<< Ephesians 2 GRK >>


By comparing what we were by nature, with what we are by grace,
   1   Καὶ  ὐμᾶς  ὄντας  νεκροὺς  τοῖς  παραπτώμασιν  καὶ  ταῖς  ἁμαρτίαις  ὐμῶν,  2   ἐν  αἷς  ποτε  περιεπατήσατε  κατὰ  τὸν  αἰῶνα  τοῦ  κόσμου  τούτου,  κατὰ  τὸν  ἄρχοντα  τῆς  ἐξουσίας  τοῦ  ἀέρος,  τοῦ  πνεύματος  τοῦ  νῦν  ἐνεργοῦντος  ἐν  τοῖς  υἱοῖς  τῆς  ἀπειθείας·  3   ἐν  οἷς  καὶ  ἡμεῖς  πάντες  ἀνεστράφημεν  ποτε  ἐν  ταῖς  ἐπιθυμίαις  τῆς  σαρκὸς  ἡμῶν  ποιοῦντες  τὰ  θελήματα  τῆς  σαρκὸς  καὶ  τῶν  διανοιῶν,  καὶ  ἤμεθα  τέκνα  φύσει  ὀργῆς  ὡς  καὶ  οἱ  λοιποί·  4   ὁ  δὲ  θεὸς  πλούσιος  ὢν  ἐν  ἐλέει,  διὰ  τὴν  πολλὴν  ἀγάπην  αὐτοῦ  ἣν  ἠγάπησεν  ἡμᾶς,  5   καὶ  ὄντας  ἡμᾶς  νεκροὺς  τοῖς  παραπτώμασιν  συνεζωοποίησεν  τῷ  Χριστῷ—  χάριτι  ἐστε  σεσῳσμένοι—  6   καὶ  συνήγειρεν  καὶ  συνεκάθισεν  ἐν  τοῖς  ἐπουρανίοις  ἐν  Χριστῷ  Ἰησοῦ,  7   ἵνα  ἐνδείξηται  ἐν  τοῖς  αἰῶσιν  τοῖς  ἐπερχομένοις  τὸ  ὑπερβάλλον  πλοῦτος  τῆς  χάριτος  αὐτοῦ  ἐν  χρηστότητι  ἐφ’  ἡμᾶς  ἐν  Χριστῷ  Ἰησοῦ,  8   Τῇ  γὰρ  χάριτι  ἐστε  σεσῳσμένοι  διὰ  πίστεως·  καὶ  τοῦτο  οὐκ  ἐξ  ὑμῶν,  θεοῦ  τὸ  δῶρον·  9   οὐκ  ἐξ  ἔργων,  ἵνα  μή  τις  καυχήσηται. 


he declares that we are made for good works: and being brought near by Christ,
10   αὐτοῦ  γὰρ  ἐσμεν  ποίημα,  κτισθέντες  ἐν  Χριστῷ  Ἰησοῦ  ἐπὶ  ἔργοις  ἀγαθοῖς  οἷς  προητοίμασεν  ὁ  θεὸς,  ἵνα  ἐν  αὐτοῖς  περιπατήσωμεν. 
   11   Διὸ  μνημονεύετε  ὅτι  ποτὲ  ὑμεῖς  τὰ  ἔθνη  ἐν  σαρκί,  οἱ  λεγόμενοι  ἀκροβυστία  ὑπὸ  τῆς  λεγομένης  περιτομῆς  ἐν  σαρκὶ  χειροποιήτου,  12   ὅτι  ἦτε  τῷ  καιρῷ  ἐκείνῳ  χωρὶς  Χριστοῦ  ἀπηλλοτριωμένοι  τῆς  πολιτείας  τοῦ  Ἰσραὴλ  καὶ  ξένοι  τῶν  διαθηκῶν  τῆς  ἐπαγγελίας,  ἐλπίδα  μὴ  ἔχοντες  καὶ  ἄθεοι  ἐν  τῷ  κόσμῳ.  13   νυνὶ  δὲ  ἐν  Χριστῷ  Ἰησοῦ  ὑμεῖς  οἱ  ποτε  ὄντες  μακρὰν  ἐγενήθητε  ἐγγὺς  ἐν  τῷ  αἵματι  τοῦ  Χριστοῦ. 
   14   Αὐτὸς  γάρ  ἐστιν  ἡ  εἰρήνη  ἡμῶν,  ὁ  ποιήσας  τὰ  ἀμφότερα  ἓν  καὶ  τὸ  μεσότοιχον  τοῦ  φραγμοῦ  λύσας,  15   τὴν  ἔχθραν  ἐν  τῇ  σαρκὶ  αὐτοῦ,  τὸν  νόμον  τῶν  ἐντολῶν  ἐν  δόγμασιν  καταργήσας  ἵνα  τοὺς  δύο  κτίσῃ  ἐν  αὐτῷ  εἰς  ἕνα  καινὸν  ἄνθρωπον  ποιῶν  εἰρήνην  16   καὶ  ἀποκαταλλάξῃ  τοὺς  ἀμφοτέρους  ἐν  ἑνὶ  σώματι  τῷ  θεῷ  διὰ  τοῦ  σταυροῦ,  ἀποκτείνας  τὴν  ἔχθραν  ἐν  αὐτῷ.  17   καὶ  ἐλθὼν  εὐηγγελίσατο  εἰρήνην  ὑμῖν  τοῖς  μακρὰν  καὶ  εἰρήνην  τοῖς  ἐγγύς·  18   ὅτι  δι’  αὐτοῦ  ἕχομεν  τὴν  προσαγωγὴν  οἱ  ἀμφότεροι  ἐν  ἑνὶ  πνεύματι  πρὸς  τὸν  πατέρα. 


should not live as Gentiles and foreigners, but as citizens with the saints, and the family of God.
19   ἄρα  οὖν  οὐκέτι  ἐστὲ  ξένοι  καὶ  πάροικοι  ἀλλὰ  ἐστὲ  συμπολῖται  τῶν  ἁγίων  καὶ  οἰκεῖοι  τοῦ  θεοῦ,  20   ἐποικοδομηθέντες  ἐπὶ  τῷ  θεμελίῳ  τῶν  ἀποστόλων  καὶ  προφητῶν,  ὄντος  ἀκρογωνιαίου  αὐτοῦ  Χριστοῦ  Ἰησοῦ,  21   ἐν  ᾧ  πᾶσα  οἰκοδομὴ  συναρμολογουμένη  αὔξει  εἰς  ναὸν  ἅγιον  ἐν  κυρίῳ,  22   ἐν  ᾧ  καὶ  ὑμεῖς  συνοικοδομεῖσθε  εἰς  κατοικητήριον  τοῦ  θεοῦ  ἐν  πνεύματι. 
<< Ephesians 2 >>
Biblos Greek and Hebrew Study Bible © 2010 Biblos.com
Online Parallel Bible