<< Psalms 16 HEB >>


David, in distrust of merits, and hatred of idolatry
1   מִכְתָּ֥ם  לְדָוִ֑ד  שָֽׁמְרֵ֥נִי  אֵ֝֗ל  כִּֽי־  חָסִ֥יתִי  בָֽךְ׃  2   אָמַ֣רְתְּ  לַֽ֭יהוָה  אֲדֹנָ֣י  אָ֑תָּה  טֹ֝ובָתִ֗י  בַּל־  עָלֶֽיךָ׃  3   לִ֭קְדֹושִׁים  אֲשֶׁר־  בָּאָ֣רֶץ  הֵ֑מָּה  וְ֝אַדִּירֵ֗י  כָּל־  חֶפְצִי־  בָֽם׃  4   יִרְבּ֥וּ  עַצְּבֹותָם֮  אַחֵ֪ר  מָ֫הָ֥רוּ  בַּל־  אַסִּ֣יךְ  נִסְכֵּיהֶ֣ם  מִדָּ֑ם  וּֽבַל־  אֶשָּׂ֥א  אֶתשְׁ֝־  מֹותָ֗ם  עַל־  שְׂפָתָֽי׃ 


He shows the hope of his calling, of the resurrection, and life everlasting
5   יְֽהוָ֗ה  מְנָת־  חֶלְקִ֥י  וְכֹוסִ֑י  אַ֝תָּ֗ה  תֹּומִ֥יךְ  גֹּורָלִֽי׃  6   חֲבָלִ֣ים  נָֽפְלוּ־  לִ֭י  בַּנְּעִמִ֑ים  אַף־  נַ֝חֲלָ֗ת  שָֽׁפְרָ֥ה  עָלָֽי׃  7   אֲבָרֵ֗ךְ  אֶת־  יְ֭הוָה  אֲשֶׁ֣ר  יְעָצָ֑נִי  אַף־  לֵ֝ילֹ֗ות  יִסְּר֥וּנִי  כִלְיֹותָֽי׃  8   שִׁוִּ֬יתִי  יְהוָ֣ה  לְנֶגְדִּ֣י  תָמִ֑יד  כִּ֥י  מִֽ֝ימִינִ֗י  בַּל־  אֶמֹּֽוט׃  9   לָכֵ֤ן  שָׂמַ֣ח  לִ֭בִּי  וַיָּ֣גֶל  כְּבֹודִ֑י  אַף־  בְּ֝שָׂרִ֗י  יִשְׁכֹּ֥ן  לָבֶֽטַח׃  10   כִּ֤י  לֹא־  תַעֲזֹ֣ב  נַפְשִׁ֣י  לִשְׁאֹ֑ול  לֹֽא־  תִתֵּ֥ן  חֲ֝סִידְךָ֗  לִרְאֹ֥ות  שָֽׁחַת  11   תֹּֽודִיעֵנִי֮  אֹ֤רַח  חַ֫יִּ֥ים  שֹׂ֣בַע  מָחֹות  אֶת־  פָּנֶ֑יךָ  נְעִמֹ֖ות  בִּימִינְךָ֣  נֶֽצַח׃ 
<< Psalm 16 >>
Biblos Greek and Hebrew Study Bible © 2010 Biblos.com
Online Parallel Bible