<< Psalms 90 HEB >>


Moses, setting forth God's providence
1   תְּפִלָּה֮  לְמֹשֶׁ֪ה  אִֽישׁ־  הָאֱלֹ֫הִ֥ים  אֲ‍ֽדֹנָ֗י  מָעֹ֣ון  אַ֭תָּה  הָיִ֥יתָ  לָּ֗נוּ  בְּדֹ֣ר  וָדֹֽר׃  2   בְּטֶ֤רֶם  הָ֘רִ֤ים  יֻלָּ֗דוּ  וַתְּחֹ֣ולֵֽל  אֶ֣רֶץ  וְתֵבֵ֑ל  וּֽמֵעֹולָ֥ם  עַד־  עֹ֝ולָ֗ם  אַתָּ֥ה  אֵֽל׃ 


Complains of human fragility
3   תָּשֵׁ֣ב  אֱ֭נֹושׁ  עַד־  דַּכָּ֑א  וַ֝תֹּ֗אמֶר  שׁ֣וּבוּ  בְנֵי־  אָדָֽם׃  4   כִּ֤י  אֶ֪לֶף  שָׁנִ֡ים  בְּֽעֵינֶ֗יךָ  כְּיֹ֣ום  אֶ֭תְמֹול  כִּ֣י  יַעֲבֹ֑ר  וְאַשְׁמוּרָ֥ה  בַלָּֽיְלָה׃  5   זְ֭רַמְתָּם  שֵׁנָ֣ה  יִהְי֑וּ  בַּ֝בֹּ֗קֶר  כֶּחָצִ֥יר  יַחֲלֹֽף׃  6   בַּ֭בֹּקֶר  יָצִ֣יץ  וְחָלָ֑ף  לָ֝עֶ֗רֶב  יְמֹולֵ֥ל  וְיָבֵֽשׁ׃ 


Divine chastisement
7   כִּֽי־  כָלִ֥ינוּ  בְאַפֶּ֑ךָ  וּֽבַחֲמָתְךָ֥  נִבְהָֽלְנוּ׃  8   [שַׁתָּ  כ]  (שַׁתָּ֣ה  ק)  עֲוֹנֹתֵ֣ינוּ  לְנֶגְדֶּ֑ךָ  עֲ֝לֻמֵ֗נוּ  לִמְאֹ֥ור  פָּנֶֽיךָ׃  9   כִּ֣י  כָל־  יָ֭מֵינוּ  פָּנ֣וּ  בְעֶבְרָתֶ֑ךָ  כִּלִּ֖ינוּ  שָׁנֵ֣ינוּ  כְמֹו־  הֶֽגֶה׃ 


and brevity of life
10   יְמֵֽי־  שְׁנֹותֵ֨ינוּ  בָהֶ֥ם  שִׁבְעִ֪ים  שָׁנָ֡ה  וְאִ֤ם  בִּגְבוּרֹ֨ת  שְׁמֹ֘ונִ֤ים  שָׁנָ֗ה  וְ֭רָהְבָּם  עָמָ֣ל  וָאָ֑וֶן  כִּי־  גָ֥ז  חִ֝֗ישׁ  וַנָּעֻֽפָה׃  11   מִֽי־  יֹ֭ודֵעַ  עֹ֣ז  אַפֶּ֑ךָ  וּ֝כְיִרְאָתְךָ֗  עֶבְרָתֶֽךָ׃ 


He prays for the knowledge and sensible experience of God's good providence.
12   לִמְנֹ֣ות  יָ֭מֵינוּ  כֵּ֣ן  הֹודַ֑ע  וְ֝נָבִ֗א  לְבַ֣ב  חָכְמָֽה׃  13   שׁוּבָ֣ה  יְ֭הוָה  עַד־  מָתָ֑י  וְ֝הִנָּחֵ֗ם  עַל־  עֲבָדֶֽיךָ׃  14   שַׂבְּעֵ֣נוּ  בַבֹּ֣קֶר  חַסְדֶּ֑ךָ  וּֽנְרַנְּנָ֥ה  וְ֝נִשְׂמְחָ֗ה  בְּכָל־  יָמֵֽינוּ׃  15   מְּחֵנוּ  כִּימֹ֣ות  עִנִּיתָ֑נוּ  נֹ֗ות  רָאִ֥ינוּ  רָעָֽה׃  16   יֵרָאֶ֣ה  אֶל־  עֲבָדֶ֣יךָ  פָעֳלֶ֑ךָ  וַ֝הֲדָרְךָ֗  עַל־  בְּנֵיהֶֽם׃  17   וִיהִ֤י  נֹ֤עַם  אֲדֹנָ֥י  אֱלֹהֵ֗ינוּ  עָ֫לֵ֥ינוּ  וּמַעֲשֵׂ֣ה  יָ֭דֵינוּ  כֹּונְנָ֥ה  עָלֵ֑ינוּ  וּֽמַעֲשֵׂ֥ה  יָ֝דֵ֗ינוּ  כֹּונְנֵֽהוּ׃ 
<< Psalm 90 >>
Biblos Greek and Hebrew Study Bible © 2010 Biblos.com
Online Parallel Bible