<< Revelation 11 GRK >>


The two witnesses prophesy.
   1   Καὶ  ἐδόθη  μοι  κάλαμος  ὅμοιος  ῥάβδῳ  λέγων,  Ἔγειρε  καὶ  μέτρησον  τὸν  ναὸν  τοῦ  θεοῦ  καὶ  τὸ  θυσιαστήριον  καὶ  τοὺς  προσκυνοῦντας  ἐν  αὐτῷ.  2   καὶ  τὴν  αὐλὴν  τὴν  ἔξωθεν  τοῦ  ναοῦ  ἔκβαλε  ἔξωθεν  καὶ  μὴ  αὐτὴν  μετρήσῃς,  ὅτι  ἐδόθη  τοῖς  ἔθνεσιν  καὶ  τὴν  πόλιν  τὴν  ἁγίαν  πατήσουσιν  μῆνας  τεσσεράκοντα  καὶ  δύο.  3   καὶ  δώσω  τοῖς  δυσὶν  μάρτυσιν  μου  καὶ  προφητεύσουσιν  ἡμέρας  χιλίας  διακοσίας  ἑξήκοντα  περιβεβλημένους  σάκκους.  4   οὗτοι  εἰσιν  αἱ  δύο  ἐλαῖαι  καὶ  αἱ  δύο  λυχνίαι  αἱ  ἐνώπιον  τοῦ  κυρίου  τῆς  γῆς  ἑστῶτες.  5   καὶ  εἴ  τις  αὐτοὺς  θέλει  ἀδικῆσαι  πῦρ  ἐκπορεύεται  ἐκ  τοῦ  στόματος  αὐτῶν  καὶ  κατεσθίει  τοὺς  ἐχθροὺς  αὐτῶν·  καὶ  εἴ  τις  θελήσῃ  αὐτοὺς  ἀδικῆσαι,  οὕτως  δεῖ  αὐτὸν  ἀποκτανθῆναι. 


They have power to shut heaven so that it rain not.
6   οὗτοι  ἔχουσιν  τὴν  ἔξουσιαν  κλεῖσαι  τὸν  οὐρανόν,  ἵνα  μὴ  ὑετὸς  βρέχῃ  τὰς  ἡμέρας  τῆς  προφητείας  αὐτῶν  καὶ  ἐξουσίαν  ἔχουσιν  ἐπὶ  τῶν  ὑδάτων  στρέφειν  αὐτὰ  εἰς  αἷμα  καὶ  πατάξαι  τὴν  γῆν  ἐν  πάσῃ  πληγῇ  ὁσάκις  ἐὰν  θελήσωσιν. 


The beast shall fight against them, and kill them.
7   καὶ  ὅταν  τελέσωσιν  τὴν  μαρτυρίαν  αὐτῶν  τὸ  θηρίον  τὸ  ἀναβαῖνον  ἐκ  τῆς  ἀβύσσου  ποιήσει  μετ’  αὐτῶν  πόλεμον  καὶ  νικήσει  αὐτοὺς  καὶ  ἀποκτενεὶ  αὐτούς. 


They lie unburied;
8   καὶ  τὸ  πτῶμα  αὐτῶν  ἐπὶ  τῆς  πλατείας  τῆς  πόλεως  τῆς  μεγάλης,  ἥτις  καλεῖται  πνευματικῶς  Σόδομα  καὶ  Αἴγυπτος,  ὅπου  καὶ  ὁ  κύριος  αὐτῶν  ἐσταυρώθη.  9   καὶ  βλέπουσιν  ἐκ  τῶν  λαῶν  καὶ  φυλῶν  καὶ  γλωσσῶν  καὶ  ἔθνων  τὸ  πτῶμα  αὐτῶν  ἡμέρας  τρεῖς  καὶ  ἥμισυ  καὶ  τὰ  πτώματα  αὐτῶν  οὐκ  ἀφίουσιν  τεθῆναι  εἰς  μνῆμα.  10   καὶ  οἱ  κατοικοῦντες  ἐπὶ  τῆς  γῆς  χαίρουσιν  ἐπ’  αὐτοῖς  καὶ  εὐφραίνονται  καὶ  δῶρα  πέμψουσιν  ἀλλήλοις,  ὅτι  οὗτοι  οἱ  δύο  προφῆται  ἐβασάνισαν  τοὺς  κατοικοῦντας  ἐπὶ  τῆς  γῆς. 


and after three and a half days rise again.
11   καὶ  μετὰ  τὰς  τρεῖς  ἡμέρας  καὶ  ἥμισυ  πνεῦμα  ζωῆς  ἐκ  τοῦ  θεοῦ  εἰσῆλθεν  ἐν  αὐτοῖς,  καὶ  ἔστησαν  ἐπὶ  τοὺς  πόδας  αὐτῶν,  καὶ  φόβος  μέγας  ἐπέπεσεν  ἐπὶ  τοὺς  θεωροῦντας  αὐτούς.  12   καὶ  ἤκουσαν  φωνῆς  μεγάλης  ἐκ  τοῦ  οὐρανοῦ  λεγούσης  αὐτοῖς,  Ἀνάβατε  ὧδε  καὶ  ἀνέβησαν  εἰς  τὸν  οὐρανὸν  ἐν  τῇ  νεφέλῃ  καὶ  ἐθεώρησαν  αὐτοὺς  οἱ  ἐχθροὶ  αὐτῶν.  13   καὶ  ἐν  ἐκείνῃ  τῇ  ὥρᾳ  ἐγένετο  σεισμὸς  μέγας  καὶ  τὸ  δέκατον  τῆς  πόλεως  ἔπεσεν  καὶ  ἀπεκτάνθησαν  ἐν  τῷ  σεισμῷ  ὀνόματα  ἀνθρώπων  χιλιάδες  ἑπτὰ  καὶ  οἱ  λοιποὶ  ἔμφοβοι  ἐγένοντο  καὶ  ἔδωκαν  δόξαν  τῷ  θεῷ  τοῦ  οὐρανοῦ. 


The second woe is past.
   14   Ἡ  οὐαὶ  ἡ  δευτέρα  ἀπῆλθεν·  ἰδοὺ  ἡ  οὐαὶ  ἡ  τρίτη  ἔρχεται  ταχύ. 


The seventh trumpet sounds.
   15   Καὶ  ὁ  ἕβδομος  ἄγγελος  ἐσάλπισεν  καὶ  ἐγένοντο  φωναὶ  μεγάλαι  ἐν  τῷ  οὐρανῷ  λέγοντες, 
      Ἐγένετο  ἡ  βασιλεία  τοῦ  κόσμου  τοῦ  κυρίου  ἡμῶν 
            καὶ  τοῦ  Χριστοῦ  αὐτοῦ 
         καὶ  βασιλεύσει  εἰς  τοὺς  αἰῶνας  τῶν  αἰώνων. 
16   καὶ  οἱ  εἴκοσι  τέσσαρες  πρεσβύτεροι  οἱ  ἐνώπιον  τοῦ  θεοῦ  καθήμενοι  ἐπὶ  τοὺς  θρόνους  αὐτῶν  ἔπεσαν  ἐπὶ  τὰ  πρόσωπα  αὐτῶν  καὶ  προσεκύνησαν  τῷ  θεῷ  17   λέγοντες, 
      Εὐχαριστοῦμεν  σοι,  κύριε  ὁ  θεὸς  ὁ  παντοκράτωρ, 
            ὁ  ὢν  καὶ  ὁ  ἦν 
         ὅτι  εἴληφας  τὴν  δύναμιν  σου  τὴν  μεγάλην 
            καὶ  ἐβασίλευσας. 
         18   καὶ  τὰ  ἔθνη  ὠργίσθησαν, 
            καὶ  ἦλθεν  ἡ  ὀργή  σου 
            καὶ  ὁ  καιρὸς  τῶν  νεκρῶν  κριθῆναι 
         καὶ  δοῦναι  τὸν  μισθὸν  τοῖς  δούλοις  σου  τοῖς  προφήταις 
            καὶ  τοῖς  ἁγίοις  καὶ  τοῖς  φοβουμένοις  τὸ  ὄνομα  σου, 
            τοὺς  μικροὺς  καὶ  τοὺς  μεγάλους 
         καὶ  διαφθεῖραι  τοὺς  διαφθείροντας  τὴν  γῆν. 
   19   καὶ  ἠνοίγη  ὁ  ναὸς  τοῦ  θεοῦ  ὁ  ἐν  τῷ  οὐρανῷ  καὶ  ὠφθἤ  ἡ  κιβωτὸς  τῆς  διαθήκης  αὐτοῦ  ἐν  τῷ  ναῷ  αὐτοῦ,  καὶ  ἐγένοντο  ἀστραπαὶ  καὶ  φωναὶ  καὶ  βρονταὶ  καὶ  σεισμὸς  καὶ  χάλαζα  μεγάλη. 
<< Revelation 11 >>
Biblos Greek and Hebrew Study Bible © 2010 Biblos.com
Online Parallel Bible