<< John 21 GRK >>


Jesus appearing again to his disciples is known of them by the great catch of fish.
   1   Μετὰ  ταῦτα  ἐφανέρωσεν  ἑαυτὸν  πάλιν  Ἰησοῦς  τοῖς  μαθηταῖς  ἐπὶ  τῆς  θαλάσσης  τῆς  Τιβεριάδος·  ἐφανέρωσεν  δὲ  οὕτως.  2   ἦσαν  ὁμοῦ  Σίμων  Πέτρος  καὶ  Θωμᾶς  ὁ  λεγόμενος  Δίδυμος  καὶ  Ναθαναὴλ  ὁ  ἀπὸ  Κανὰ  τῆς  Γαλιλαίας  καὶ  οἱ  τοῦ  Ζεβεδαίου  καὶ  ἄλλοι  ἐκ  τῶν  μαθητῶν  αὐτοῦ  δύο.  3   λέγει  αὐτοῖς  Σίμων  Πέτρος  ὑπάγω  ἁλιεύειν.  λέγουσιν  αὐτῷ  ἐρχόμεθα  καὶ  ἡμεῖς  σὺν  σοί.  ἐξῆλθον  καὶ  ἐνέβησαν  εἰς  τὸ  πλοῖον,  καὶ  ἐν  ἐκείνῃ  τῇ  νυκτὶ  ἐπίασαν  οὐδέν.  4   πρωΐας  δὲ  ἤδη  γινομένης  ἔστη  Ἰησοῦς  εἰς  τὸν  αἰγιαλόν,  οὐ  μέντοι  ᾔδεισαν  οἱ  μαθηταὶ  ὅτι  Ἰησοῦς  ἐστιν.  5   λέγει  οὖν  αὐτοῖς  Ἰησοῦς·  παιδία,  μή  τι  προσφάγιον  ἔχετε;  ἀπεκρίθησαν  αὐτῷ·  οὐ.  6   ὁ  δὲ  εἶπεν  αὐτοῖς·  βάλετε  εἰς  τὰ  δεξιὰ  μέρη  τοῦ  πλοῖου  τὸ  δίκτυον  καὶ  εὑρήσετε.  ἔβαλον  οὖν  καὶ  οὐκέτι  αὐτὸ  ἑλκύσαι  ἴσχυον  ἀπὸ  τοῦ  πλήθους  τῶν  ἰχθύων.  7   λέγει  οὖν  ὁ  μαθητὴς  ἐκεῖνος  ὃν  ἠγάπα  ὁ  Ἰησοῦς  τῷ  Πέτρῳ·  ὁ  κύριος  ἐστιν.  Σίμων  οὖν  Πέτρος  ἀκούσας  ὅτι  ὁ  κύριος  ἐστιν  τὸν  ἐπενδύτην  διεζώσατο,  ἦν  γὰρ  γυμνός,  καὶ  ἔβαλεν  ἑαυτὸν  εἰς  τὴν  θάλασσαν,  8   οἱ  δὲ  ἄλλοι  μαθηταὶ  τῷ  πλοιαρίῳ  ἦλθον,  οὐ  γὰρ  ἦσαν  μακρὰν  ἀπὸ  τῆς  γῆς  ἀλλὰ  ὡς  ἀπὸ  πηχῶν  διακοσίων,  σύροντες  τὸ  δίκτυον  τῶν  ἰχθυπων.  9   ὡς  οὖν  ἀπέβησαν  εἰς  τὴν  γῆν  βλέπουσιν  ἀνθρακιὰν  κειμένην  καὶ  ὀψάριον  ἐπικείμενον  καὶ  ἄρτον.  10   λέγει  αὐτοῖς  ὁ  Ἰησοῦς·  ἐνέγκατε  ἀπὸ  τῶν  ὀψάριων  ὧν  ἐπιάσατε  νῦν.  11   ἀνέβη  οὖν  Σίμων  Πέτρος  καὶ  εἵλκυσεν  τὸ  δίκτυον  εἰς  τὴν  γῆν  μεστὸν  ἰχθύων  μεγάλων  ἑκατὸν  πεντήκοντα  τριῶν  καὶ  τοσούτων  ὄντων  οὐκ  ἐσχίσθη  τὸ  δίκτυον. 


He dines with them;
12   λέγει  αὐτοῖς  ὁ  Ἰησοῦς·  δεῦτε  ἀριστήσατε  οὐδεὶς  ἐτόλμα  τῶν  μαθητῶν  ἐξετάσαι  αὐτόν·  σὺ  τίς  εἶ;  εἰδότες  ὅτι  ὁ  κύριος  ἐστιν.  13   ἔρχεται  Ἰησοῦς  καὶ  λαμβάνει  τὸν  ἄρτον  καὶ  δίδωσιν  αὐτοῖς,  καὶ  τὸ  ὀψάριον  ὁμοίως.  14   τοῦτο  ἤδη  τρίτον  ἐφανερώθη  Ἰησοῦς  τοῖς  μαθηταῖς  ἐγερθεὶς  ἐκ  νεκρῶν. 


earnestly commands Peter to feed his lambs and sheep;
   15   Ὅτε  οὖν  ἠρίστησαν  λέγει  τῷ  Σίμωνι  Πέτρω  ὁ  Ἰησοῦς·  Σίμων  Ἰωάννου,  ἀγαπᾷς  με  πλέον  τούτων;  λέγει  αὐτῷ·  ναὶ  κύριε,  σὺ  οἶδας  ὅτι  φιλῶ  σε.  λέγει  αὐτῷ·  βόσκε  τὰ  ἀρνία  μου.  16   λέγει  αὐτῷ  πάλιν  δεύτερον·  Σίμων  Ἰωάννου,  ἀγαπᾷς  με;  λέγει  αὐτῷ·  ναὶ  κύριε,  σὺ  οἶδας  ὅτι  φιλῶ  σε.  λέγει  αὐτῷ·  ποίμαινε  τὰ  προβάτια  μου.  17   λέγει  αὐτῷ  τὸ  τρίτον·  Σίμων  Ἰωάννου,  φιλεῖς  με;  ἐλυπήθη  ὁ  Πέτρος  ὅτι  εἶπεν  αὐτῷ  τὸ  τρίτον·  φιλεῖς  με;  καὶ  εἶπεν  αὐτῷ·  κύριε,  πάντα  σὺ  οἶδας,  σὺ  γινώσκεις  ὅτι  φιλῶ  σε.  λέγει  αὐτῷ  Ἰησοῦς·  βόσκε  τὰ  προβάτια  μου. 


foretells him of his death;
18   ἀμὴν  ἀμὴν  λέγω  σοι,  ὅτε  ἦς  νεώτερος,  ἐζώννυες  σεαυτὸν  καὶ  περιεπάτεις  ὅπου  ἤθελες·  ὅταν  δὲ  γηράσῃς  ἐκτενεῖς  τὰς  χεῖρας  σου,  καὶ  ἄλλος  ζώσει  σε  καὶ  οἴσει  ὅπου  οὐ  θέλεις.  19   τοῦτο  δὲ  εἶπεν  σημαίνων  ποίῳ  θανάτῳ  δοξάσει  τὸν  θεὸν.  καὶ  τοῦτο  εἰπὼν  λέγει  αὐτῷ·  ἀκολούθει  μοι. 
   20   Ἐπιστραφεὶς  ὁ  Πέτρος  βλέπει  τὸν  μαθητὴν  ὃν  ἠγάπα  ὁ  Ἰησοῦς  ἀκολουθοῦντα,  ὃς  καὶ  ἀνέπεσεν  ἐν  τῷ  δείπνῳ  ἐπὶ  τὸ  στῆθος  αὐτοῦ  καὶ  εἶπεν·  κύριε,  τίς  ἐστιν  ὁ  παραδιδούς  σε;  21   τοῦτον  οὖν  ἰδὼν  ὁ  Πέτρος  λέγει  τῷ  Ἰησοῦ·  κύριε,  οὗτος  δὲ  τί; 


rebukes his curiosity.
22   λέγει  αὐτῷ  ὁ  Ἰησοῦς·  ἐὰν  αὐτὸν  θέλω  μένειν  ἕως  ἔρχομαι,  τί  πρὸς  σέ;  σύ  μοι  ακολούθει.  23   ἐξῆλθεν  οὖν  οὗτος  ὁ  λόγος  εἰς  τοὺς  ἀδελφοὺς  ὅτι  ὁ  μαθητὴς  ἐκεῖνος  οὐκ  ἀποθνῄσκει·  οὐκ  εἶπεν  δὲ  αὐτῷ  ὁ  Ἰησοῦς  ὅτι  οὐκ  ἀποθνῄσκει  ἀλλ’·  ἐὰν  αὐτὸν  θέλω  μένειν  ἕως  ἔρχομαι,  τί  πρὸς  σέ; 


The conclusion.
   24   Οὗτος  ἐστιν  ὁ  μαθητὴς  ὁ  μαρτυρῶν  περὶ  τούτων  καὶ  ὁ  γράψας  ταῦτα,  καὶ  οἴδαμεν  ὅτι  ἀληθὴς  αὐτοῦ  ἡ  μαρτυρία  ἐστίν. 
   25   Ἔστιν  δὲ  καὶ  ἄλλα  πολλὰ  ἃ  ἐποίησεν  ὁ  Ἰησοῦς,  ἅτινα  ἐὰν  γράφηται  καθ’  ἓν,  οὐδ’  αὐτὸν  οἶμαι  τὸν  κόσμον  χωρήσειν  τὰ  γραφόμενα  βιβλία.  ὅτι 
<< John 21 >>
Biblos Greek and Hebrew Study Bible © 2010 Biblos.com
Online Parallel Bible