַ֣יִן  תַּרְעֵלָֽה׃ 


now upon better hope, prays for deliverance
4   נָ֘תַ֤תָּה  לִּירֵאֶ֣יךָ  נֵּ֭ס  לְהִתְנֹוסֵ֑ס  מִ֝פְּנֵ֗י  קֹ֣שֶׁט  סֶֽלָה׃  5   לְ֭מַעַן  יֵחָלְצ֣וּן  יְדִידֶ֑יךָ  הֹושִׁ֖יעָה  יְמִֽינְךָ֣  [וַעֲנֵנוּ  כ]  (וַעֲנֵֽנִי׃  ק) 


Comforting himself in God's promises, he craves that help whereon he trusts
6   אֱלֹהִ֤ים  דִּבֶּ֥ר  בְּקָדְשֹׁ֗ו  אֶ֫עְלֹ֥זָה  אֲחַלְּקָ֥ה  שְׁכֶ֑ם  וְעֵ֖מֶק  סֻכֹּ֣ות  אֲמַדֵּֽד׃  7   לִ֤י  גִלְעָ֨ד  וְלִ֬י  מְנַשֶּׁ֗ה  וְ֭אֶפְרַיִם  מָעֹ֣וז  רֹאשִׁ֑י  יְ֝הוּדָ֗ה  מְחֹֽקְקִי׃  8   מֹואָ֤ב  סִ֬יר  רַחְצִ֗י  עַל־  אֱ֭דֹום  אַשְׁלִ֣יךְ  נַעֲלִ֑י  עָ֝לַ֗י  פְּלֶ֣שֶׁת  הִתְרֹעָֽעִֽי׃  9   מִ֣י  יֹ֭בִלֵנִי  עִ֣יר  מָצֹ֑ור  מִ֖י  נָחַ֣נִי  עַד־  אֱדֹֽום׃  10   הֲלֹֽא־  אַתָּ֣ה  אֱלֹהִ֣ים  זְנַחְתָּ֑נוּ  וְֽלֹא־  תֵצֵ֥א  אֱ֝לֹהִ֗ים  בְּצִבְאֹותֵֽינוּ׃  11   הָֽבָה־  לָּ֣נוּ  עֶזְרָ֣ת  מִצָּ֑ר  וְ֝שָׁ֗וְא  תְּשׁוּעַ֥ת  אָדָם  12   בֵּֽאלֹהִ֥ים  נַעֲשֶׂה־  חָ֑יִל  וְ֝ה֗וּא  יָב֥וּס  צָרֵֽינוּ׃ 
<< Psalm 60 >>
Biblos Greek and Hebrew Study Bible © 2010 Biblos.com
Online Parallel Bible