<< Romans 5 GRK >>


Being justified by faith, we have peace with God;
   1   Δικαιωθέντες  οὖν  ἐκ  πίστεως  εἰρήνην  ἔχωμεν  πρὸς  τὸν  θεὸν  διὰ  τοῦ  κυρίου  ἡμῶν  Ἰησοῦ  Χριστοῦ 


and joy in our hope;
2   δι’  οὗ  καὶ  τὴν  προσαγωγὴν  ἐσχήκαμεν  τῇ  πίστει  εἰς  τὴν  χάριν  ταύτην  ἐν  ᾗ  ἐστήκαμεν  καὶ  καυχώμεθα  ἐπ’  ἐλπίδι  τῆς  δόξης  τοῦ  θεοῦ.  3   οὐ  μόνον  δὲ  ἀλλὰ,  καὶ  καυχώμεθα  ἐν  ταῖς  θλίψεσιν,  εἰδότες  ὅτι  ἡ  θλῖψις  ὑπομονὴν  κατεργάζεται,  4   ἡ  δὲ  ὑπομονὴ  δοκιμήν,  ἡ  δὲ  δοκιμὴ  ἐλπίδα.  5   ἡ  δὲ  ἐλπὶς  οὐ  καταισχύνει,  ὅτι  ἡ  ἀγάπη  τοῦ  θεοῦ  ἐκκέχυται  ἐν  ταῖς  καρδίαις  ἡμῶν  διὰ  πνεύματος  ἁγίου  τοῦ  δοθέντος  ἡμῖν.  6   Εἴ  γε  Χριστὸς  ὄντων  ἡμῶν  ἀσθενῶν  ἔτι  κατὰ  καιρὸν  ὑπὲρ  ἀσεβῶν  ἀπέθανεν.  7   μόλις  γὰρ  ὑπὲρ  δικαίου  τις  ἀποθανεῖται·  ὑπὲρ  γὰρ  τοῦ  ἀγαθοῦ  τάχα  τις  καὶ  τολμᾷ  ἀποθανεῖν· 


that since we were reconciled by his blood, when we were enemies;
8   συνίστησιν  δὲ  τὴν  ἑαυτοῦ  ἀγάπην  εἰς  ἡμᾶς  ὁ  θεὸς,  ὅτι  ἔτι  ἁμαρτωλῶν  ὄντων  ἡμῶν  Χριστὸς  ὑπὲρ  ἡμῶν  ἀπέθανεν.  9   πολλῷ  οὖν  μᾶλλον  δικαιωθέντες  νῦν  ἐν  τῷ  αἵματι  αὐτοῦ  σωθησόμεθα  δι’  αὐτοῦ  ἀπὸ  τῆς  ὀργῆς. 


we shall much more be saved, being reconciled.
10   εἰ  γὰρ  ἐχθροὶ  ὄντες  κατηλλάγημεν  τῷ  θεῷ  διὰ  τοῦ  θανάτου  τοῦ  υἱοῦ  αὐτοῦ,  πολλῷ  μᾶλλον  καταλλαγέντες  σωθησόμεθα  ἐν  τῇ  ζωῇ  αὐτοῦ·  11   οὐ  μόνον  δὲ,  ἀλλὰ  καὶ  καυχώμενοι  ἐν  τῷ  θεῷ  διὰ  τοῦ  κυρίου  ἡμῶν  Ἰησοῦ  Χριστοῦ  δι’  οὗ  νῦν  τὴν  καταλλαγὴν  ἐλάβομεν. 


As sin and death came by Adam;
   12   Διὰ  τοῦτο  ὥσπερ  δι’  ἐνὸς  ἀνθρώπου  ἡ  ἁμαρτία  εἰς  τὸν  κόσμον  εἰσῆλθεν  καὶ  διὰ  τῆς  ἁμαρτίας  ὁ  θάνατος,  καὶ  οὕτως  εἰς  πάντας  ἀνθρώπους  ὁ  θάνατος  διῆλθεν,  ἐφ’  ᾧ  πάντες  ἥμαρτον·  13   ἄχρι  γὰρ  νόμου  ἁμαρτία  ἦν  ἐν  κόσμῳ,  ἁμαρτία  δὲ  οὐκ  ἐλλογᾶται  μὴ  ὄντος  νόμου,  14   ἀλλὰ  ἐβασίλευσεν  ὁ  θάνατος  ἀπὸ  Ἀδὰμ  μέχρι  Μωϋσέως  καὶ  ἐπὶ  τοὺς  μὴ  ἁμαρτήσαντας  ἐπὶ  τῷ  ὁμοιώματι  τῆς  παραβάσεως  Ἀδὰμ  ὅς  ἐστιν  τύπος  τοῦ  μέλλοντος. 
   15   Ἀλλ’  οὐχ  ὡς  τὸ  παράπτωμα,  οὕτως  καὶ  τὸ  χάρισμα·  εἰ  γὰρ  τῷ  τοῦ  ἑνὸς  παραπτώματι  οἱ  πολλοὶ  ἀπέθανον,  πολλῷ  μᾶλλον  ἡ  χάρις  τοῦ  θεοῦ  καὶ  ἡ  δωρεὰ  ἐν  χάριτι  τῇ  τοῦ  ἑνὸς  ἀνθρώπου  Ἰησοῦ  Χριστοῦ  εἰς  τοὺς  πολλοὺς  ἐπερίσσευσεν.  16   καὶ  οὐχ  ὡς  δι’  ἑνὸς  ἁμαρτήσαντος  τὸ  δώρημα·  τὸ  μὲν  γὰρ  κρίμα  ἐξ  ἑνὸς  εἰς  κατάκριμα,  τὸ  δὲ  χάρισμα  ἐκ  πολλῶν  παραπτωμάτων  εἰς  δικαίωμα. 


so much more righteousness and life by Jesus Christ.
17   εἰ  γὰρ  τῷ  τοῦ  ἑνὸς  παραπτώματι  ὁ  θάνατος  ἐβασίλευσεν  διὰ  τοῦ  ἑνὸς,  πολλῷ  μᾶλλον  οἱ  τὴν  περισσείαν  τῆς  χάριτος  καὶ  τῆς  δωρεᾶς  τῆς  δικαιοσύνης  λαμβάνοντες  ἐν  ζωῇ  βασιλεύσουσιν  διὰ  τοῦ  ἑνὸς  Ἰησοῦ  Χριστοῦ.  18   Ἄρα  οὖν  ὡς  δι’  ἑνὸς  παραπτώματος  εἰς  πάντας  ἀνθρώπους  εἰς  κατάκριμα,  οὕτως  καὶ  δι’  ἑνὸς  δικαιώματος  εἰς  πάντας  ἀνθρώπους  εἰς  δικαίωσιν  ζωῆς·  19   ὥσπερ  γὰρ  διὰ  τῆς  παρακοῆς  τοῦ  ἑνὸς  ἀνθρώπου  ἁμαρτωλοὶ  κατεστάθησαν  οἱ  πολλοί,  οὕτως  καὶ  διὰ  τῆς  ὑπακοῆς  τοῦ  ἑνὸς  δίκαιοι  κατασταθήσονται  οἱ  πολλοί. 


Where sin abounded, grace did superabound.
20   νόμος  δὲ  παρεισῆλθεν,  ἵνα  πλεονάσῃ  τὸ  παράπτωμα·  οὗ  δὲ  ἐπλεόνασεν  ἡ  ἁμαρτία,  ὑπερεπερίσσευσεν  ἡ  χάρις,  21   ἵνα  ὥσπερ  ἐβασίλευσεν  ἡ  ἁμαρτία  ἐν  τῷ  θανάτῳ,  οὕτως  καὶ  ἡ  χάρις  βασιλεύσῃ  διὰ  δικαιοσύνης  εἰς  ζωὴν  αἰώνιον  διὰ  Ἰησοῦ  Χριστοῦ  τοῦ  κυρίου  ἡμῶν. 
<< Romans 5 >>
Biblos Greek and Hebrew Study Bible © 2010 Biblos.com
Online Parallel Bible