<< Psalms 47 HEB >>



The nations are exhorted cheerfully to entertain the kingdom of Christ.
1   לַמְנַצֵּ֬חַ  לִבְנֵי־  קֹ֬רַח  מִזְמֹֽור׃  כָּֽל־  הָ֭עַמִּים  תִּקְעוּ־  כָ֑ף  הָרִ֥יעוּ  לֵ֝אלֹהִ֗ים  בְּקֹ֣ול  רִנָּֽה׃  2   כִּֽי־  יְהוָ֣ה  עֶלְיֹ֣ון  נֹורָ֑א  מֶ֥לֶךְ  גָּ֝דֹול  עַל־  כָּל־  הָאָֽרֶץ׃  3   יַדְבֵּ֣ר  עַמִּ֣ים  תַּחְתֵּ֑ינוּ  וּ֝לְאֻמִּ֗ים  תַּ֣חַת  רַגְלֵֽינוּ׃  4   יִבְחַר־  לָ֥נוּ  אֶת־  נַחֲלָתֵ֑נוּ  אֶ֥ת  גְּאֹ֨ון  יַעֲקֹ֖ב  אֲשֶׁר־  אָהֵ֣ב  סֶֽלָה׃  5   עָלָ֣ה  אֱ֭לֹהִים  בִּתְרוּעָ֑ה  יְ֝הֹוָ֗ה  בְּקֹ֣ול  שֹׁופָֽר׃  6   זַמְּר֣וּ  אֱלֹהִ֣ים  זַמֵּ֑רוּ  זַמְּר֖וּ  לְמַלְכֵּ֣נוּ  זַמֵּֽרוּ׃  7   כִּ֤י  מֶ֖לֶךְ  כָּל־  הָאָ֥רֶץ  אֱלֹהִ֗ים  זַמְּר֥וּ  מַשְׂכִּֽיל׃  8   מָלַ֣ךְ  אֱ֭לֹהִים  עַל־  גֹּויִ֑ם  אֱ֝לֹהִ֗ים  יָשַׁ֤ב  עַל־  כִּסֵּ֬א  קָדְשֹֽׁו׃  9   נְדִ֘יבֵ֤י  עַמִּ֨ים  נֶאֱסָ֗פוּ  עַם֮  אֱלֹהֵ֪י  אַבְרָ֫הָ֥ם  כִּ֣י  לֵֽ֭אלֹהִים  מָֽגִנֵּי־  אֶ֗רֶץ  מְאֹ֣ד  נַעֲלָֽה׃ 

<< Psalm 47 >>
Biblos Greek and Hebrew Study Bible © 2010 Biblos.com
Online Parallel Bible