<< Psalms 143 HEB >>


David prays for favor in judgment
1   מִזְמֹ֗ור  לְדָ֫וִ֥ד  יְהוָ֤ה  שְׁמַ֬ע  תְּפִלָּתִ֗י  הַאֲזִ֥ינָה  אֶל־  תַּחֲנוּנַ֑י  בֶּאֱמֻנָתְךָ֥  עֲ֝נֵ֗נִי  בְּצִדְקָתֶֽךָ׃  2   וְאַל־  תָּבֹ֣וא  בְ֭מִשְׁפָּט  אֶת־  עַבְדֶּ֑ךָ  כִּ֤י  לֹֽא־  יִצְדַּ֖ק  לְפָנֶ֣יךָ  כָל־  חָֽי׃ 


He complains of his grief
3   כִּ֥י  רָ֘דַ֤ף  אֹויֵ֨ב  נַפְשִׁ֗י  דִּכָּ֣א  לָ֭אָרֶץ  חַיָּתִ֑י  הֹושִׁיבַ֥נִי  בְ֝מַחֲשַׁכִּ֗ים  כְּמֵתֵ֥י  עֹולָֽם׃  4   וַתִּתְעַטֵּ֣ף  עָלַ֣י  רוּחִ֑י  בְּ֝תֹוכִ֗י  יִשְׁתֹּומֵ֥ם  לִבִּֽי׃ 


He strengthens his faith by meditation and prayer
5   זָ֘כַ֤רְתִּי  יָמִ֨ים  מִקֶּ֗דֶם  הָגִ֥יתִי  בְכָל־  פָּעֳלֶ֑ךָ  בְּֽמַעֲשֵׂ֖ה  יָדֶ֣יךָ  אֲשֹׂוחֵֽחַ׃  6   פֵּרַ֣שְׂתִּי  יָדַ֣י  אֵלֶ֑יךָ  נַפְשִׁ֓י  כְּאֶֽרֶץ־  עֲיֵפָ֖ה  לְךָ֣  סֶֽלָה׃ 


He prays for grace
7   מַ֘הֵ֤ר  עֲנֵ֨נִי  יְהוָה֮  כָּלְתָ֪ה  ר֫וּחִ֥י  אַל־  תַּסְתֵּ֣ר  פָּנֶ֣יךָ  מִמֶּ֑נִּי  וְ֝נִמְשַׁ֗לְתִּי  עִם־  יֹ֥רְדֵי  בֹֽור׃  8   הַשְׁמִ֘יעֵ֤נִי  בַבֹּ֨קֶר  חַסְדֶּךָ֮  כִּֽי־  בְךָ֪  בָ֫טָ֥חְתִּי  הֹודִיעֵ֗נִי  דֶּֽרֶךְ־  ז֥וּ  אֵלֵ֑ךְ  כִּֽי־  אֵ֝לֶיךָ  נָשָׂ֥אתִי  נַפְשִֽׁי׃ 


For deliverance
9   הַצִּילֵ֖נִי  מֵאֹיְבַ֥י  יְהוָ֗ה  אֵלֶ֥יךָ  כִסִּֽתִי׃ 


For sanctification
10   לַמְּדֵ֤נִי  לַֽעֲשֹׂ֣ות  רְצֹונֶךָ֮  כִּֽי־  אַתָּ֪ה  אֱלֹ֫והָ֥י  רוּחֲךָ֥  טֹובָ֑ה  תַּ֝נְחֵ֗נִי  בְּאֶ֣רֶץ  מִישֹֽׁור׃  11   לְמַֽעַן־  שִׁמְךָ֣  יְהוָ֣ה  תְּחַיֵּ֑נִי  בְּצִדְקָתְךָ֓  תֹוצִ֖יא  מִצָּרָ֣ה  נַפְשִֽׁי׃ 


For destruction of his enemies
12   וּֽבְחַסְדְּךָ֮  תַּצְמִ֪ית  אֹ֫יְבָ֥י  וְֽ֭הַאֲבַדְתָּ  כָּל־  צֹרֲרֵ֣י  נַפְשִׁ֑י  כִּ֝֗י  אֲנִ֣י  עַבְדֶּֽךָ׃ 
<< Psalm 143 >>
Biblos Greek and Hebrew Study Bible © 2010 Biblos.com
Online Parallel Bible