<< 2 Corinthians 12 GRK >>


For commending of his apostleship, though he might glory of his wonderful revelations,
   1   Καυχᾶσθαι  δεῖ,  οὐ  συμφέρον  μέν,  ἐλεύσομαι  δὲ  εἰς  ὀπτασίας  καὶ  ἀποκαλύψεις  κυρίου.  2   οἶδα  ἄνθρωπον  ἐν  Χριστῷ  πρὸ  ἐτῶν  δεκατεσσάρων,  εἴτε  ἐν  σώματι  οὐκ  οἶδα,  εἴτε  ἐκτὸς  τοῦ  σώματος  οὐκ  οἶδα,  ὁ  θεὸς  οἶδεν,  ἁρπαγέντα  τὸν  τοιοῦτον  ἕως  τρίτου  οὐρανοῦ.  3   καὶ  οἶδα  τὸν  τοιοῦτον  ἄνθρωπον,  εἴτε  ἐν  σώματι,  εἴτε  χωρὶς  τοῦ  σώματος  οὐκ  οἶδα,  ὁ  θεὸς  οἶδεν,  4   ὅτι  ἡρπάγη  εἰς  τὸν  παράδεισον  καὶ  ἤκουσεν  ἄρρητα  ῥήματα  ἃ  οὐκ  ἐξὸν  ἀνθρώπῳ  λαλῆσαι.  5   ὑπὲρ  τοῦ  τοιούτου  καυχήσομαι,  ὑπὲρ  δὲ  ἐμαυτοῦ  οὐ  καυχήσομαι  εἰ  μὴ  ἐν  ταῖς  ἀσθενείαις.  6   Ἐὰν  γὰρ  θελήσω  καυχήσασθαι,  οὐκ  ἔσομαι  ἄφρων,  ἀλήθειαν  γὰρ  ἐρὼ·  φείδομαι  δὲ,  μή  τις  εἰς  ἐμὲ  λογίσηται  ὑπὲρ  ὃ  βλέπει  με  ἢ  ἀκούει  ἐξ  ἐμοῦ  7   καὶ  τῇ  ὑπερβολῇ  τῶν  ἀποκαλύψεων.  διὸ  ἵνα  μὴ  ὑπεραίρωμαι,  ἐδόθη  μοι  σκόλοψ  τῇ  σαρκί,  ἄγγελος  σατανᾶ,  ἵνα  με  κολαφίζῃ.  ἵνα  μὴ  ὑπεραίρωμαι.  8   ὑπὲρ  τούτου  τρὶς  τὸν  κύριον  παρεκάλεσα  ἵνα  ἀποστῇ  ἀπ’  ἐμοῦ. 


yet he rather chooses to glory of his infirmities;
9   καὶ  εἴρηκεν  μοι·  ἀρκεῖ  σοι  ἡ  χάρις  μου,  ἡ  γὰρ  δύναμις  ἐν  ἀσθενείᾳ  τελεῖται.  ἥδιστα  οὖν  μᾶλλον  καυχήσομαι  ἐν  ταῖς  ἀσθενείαις,  ἵνα  ἐπισκηνώσῃ  ἐπ’  ἐμὲ  ἡ  δύναμις  τοῦ  Χριστοῦ.  10   διὸ  εὐδοκῶ  ἐν  ἀσθενείαις,  ἐν  ὕβρεσιν,  ἐν  ἀνάγκαις,  ἐν  διωγμοῖς  καὶ  στενοχωρίαις,  ὑπὲρ  Χριστοῦ·  ὅταν  γὰρ  ἀσθενῶ,  τότε  δυνατός  εἰμι. 


blaming the Corinthians for forcing him to this vain boasting.
   11   Γέγονα  ἄφρων,  ὑμεῖς  με  ἠναγκάσατε.  ἐγὼ  γὰρ  ὤφειλον  ὑφ’  ὑμῶν  συνίστασθαι·  οὐδὲν  γὰρ  ὑστέρησα  τῶν  ὑπερλίαν  ἀποστόλων  εἰ  καὶ  οὐδέν  εἰμι.  12   τὰ  μὲν  σημεῖα  τοῦ  ἀποστόλου  κατειργάσθη  ἐν  ὑμῖν  ἐν  πάσῃ  ὑπομονῇ  σημείοις  τε  καὶ  τέρασιν  καὶ  δυνάμεσιν.  13   τί  γὰρ  ἐστιν  ὁ  ἡσσώθητε  ὑπὲρ  τὰς  λοιπὰς  ἐκκλησίας,  εἰ  μὴ  ὅτι  αὐτὸς  ἐγὼ  οὐ  κατενάρκησα  ὑμῶν;  χαρίσασθε  μοι  τὴν  ἀδικίαν  ταύτην. 


He promises to come to them again; but yet altogether in the affection of a father;
14   Ἰδοὺ  τρίτον  τοῦτο  ἑτοίμως  ἔχω  ἐλθεῖν  πρὸς  ὑμᾶς,  καὶ  οὐ  καταναρκήσω·  οὐ  γὰρ  ζητῶ  τὰ  ὑμῶν  ἀλλὰ  ὑμᾶς.  οὐ  γὰρ  ὀφείλει  τὰ  τέκνα  τοῖς  γονεῦσιν  θησαυρίζειν  ἀλλὰ  οἱ  γονεῖς  τοῖς  τέκνοις.  15   ἐγὼ  δὲ  ἥδιστα  δαπανήσω  καὶ  ἐκδαπανηθήσομαι  ὑπὲρ  τῶν  ψυχῶν  ὑμῶν.  εἰ  περισσοτέρως  ὑμᾶς  ἀγαπῶ,  ἧσσον  ἀγαπῶμαι;  16   Ἔστω  δὲ,  ἐγὼ  οὐ  κατεβάρησα  ὑμᾶς·  ἀλλὰ  ὑπάρχων  πανοῦργος  δόλῳ  ὑμᾶς  ἔλαβον.  17   μή  τινα  ὧν  ἀπέσταλκα  πρὸς  ὑμᾶς,  δι’  αὐτοῦ  ἐπλεονέκτησα  ὑμᾶς;  18   παρεκάλεσα  Τίτον  καὶ  συναπέστειλα  τὸν  ἀδελφόν·  μήτι  ἐπλεονέκτησεν  ὑμᾶς  Τίτος;  οὐ  τῷ  αὐτῷ  πνεύματι  περιεπατήσαμεν;  οὐ  τοῖς  αὐτοῖς  ἴχνεσιν; 
   19   Πάλαι  δοκεῖτε  ὅτι  ὑμῖν  ἀπολογούμεθα.  κατέναντι  θεοῦ  ἐν  Χριστῷ  λαλοῦμεν·  τὰ  δὲ  πάντα,  ἀγαπητοί,  ὑπὲρ  τῆς  ὑμῶν  οἰκοδομῆς. 


although he fears he shall to his grief find many offenders, and public disorders there.
20   φοβοῦμαι  γὰρ  μή  πως  ἐλθὼν  οὐχ  οἵους  θέλω  εὕρω  ὑμᾶς  κἀγὼ  εὑρεθῶ  ὑμῖν  οἷον  οὐ  θέλετε·  μή  πως  ἔρις  ζῆλος,  θυμοί,  ἐριθείαι  καταλαλιαί,  ψιθυρισμοί,  φυσιώσεις,  ἀκαταστασίαι·  21   μὴ  πάλιν  ἐλθόντος  μου  ταπεινώσῃ  με  ὁ  θεός  μου  πρὸς  ὑμᾶς  καὶ  πενθήσω  πολλοὺς  τῶν  προημαρτηκότων  καὶ  μὴ  μετανοησάντων  ἐπὶ  τῇ  ἀκαθαρσίᾳ  καὶ  πορνείᾳ  καὶ  ἀσελγείᾳ  ᾗ  ἔπραξαν. 
<< 2 Corinthians 12 >>
Biblos Greek and Hebrew Study Bible © 2010 Biblos.com
Online Parallel Bible