<< Psalms 85 HEB >>


The Psalmist, out of the experience of former mercies, prays for continuance thereof.
1   לַמְנַצֵּ֬חַ  לִבְנֵי־  קֹ֬רַח  מִזְמֹֽור׃  רָצִ֣יתָ  יְהוָ֣ה  אַרְצֶ֑ךָ  בְתָּ  [שְׁבוּת  כ]  (שְׁבִ֣ית  ק)  יַעֲקֹֽב׃  2   נָ֭שָׂאתָ  עֲוֹ֣ן  עַמֶּ֑ךָ  כִּסִּ֖יתָ  כָל־  חַטָּאתָ֣ם  סֶֽלָה׃  3   אָסַ֥פְתָּ  כָל־  עֶבְרָתֶ֑ךָ  הֱ֝שִׁיבֹ֗ותָ  מֵחֲרֹ֥ון  אַפֶּֽךָ׃  4   וּבֵנוּ  אֱלֹהֵ֣י  יִשְׁעֵ֑נוּ  וְהָפֵ֖ר  כַּֽעַסְךָ֣  עִמָּֽנוּ׃  5   הַלְעֹולָ֥ם  תֶּֽאֱנַף־  בָּ֑נוּ  תִּמְשֹׁ֥ךְ  אַ֝פְּךָ֗  לְדֹ֣ר  וָדֹֽר׃  6   הֲֽלֹא־  אַ֭תָּה  תָּשׁ֣וּב  תְּחַיֵּ֑נוּ  וְ֝עַמְּךָ֗  יִשְׂמְחוּ־  בָֽךְ׃  7   הַרְאֵ֣נוּ  יְהוָ֣ה  חַסְדֶּ֑ךָ  וְ֝יֶשְׁעֲךָ֗  תִּתֶּן־  לָֽנוּ׃ 


He promises to wait thereon, out of confidence of God's goodness
8   אֶשְׁמְעָ֗ה  מַה־  יְדַבֵּר֮  הָאֵ֪ל  יְה֫וָ֥ה  כִּ֤י  יְדַבֵּ֬ר  שָׁלֹ֗ום  אֶל־  עַמֹּ֥ו  וְאֶל־  חֲסִידָ֑יו  וְֽאַל־  יָשׁ֥וּבוּ  לְכִסְלָֽה׃  9   אַ֤ךְ  קָרֹ֣וב  לִירֵאָ֣יו  יִשְׁעֹ֑ו  לִשְׁכֹּ֖ן  כָּבֹ֣וד  בְּאַרְצֵֽנוּ׃  10   חֶֽסֶד־  וֶאֱמֶ֥ת  נִפְגָּ֑שׁוּ  צֶ֖דֶק  וְשָׁלֹ֣ום  נָשָֽׁקוּ׃  11   אֱ֭מֶת  מֵאֶ֣רֶץ  תִּצְמָ֑ח  וְ֝צֶ֗דֶק  מִשָּׁמַ֥יִם  נִשְׁקָֽף׃  12   גַּם־  יְ֭הוָה  יִתֵּ֣ן  הַטֹּ֑וב  וְ֝אַרְצֵ֗נוּ  תִּתֵּ֥ן  יְבוּלָֽהּ׃  13   צֶ֭דֶק  לְפָנָ֣יו  יְהַלֵּ֑ךְ  וְיָשֵׂ֖ם  לְדֶ֣רֶךְ  פְּעָמָֽיו׃ 
<< Psalm 85 >>
Biblos Greek and Hebrew Study Bible © 2010 Biblos.com
Online Parallel Bible