<< 2 Corinthians 13 GRK >>


Paul threatens severity, and the power of his apostleship, against obstinate sinners.
   1   Τρίτον  τοῦτο  ἔρχομαι  πρὸς  ὑμᾶς·  ἐπὶ  στόματος  δύο  μαρτύρων  καὶ  τριῶν  σταθήσεται  πᾶν  ῥῆμα.  2   προείρηκα  καὶ  προλέγω,  ὡς  παρὼν  τὸ  δεύτερον  καὶ  ἀπὼν  νῦν  τοῖς  προημαρτηκόσιν  καὶ  τοῖς  λοιποῖς  πᾶσιν,  ὅτι  ἐὰν  ἔλθω  εἰς  τὸ  πάλιν  οὐ  φείσομαι,  3   ἐπεὶ  δοκιμὴν  ζητεῖτε  τοῦ  ἐν  ἐμοὶ  λαλοῦντος  Χριστοῦ,  ὃς  εἰς  ὑμᾶς  οὐκ  ἀσθενεῖ  ἀλλὰ  δυνατεῖ  ἐν  ὑμῖν.  4   καὶ  γὰρ  ἐσταυρώθη  ἐξ  ἀσθενείας,  ἀλλὰ  ζῇ  ἐκ  δυνάμεως  θεοῦ.  καὶ  γὰρ  ἡμεῖς  ἀσθενοῦμεν  ἐν  αὐτῷ  ἀλλὰ  ζήσομεν  σὺν  αὐτῷ  ἐκ  δυνάμεως  θεοῦ  εἰς  ὑμᾶς. 


And, advising them to a trial of their faith,
   5   Ἑαυτοὺς  πειράζετε  εἰ  ἐστὲ  ἐν  τῇ  πίστει,  ἑαυτοὺς  δοκιμάζετε·  ἢ  οὐκ  ἐπιγινώσκετε  ἑαυτοὺς  ὅτι  Ἰησοῦς  Χριστὸς  ἐν  ὑμῖν;  εἰ  μήτι  ἀδόκιμοι  ἐστε.  6   ἐλπίζω  δὲ  ὅτι  γνώσεσθε  ὅτι  ἡμεῖς  οὐκ  ἐσμὲν  ἀδόκιμοι. 


and to a reformation of their sins before his coming,
7   εὐχόμεθα  δὲ  πρὸς  τὸν  θεὸν  μὴ  ποιῆσαι  ὑμᾶς  κακὸν  μηδέν,  οὐχ  ἵνα  ἡμεῖς  δόκιμοι  φανῶμεν,  ἀλλ’  ἵνα  ὑμεῖς  τὸ  καλὸν  ποιῆτε,  ἡμεῖς  δὲ  ὡς  ἀδόκιμοι  ὦμεν.  8   οὐ  γὰρ  δυνάμεθα  τι  κατὰ  τῆς  ἀληθείας  ἀλλὰ  ὑπὲρ  τῆς  ἀληθείας.  9   χαίρομεν  γὰρ  ὅταν  ἡμεῖς  ἀσθενῶμεν,  ὑμεῖς  δὲ  δυνατοὶ  ἦτε·  τοῦτο  καὶ  εὐχόμεθα  τὴν  ὑμῶν  κατάρτισιν.  10   Διὰ  τοῦτο  ταῦτα  ἀπὼν  γράφω,  ἵνα  παρὼν  μὴ  ἀποτόμως  χρήσωμαι  κατὰ  τὴν  ἐξουσίαν  ἣν  ὁ  κύριος  ἔδωκεν  μοι  εἰς  οἰκοδομὴν  καὶ  οὐκ  εἰς  καθαίρεσιν. 


he concludes his epistle with a general exhortation and a prayer.
   11   Λοιπόν,  ἀδελφοί,  χαίρετε,  καταρτίζεσθε,  παρακαλεῖσθε,  τὸ  αὐτὸ  φρονεῖτε,  εἰρηνεύετε,  καὶ  ὁ  θεὸς  τῆς  ἀγάπης  καὶ  εἰρήνης  ἔσται  μεθ’  ὑμῶν.  12   Ἀσπάσασθε  ἀλλήλους  ἐν  ἁγίῳ  φιλήματι.  Ἀσπάζονται  ὑμᾶς  οἱ  ἅγιοι  πάντες. 
   13   Ἡ  χάρις  τοῦ  κυρίου  Ἰησοῦ  Χριστοῦ  καὶ  ἡ  ἀγάπη  τοῦ  θεοῦ  καὶ  ἡ  κοινωνία  τοῦ  ἁγίου  πνεύματος  μετὰ  πάντων  ὑμῶν. 
<< 2 Corinthians 13 >>
Biblos Greek and Hebrew Study Bible © 2010 Biblos.com
Online Parallel Bible