<< 2 Timothy 1 GRK >>


Paul's love to Timothy, and unfeigned confidence in Timothy himself, his mother, and grandmother.
   1   Παῦλος  ἀπόστολος  Χριστοῦ  Ἰησοῦ  διὰ  θελήματος  θεοῦ  κατ’  ἐπαγγελίαν  ζωῆς  τῆς  ἐν  Χριστῷ  Ἰησοῦ  2   Τιμοθέῳ  ἀγαπητῷ  τέκνῳ,  χάρις  ἔλεος  εἰρήνη  ἀπὸ  θεοῦ  πατρὸς  καὶ  Χριστοῦ  Ἰησοῦ  τοῦ  κυρίου  ἡμῶν. 
   3   Χάριν  ἔχω  τῷ  θεῷ,  ᾧ  λατρεύω  ἀπὸ  προγόνων  ἐν  καθαρᾷ  συνειδήσει,  ὡς  ἀδιάλειπτον  ἔχω  τὴν  περὶ  σοῦ  μνείαν  ἐν  ταῖς  δεήσεσίν  μοῦ  νυκτὸς  καὶ  ἡμέρας,  4   ἐπιποθῶν  σε  ἰδεῖν,  μεμνημένος  σου  τῶν  δακρύων,  ἵνα  χαρᾶς  πληρωθῶ,  5   ὑπόμνησιν  λαβὼν  τῆς  ἐν  σοὶ  ἀνυποκρίτου  πίστεως,  ἥτις  ἐνῴκησεν  πρῶτον  ἐν  τῇ  μάμμῃ  σου  Λωΐδι  καὶ  τῇ  μητρί  σου  Εὐνίκῃ,  πέπεισμαι  δὲ  ὅτι  καὶ  ἐν  σοί. 


He is exhorted to stir up the gift of God which was in him;
6   δι’  ἣν  αἰτίαν  ἀναμιμνῄσκω  σε  ἀναζωπυρεῖν  τὸ  χάρισμα  τοῦ  θεοῦ,  ὅ  ἐστιν  ἐν  σοὶ  διὰ  τῆς  ἐπιθέσεως  τῶν  χειρῶν  μου.  7   οὐ  γὰρ  ἔδωκεν  ἡμῖν  ὁ  θεὸς  πνεῦμα  δειλίας  ἀλλὰ  δυνάμεως  καὶ  ἀγάπης  καὶ  σωφρονισμοῦ. 


to be steadfast and patient in persecution;
8   μὴ  οὖν  ἐπαισχυνθῇς  τὸ  μαρτύριον  τοῦ  κυρίου  ἡμῶν  μηδὲ  ἐμὲ  τὸν  δέσμιον  αὐτοῦ,  ἀλλὰ  συγκακοπάθησον  τῷ  εὐαγγελίῳ  κατὰ  δύναμιν  θεοῦ, 
      9   τοῦ  σώσαντος  ἡμᾶς 
            καὶ  καλέσαντος  κλήσει  ἁγίᾳ, 
         οὐ  κατὰ  τὰ  ἔργα  ἡμῶν 
            ἀλλὰ  κατὰ  ἰδίαν  πρόθεσιν  καὶ  χάριν, 
         τὴν  δοθεῖσαν  ἡμῖν  ἐν  Χριστῷ  Ἰησοῦ 
            πρὸ  χρόνων  αἰωνίων, 
         10   φανερωθεῖσαν  δὲ  νῦν 
            διὰ  τῆς  ἐπιφανείας  τοῦ  σωτῆρος  ἡμῶν 
               Χριστοῦ  Ἰησοῦ, 
         καταργήσαντος  μὲν  τὸν  θανάτον 
            φωτίσαντος  δὲ  ζωὴν  καὶ  ἀφθαρσίαν 
               διὰ  τοῦ  εὐαγγελίου 
11   εἰς  ὁ  ἐτέθην  ἐγὼ  κῆρυξ  καὶ  ἀπόστολος  καὶ  διδάσκαλος,  12   δι’  ἣν  αἰτίαν  καὶ  ταῦτα  πάσχω·  ἀλλ’  οὐκ  ἐπαισχύνομαι,  οἶδα  γὰρ  ᾧ  πεπίστευκα  καὶ  πέπεισμαι  ὅτι  δυνατός  ἐστιν  τὴν  παραθήκην  μου  φυλάξαι  εἰς  ἐκείνην  τὴν  ἡμέραν. 


and to persist in the form and truth of that doctrine which he had learned of him.
13   ὑποτύπωσιν  ἔχε  ὑγιαινόντων  λόγων  ὧν  παρ’  ἐμοῦ  ἤκουσας  ἐν  πίστει  καὶ  ἀγάπῃ  τῇ  ἐν  Χριστῷ  Ἰησοῦ·  14   τὴν  καλὴν  παραθήκην  φύλαξον  διὰ  πνεύματος  ἁγίου  τοῦ  ἐνοικοῦντος  ἐν  ἡμῖν. 


Phygellus and Hermogenes, and such like, are noted, and Onesiphorus is highly commended.
   15   Οἶδας  τοῦτο,  ὅτι  ἀπεστράφησαν  με  πάντες  οἱ  ἐν  τῇ  Ἀσίᾳ,  ὧν  ἐστιν  Φύγελος  καὶ  Ἑρμογένης.  16   δῴη  ἔλεος  ὁ  κύριος  τῷ  Ὀνησιφόρου  οἴκῳ,  ὅτι  πολλάκις  με  ἀνέψυξεν  καὶ  τὴν  ἅλυσιν  μου  οὐκ  ἐπαισχύνθη,  17   ἀλλὰ  γενόμενος  ἐν  ‘Ρώμῃ  σπουδαίως  ἐζήτησεν  με  καὶ  εὗρεν·  18   δῴη  αὐτῷ  ὁ  κύριος  εὑρεῖν  ἔλεος  παρὰ  κυρίου  ἐν  ἐκείνῃ  τῇ  ἡμέρᾳ.  καὶ  ὅσα  ἐν  Ἐφέσῳ  διηκόνησεν,  βέλτιον  συ  γινώσκεις. 
<< 2 Timothy 1 >>
Biblos Greek and Hebrew Study Bible © 2010 Biblos.com
Online Parallel Bible