<< Psalms 75 HEB >>


The prophet praises God
1   לַמְנַצֵּ֥חַ  אַל־  תַּשְׁחֵ֑ת  מִזְמֹ֖ור  לְאָסָ֣ף  שִֽׁיר׃  הֹ֘ודִ֤ינוּ  לְּךָ֨  אֱ‍ֽלֹהִ֗ים  הֹ֭ודִינוּ  וְקָרֹ֣וב  שְׁמֶ֑ךָ  סִ֝פְּר֗וּ  נִפְלְאֹותֶֽיךָ׃ 


He promises to judge uprightly
2   כִּ֭י  אֶקַּ֣ח  מֹועֵ֑ד  אֲ֝נִ֗י  מֵישָׁרִ֥ים  אֶשְׁפֹּֽט׃  3   נְֽמֹגִ֗ים  אֶ֥רֶץ  וְכָל־  יֹשְׁבֶ֑יהָ  אָנֹכִ֨י  תִכַּ֖נְתִּי  עַמּוּדֶ֣יהָ  סֶּֽלָה׃ 


He rebukes the proud by consideration of God's providence
4   אָמַ֣רְתִּי  לַֽ֭הֹולְלִים  אַל־  תָּהֹ֑לּוּ  וְ֝לָרְשָׁעִ֗ים  אַל־  תָּרִ֥ימוּ  קָֽרֶן׃  5   אַל־  תָּרִ֣ימוּ  לַמָּרֹ֣ום  קַרְנְכֶ֑ם  תְּדַבְּר֖וּ  בְצַוָּ֣אר  עָתָֽק׃  6   כִּ֤י  לֹ֣א  מִ֭מֹּוצָא  וּמִֽמַּעֲרָ֑ב  וְ֝לֹ֗א  מִמִּדְבַּ֥ר  הָרִֽים׃  7   כִּֽי־  אֱלֹהִ֥ים  שֹׁפֵ֑ט  זֶ֥ה  יַ֝שְׁפִּ֗יל  וְזֶ֣ה  יָרִֽים׃  8   כִּ֤י  כֹ֪וס  בְּֽיַד־  יְהוָ֡ה  וְיַ֤יִן  חָמַ֨ר  מָ֥לֵא  מֶסֶךְ֮  וַיַּגֵּ֪ר  מִ֫זֶּ֥ה  אַךשְְׁ֭־  מָרֶיהָ  יִמְצ֣וּ  יִשְׁתּ֑וּ  כֹּ֝֗ל  רִשְׁעֵי־  אָֽרֶץ׃ 


He praises God, and promises to execute justice.
9   וַ֭אֲנִי  אַגִּ֣יד  לְעֹלָ֑ם  אֲ֝זַמְּרָ֗ה  לֵאלֹהֵ֥י  יַעֲקֹֽב׃  10   וְכָל־  קַרְנֵ֣י  רְשָׁעִ֣ים  אֲגַדֵּ֑עַ  תְּ֝רֹומַ֗מְנָה  קַֽרְנֹ֥ות  צַדִּֽיק׃ 
<< Psalm 75 >>
Biblos Greek and Hebrew Study Bible © 2010 Biblos.com
Online Parallel Bible