<< Psalms 64 HEB >>


David prays for deliverance, complaining of his enemies
1   לַמְנַצֵּ֗חַ  מִזְמֹ֥ור  לְדָוִֽד׃  שְׁמַע־  אֱלֹהִ֣ים  קֹולִ֣י  בְשִׂיחִ֑י  מִפַּ֥חַד  אֹ֝ויֵ֗ב  תִּצֹּ֥ר  חַיָּֽי׃  2   תַּ֭סְתִּירֵנִי  מִסֹּ֣וד  מְרֵעִ֑ים  מֵ֝רִגְשַׁ֗ת  פֹּ֣עֲלֵי  אָֽוֶן׃  3   אֲשֶׁ֤ר  שָׁנְנ֣וּ  כַחֶ֣רֶב  לְשֹׁונָ֑ם  דָּרְכ֥וּ  חִ֝צָּ֗ם  דָּבָ֥ר  מָֽר׃  4   לִירֹ֣ות  בַּמִּסְתָּרִ֣ים  תָּ֑ם  פִּתְאֹ֥ם  יֹ֝רֻ֗הוּ  וְלֹ֣א  יִירָֽאוּ׃  5   יְחַזְּקוּ־  לָ֨מֹו  דָּ֘בָ֤ר  רָ֗ע  יְֽ֭סַפְּרוּ  לִטְמֹ֣ון  מֹוקְשִׁ֑ים  אָ֝מְר֗וּ  מִ֣י  יִרְאֶה־  לָּֽמֹו׃  6   יַֽחְפְּֽשׂוּ־  עֹולֹ֗ת  תַּ֭מְנוּ  חֵ֣פֶשׂ  מְחֻפָּ֑שׂ  וְקֶ֥רֶב  אִ֝֗ישׁ  וְלֵ֣ב  עָמֹֽק׃ 


He promises himself to see such an evident destruction of his enemies,
7   וַיֹּרֵ֗ם  אֱלֹ֫הִ֥ים  חֵ֥ץ  פִּתְאֹ֑ום  הָ֝י֗וּ  מַכֹּותָֽם׃  8   וַיַּכְשִׁיל֣וּהוּ  עָלֵ֣ימֹו  לְשֹׁונָ֑ם  יִ֝תְנֹדֲד֗וּ  כָּל־  רֹ֥אֵה  בָֽם׃  9   וַיִּֽירְא֗וּ  כָּל־  אָ֫דָ֥ם  וַ֭יַּגִּידוּ  פֹּ֥עַל  אֱלֹהִ֗ים  וּֽמַעֲשֵׂ֥הוּ  הִשְׂכִּֽילוּ׃ 


as the righteous shall rejoice at it.
10   יִשְׂמַ֬ח  צַדִּ֣יק  בַּ֭יהוָה  וְחָ֣סָה  בֹ֑ו  וְ֝יִתְהַֽלְל֗וּ  כָּל־  יִשְׁרֵי־  לֵֽב׃ 
<< Psalm 64 >>
Biblos Greek and Hebrew Study Bible © 2010 Biblos.com
Online Parallel Bible