<< Psalms 97 HEB >>


The majesty of God's kingdom
1   יְהוָ֣ה  מָ֭לָךְ  תָּגֵ֣ל  הָאָ֑רֶץ  יִ֝שְׂמְח֗וּ  אִיִּ֥ים  רַבִּֽים׃  2   עָנָ֣ן  וַעֲרָפֶ֣ל  סְבִיבָ֑יו  צֶ֥דֶק  וּ֝מִשְׁפָּ֗ט  מְכֹ֣ון  כִּסְאֹֽו׃  3   אֵ֭שׁ  לְפָנָ֣יו  תֵּלֵ֑ךְ  וּתְלַהֵ֖ט  סָבִ֣יב  צָרָֽיו׃  4   הֵאִ֣ירוּ  בְרָקָ֣יו  תֵּבֵ֑ל  רָאֲתָ֖ה  וַתָּחֵ֣ל  הָאָֽרֶץ׃  5   הָרִ֗ים  כַּדֹּונַ֗ג  נָ֭מַסּוּ  מִלִּפְנֵ֣י  יְהוָ֑ה  מִ֝לִּפְנֵ֗י  אֲדֹ֣ון  כָּל־  הָאָֽרֶץ׃  6   הִגִּ֣ידוּ  הַשָּׁמַ֣יִם  צִדְקֹ֑ו  וְרָא֖וּ  כָל־  הָעַמִּ֣ים  כְּבֹודֹֽו׃ 


The church rejoices at God's judgments upon idolaters
7   יֵבֹ֤שׁוּ  כָּל־  עֹ֬בְדֵי  פֶ֗סֶל  הַמִּֽתְהַלְלִ֥ים  בָּאֱלִילִ֑ים  הִשְׁתַּחֲווּ־  לֹ֝ו  כָּל־  אֱלֹהִֽים׃  8   שָׁמְעָ֬ה  וַתִּשְׂמַ֨ח  צִיֹּ֗ון  וַ֭תָּגֵלְנָה  בְּנֹ֣ות  יְהוּדָ֑ה  לְמַ֖עַן  מִשְׁפָּטֶ֣יךָ  יְהוָֽה׃  9   כִּֽי־  אַתָּ֤ה  יְהוָ֗ה  עֶלְיֹ֥ון  עַל־  כָּל־  הָאָ֑רֶץ  מְאֹ֥ד  נַ֝עֲלֵ֗יתָ  עַל־  כָּל־  אֱלֹהִֽים׃ 


An exhortation to godliness and gladness
10   אֹהֲבֵ֥י  יְהוָ֗ה  שִׂנְא֫וּ  רָ֥ע  מֵר  נַפְשֹׁ֣ות  חֲסִידָ֑יו  מִיַּ֥ד  רְ֝שָׁעִ֗ים  יַצִּילֵֽם׃  11   אֹ֖ור  זָרֻ֣עַ  לַצַּדִּ֑יק  וּֽלְיִשְׁרֵי־  לֵ֥ב  שִׂמְחָֽה׃  12   שִׂמְח֣וּ  צַ֭דִּיקִים  בַּֽיהוָ֑ה  וְ֝הֹוד֗וּ  לְזֵ֣כֶר  קָדְשֹֽׁו׃ 
<< Psalm 97 >>
Biblos Greek and Hebrew Study Bible © 2010 Biblos.com
Online Parallel Bible