<< Romans 3 GRK >>


The Jews prerogative;
   1   Τί  οὖν  τὸ  περισσὸν  τοῦ  Ἰουδαίου  ἢ  τίς  ἡ  ὠφέλεια  τῆς  περιτομῆς;  2   πολὺ  κατὰ  πάντα  τρόπον.  πρῶτον  μὲν  γὰρ  ὅτι  ἐπιστεύθησαν  τὰ  λόγια  τοῦ  θεοῦ. 


which they have not lost;
3   τί  γὰρ;  εἰ  ἠπίστησαν  τινες,  μὴ  ἡ  ἀπιστία  αὐτῶν  τὴν  πίστιν  τοῦ  θεοῦ  καταργήσει;  4   μὴ  γένοιτο  γινέσθω  δὲ  ὁ  θεὸς  ἀληθής,  πᾶς  δὲ  ἄνθρωπος  ψεύστης  καθάπερ  γἐγραπται· 
      ὅπως  ἂν  δικαιωθῇς  ἐν  τοῖς  λόγοις  σου 
            καὶ  νικήσεις  ἐν  τῷ  κρίνεσθαι  σε. 
   5   εἰ  δὲ  ἡ  ἀδικία  ἡμῶν  θεοῦ  δικαιοσύνην  συνίστησιν,  τί  ἐροῦμεν;  μὴ  ἄδικος  ὁ  θεὸς  ὁ  ἐπιφέρων  τὴν  ὀργήν;  κατὰ  ἄνθρωπον  λέγω.  6   μὴ  γένοιτο  ἐπεὶ  πῶς  κρινεῖ  ὁ  θεὸς  τὸν  κόσμον;  7   εἰ  δὲ  ἡ  ἀλήθεια  τοῦ  θεοῦ  ἐν  τῷ  ἐμῷ  ψεύσματι  ἐπερίσσευσεν  εἰς  τὴν  δόξαν  αὐτοῦ,  τί  ἔτι  καγὼ  ὡς  ἁμαρτωλὸς  κρίνομαι;  8   καὶ  μὴ  καθὼς  βλασφημούμεθα  καὶ  καθώς  φασίν  τινες  ἡμᾶς  λέγειν  ὅτι  ποιήσωμεν  τὰ  κακά,  ἵνα  ἔλθῃ  τὰ  ἀγαθά;  ὧν  τὸ  κρίμα  ἔνδικον  ἐστιν. 


howbeit the law convinces them also of sin;
   9   Τί  οὖν  προεχόμεθα;  οὐ  πάντως·  προητιασάμεθα  γὰρ  Ἰουδαίους  τε  καὶ  Ἕλληνας  πάντας  ὑφ’  ἁμαρτίαν  εἶναι,  10   καθὼς  γέγραπται  ὅτι 
      οὐκ  ἔστιν  δίκαιος  οὐδὲ  εἷς, 
            11   οὐκ  ἔστιν  συνίων, 
            οὐκ  ἔστιν  ἐκζητῶν  τὸν  θεόν. 
         12   πάντες  ἐξέκλιναν  ἅμα  ἠχρεώθησαν· 
            οὐκ  ἔστιν  ποιῶν  χρηστότητα, 
            οὐκ  ἔστιν  ἕως  ἑνός. 
         13   τάφος  ἀνεῳγμένος  ὁ  λάρυγξ  αὐτῶν, 
            ταῖς  γλώσσαις  αὐτῶν  ἐδολιοῦσαν, 
         ἰὸς  ἀσπίδων  ὑπὸ  τὰ  χείλη  αὐτῶν· 
         14   ὧν  τὸ  στόμα  ἀρᾶς  καὶ  πικρίας  γέμει, 
         15   ὀξεῖς  οἱ  πόδες  αὐτῶν  ἐκχέαι  αἷμα, 
            16   σύντριμμα  καὶ  ταλαιπωρία  ἐν  ταῖς  ὁδοῖς  αὐτῶν, 
            17   καὶ  ὁδὸν  εἰρήνης  οὐκ  ἔγνωσαν. 
         18   οὐκ  ἔστιν  φόβος  θεοῦ  ἀπέναντι  τῶν  ὀφθαλμῶν  αὐτῶν. 
   19   οἴδαμεν  δὲ  ὅτι  ὅσα  ὁ  νόμος  λέγει  τοῖς  ἐν  τῷ  νόμῳ  λαλεῖ,  ἵνα  πᾶν  στόμα  φραγῇ  καὶ  ὑπόδικος  γένηται  πᾶς  ὁ  κόσμος  τῷ  θεῷ· 


therefore no one is justified by the law;
20   διότι  ἐξ  ἔργων  νόμου  οὐ  δικαιωθήσεται  πᾶσα  σὰρξ  ἐνώπιον  αὐτοῦ,  διὰ  γὰρ  νόμου  ἐπίγνωσις  ἁμαρτίας. 
   21   Νυνὶ  δὲ  χωρὶς  νόμου  δικαιοσύνη  θεοῦ  πεφανέρωται  μαρτυρουμένη  ὑπὸ  τοῦ  νόμου  καὶ  τῶν  προφητῶν,  22   δικαιοσύνη  δὲ  θεοῦ  διὰ  πίστεως  Ἰησοῦ  Χριστοῦ  εἰς  πάντας  τοὺς  πιστεύοντας.  οὐ  γάρ  ἐστιν  διαστολή,  23   πάντες  γὰρ  ἥμαρτον  καὶ  ὑστεροῦνται  τῆς  δόξης  τοῦ  θεοῦ  24   δικαιούμενοι  δωρεὰν  τῇ  αὐτοῦ  χάριτι  διὰ  τῆς  ἀπολυτρώσεως  τῆς  ἐν  Χριστῷ  Ἰησοῦ·  25   ὃν  προέθετο  ὁ  θεὸς  ἱλαστήριον  διὰ  πίστεως  ἐν  τῷ  αὐτοῦ  αἵματι  εἰς  ἔνδειξιν  τῆς  δικαιοσύνης  αὐτοῦ  διὰ  τὴν  πάρεσιν  τῶν  προγεγονότων  ἁμαρτημάτων  26   ἐν  τῇ  ἀνοχῇ  τοῦ  θεοῦ  πρὸς  τὴν  ἔνδειξιν  τῆς  δικαιοσύνης  αὐτοῦ  ἐν  τῷ  νῦν  καιρῷ,  εἰς  τὸ  εἶναι  αὐτὸν  δίκαιον  καὶ  δικαιοῦντα  τὸν  ἐκ  πίστεως  Ἰησοῦ. 
   27   Ποῦ  οὖν  ἡ  καύχησις;  ἐξεκλείσθη  διὰ  ποίου  νόμου  τῶν  ἔργων  οὐχί,  ἀλλὰ  διὰ  νόμου  πίστεως. 


but all, without difference, by faith, only;
28   λογιζόμεθα  γὰρ  δικαιοῦσθαι  πίστει  ἄνθρωπον  χωρὶς  ἔργων  νόμου.  29   ἢ  Ἰουδαίων  ὁ  θεὸς  μόνον;  οὐχὶ  καὶ  ἐθνῶν;  ναὶ  καὶ  ἐθνῶν,  30   εἴπερ  εἷς  ὁ  θεος  ὃς  δικαιώσει  περιτομὴν  ἐκ  πίστεως  καὶ  ἀκροβυστίαν  διὰ  τῆς  πίστεως. 


and yet the law is not abolished.
31   νόμον  οὖν  καταργοῦμεν  διὰ  τῆς  πίστεως;  μὴ  γένοιτο·  ἀλλὰ  νόμον  ἱστάνομεν. 
<< Romans 3 >>
Biblos Greek and Hebrew Study Bible © 2010 Biblos.com
Online Parallel Bible