<< Revelation 15 GRK >>


The seven angels with the seven last plagues.
   1   Καὶ  εἶδον  ἄλλο  σημεῖον  ἐν  τῷ  οὐρανῷ  μέγα  καὶ  θαυμαστόν,  ἀγγέλους  ἑπτὰ  ἔχοντας  πληγὰς  ἑπτὰ  τὰς  ἐσχάτας,  ὅτι  ἐν  αὐταῖς  ἐτελέσθη  ὁ  θυμὸς  τοῦ  θεοῦ. 
   2   καὶ  εἶδον  ὡς  θάλασσαν  ὑαλίνην  μεμιγμένην  πυρὶ  καὶ  τοὺς  νικῶντας  ἐκ  τοῦ  θηρίου  καὶ  ἐκ  τῆς  εἰκόνος  αὐτοῦ  καὶ  ἐκ  τοῦ  ἀριθμοῦ  τοῦ  ὀνόματος  αὐτοῦ  ἑστῶτας  ἐπὶ  τὴν  θάλασσαν  τὴν  ὑαλίνην  ἔχοντας  κιθάρας  τοῦ  θεοῦ. 


The song of those who overcame the beast.
3   καὶ  ᾄδουσιν  τὴν  ᾠδὴν  Μωϋσέως  τοῦ  δούλου  τοῦ  θεοῦ  καὶ  τὴν  ᾠδὴν  τοῦ  ἀρνίου  λέγοντες, 
      Μεγάλα  καὶ  θαυμαστὰ  τὰ  ἔργα  σου, 
            κύριε  ὁ  θεὸς  ὁ  παντοκράτωρ´· 
         δίκαιαι  καὶ  ἀληθιναὶ  αἱ  ὁδοί  σου, 
            ὁ  βασιλεὺς  τῶν  αἰώνων· 
         4   τίς  οὐ  μὴ  φοβηθῇ,  κύριε, 
            καὶ  δοξάσει  τὸ  ὄνομα  σου; 
         ὅτι  μόνος  ὅσιος, 
            ὅτι  πάντα  τὰ  ἔθνη  ἥξουσιν 
            καὶ  προσκυνήσουσιν  ἐνώπιον  σου, 
         ὅτι  τὰ  δικαιώματα  σου  ἐφανερώθησαν. 
   5   Καὶ  μετὰ  ταῦτα  εἶδον,  καὶ  ἠνοίγη  ὁ  ναὸς  τῆς  σκηνῆς  τοῦ  μαρτυρίου  ἐν  τῷ  οὐρανῷ,  6   καὶ  ἐξῆλθον  οἱ  ἑπτὰ  ἄγγελοι  οἱ  ἔχοντες  τὰς  ἑπτὰ  πληγὰς  ἐκ  τοῦ  ναοῦ  ἐνδεδυμένοι  λίθον  καθαρὸν  λαμπρὸν  καὶ  περιεζωσμένοι  περὶ  τὰ  στήθη  ζώνας  χρυσᾶς. 


The seven bowls full of the wrath of God.
7   καὶ  ἓν  ἐκ  τῶν  τεσσάρων  ζῴων  ἔδωκεν  τοῖς  ἑπτὰ  ἀγγέλοις  ἑπτὰ  φιάλας  χρυσᾶς  γεμούσας  τοῦ  θυμοῦ  τοῦ  θεοῦ  τοῦ  ζῶντος  εἰς  τοὺς  αἰῶνας  τῶν  αἰώνων.  8   καὶ  ἐγεμίσθη  ὁ  ναὸς  καπνοῦ  ἐκ  τῆς  δόξης  τοῦ  θεοῦ  καὶ  ἐκ  τῆς  δυνάμεως  αὐτοῦ,  καὶ  οὐδεὶς  ἐδύνατο  εἰσελθεῖν  εἰς  τὸν  ναὸν  ἄχρι  τελεσθῶσιν  αἱ  ἑπτὰ  πληγαὶ  τῶν  ἑπτὰ  ἀγγέλων. 
<< Revelation 15 >>
Biblos Greek and Hebrew Study Bible © 2010 Biblos.com
Online Parallel Bible