<< Psalms 95 HEB >>


An exhortation to praise God
1   לְ֭כוּ  נְרַנְּנָ֣ה  לַיהוָ֑ה  נָ֝רִ֗יעָה  לְצ֣וּר  יִשְׁעֵֽנוּ׃  2   נְקַדְּמָ֣ה  פָנָ֣יו  בְּתֹודָ֑ה  בִּ֝זְמִרֹ֗ות  נָרִ֥יעַֽ  לֹֽו׃ 


For his greatness
3   כִּ֤י  אֵ֣ל  גָּדֹ֣ול  יְהוָ֑ה  וּמֶ֥לֶךְ  גָּ֝דֹ֗ול  עַל־  כָּל־  אֱלֹהִֽים׃  4   אֲשֶׁ֣ר  בְּ֭יָדֹו  מֶחְקְרֵי־  אָ֑רֶץ  וְתֹועֲפֹ֖ות  הָרִ֣ים  לֹֽו׃  5   אֲשֶׁר־  לֹ֣ו  הַ֭יָּם  וְה֣וּא  עָשָׂ֑הוּ  וְ֝יַבֶּ֗שֶׁת  יָדָ֥יו  יָצָֽרוּ׃ 


And for his goodness
6   בֹּ֭אוּ  נִשְׁתַּחֲוֶ֣ה  וְנִכְרָ֑עָה  נִ֝בְרְכָ֗ה  לִֽפְנֵי־  יְהוָ֥ה  עֹשֵֽׂנוּ׃  7   כִּ֘י  ה֤וּא  אֱלֹהֵ֗ינוּ  וַאֲנַ֤חְנוּ  עַ֣ם  מַ֭רְעִיתֹו  וְצֹ֣אן  יָדֹ֑ו  הַ֝יֹּ֗ום  אִֽם־  בְּקֹלֹ֥ו  תִשְׁמָֽעוּ׃ 


And not to tempt him
8   אַל־  תַּקְשׁ֣וּ  לְ֭בַבְכֶם  כִּמְרִיבָ֑ה  כְּיֹ֥ום  מַ֝סָּ֗ה  בַּמִּדְבָּֽר׃  9   אֲשֶׁ֣ר  נִ֭סּוּנִי  אֲבֹותֵיכֶ֑ם  בְּ֝חָנ֗וּנִי  גַּם־  רָא֥וּ  פָעֳלִֽי׃  10   אַרְבָּ֘עִ֤ים  שָׁנָ֨ה  אָ֘ק֤וּט  בְּדֹ֗ור  וָאֹמַ֗ר  עַ֤ם  תֹּעֵ֣י  לֵבָ֣ב  הֵ֑ם  וְ֝הֵ֗ם  לֹא־  יָדְע֥וּ  דְרָכָֽי׃  11   אֲשֶׁר־  נִשְׁבַּ֥עְתִּי  בְאַפִּ֑י  אִם־  יְ֝בֹא֗וּן  אֶל־  מְנוּחָתִֽי׃ 
<< Psalm 95 >>
Biblos Greek and Hebrew Study Bible © 2010 Biblos.com
Online Parallel Bible