<< Psalms 148 HEB >>


The psalmist exhorts the celestial
1   הַ֥לְלוּ  יָ֨הּ  הַֽלְל֣וּ  אֶת־  יְ֭הוָה  מִן־  הַשָּׁמַ֑יִם  הַֽ֝לְל֗וּהוּ  בַּמְּרֹומִֽים׃  2   הַֽלְל֥וּהוּ  כָל־  מַלְאָכָ֑יו  הַֽ֝לְל֗וּהוּ  כָּל־  [צְבָאֹו  כ]  (צְבָאָֽיו׃  ק)  3   הַֽ֭לְלוּהוּ  שֶׁ֣מֶשׁ  וְיָרֵ֑חַ  הַ֝לְל֗וּהוּ  כָּל־  כֹּ֥וכְבֵי  אֹֽור׃  4   הַֽ֭לְלוּהוּ  שְׁמֵ֣י  הַשָּׁמָ֑יִם  וְ֝הַמַּ֗יִם  אֲשֶׁ֤ר  מֵעַ֬ל  הַשָּׁמָֽיִם׃  5   יְֽ֭הַֽלְלוּ  אֶת־  שֵׁ֣ם  יְהוָ֑ה  כִּ֤י  ה֭וּא  צִוָּ֣ה  וְנִבְרָֽאוּ׃  6   וַיַּעֲמִידֵ֣ם  לָעַ֣ד  לְעֹולָ֑ם  חָק־  נָ֝תַ֗ן  וְלֹ֣א  יַעֲבֹֽור׃ 


The terrestrial
7   הַֽלְל֣וּ  אֶת־  יְ֭הוָה  מִן־  הָאָ֑רֶץ  תַּ֝נִּינִ֗ים  וְכָל־  תְּהֹמֹֽות׃  8   אֵ֣שׁ  וּ֭בָרָד  שֶׁ֣לֶג  וְקִיטֹ֑ור  ר֥וּחַ  סְ֝עָרָ֗ה  עֹשָׂ֥ה  דְבָרֹֽו׃  9   הֶהָרִ֥ים  וְכָל־  גְּבָעֹ֑ות  עֵ֥ץ  פְּ֝רִ֗י  וְכָל־  אֲרָזִֽים׃  10   הַֽחַיָּ֥ה  וְכָל־  בְּהֵמָ֑ה  רֶ֝֗מֶשׂ  וְצִפֹּ֥ור  כָּנָֽף׃ 


And the rational creatures to praise God
11   מַלְכֵי־  אֶ֭רֶץ  וְכָל־  לְאֻמִּ֑ים  רִ֗ים  וְכָל־  שֹׁ֥פְטֵי  אָֽרֶץ׃  12   בַּחוּרִ֥ים  וְגַם־  בְּתוּלֹ֑ות  זְ֝קֵנִ֗ים  עִם־  נְעָרִֽים׃  13   יְהַלְל֤וּ  אֶת־  שֵׁ֬ם  יְהוָ֗ה  כִּֽי־  נִשְׂגָּ֣ב  שְׁמֹ֣ו  לְבַדֹּ֑ו  הֹ֝ודֹ֗ו  עַל־  אֶ֥רֶץ  וְשָׁמָֽיִם׃  14   וַיָּ֤רֶם  קֶ֨רֶן  לְעַמֹּ֡ו  תְּהִלָּ֤ה  לְֽכָל־  חֲסִידָ֗יו  לִבְנֵ֣י  יִ֭שְׂרָאֵל  עַֽם־  קְרֹבֹ֗ו  הַֽלְלוּ־  יָֽהּ׃ 
<< Psalm 148 >>
Biblos Greek and Hebrew Study Bible © 2010 Biblos.com
Online Parallel Bible