1   שִׁ֗יר  הַֽמַּ֫עֲלֹ֥ות  רַ֭בַּת  צְרָר֣וּנִי  מִנְּעוּרַ֑י  יֹֽאמַר־  נָ֝א  יִשְׂרָאֵֽל׃  2   רַ֭בַּת  צְרָר֣וּנִי  מִנְּעוּרָ֑י  גַּ֝ם  לֹא־  יָ֥כְלוּ  לִֽי׃  3   עַל־  גַּ֭בִּי  חָרְשׁ֣וּ  חֹרְשִׁ֑ים  הֶ֝אֱרִ֗יכוּ  [לְמַעֲנֹותָם  כ]  (לְמַעֲנִיתָֽם׃  ק)  4   יְהוָ֥ה  צַדִּ֑יק  קִ֝צֵּ֗ץ  עֲבֹ֣ות  רְשָׁעִֽים׃ 

5   יֵ֭בֹשׁוּ  וְיִסֹּ֣גוּ  אָחֹ֑ור  כֹּ֝֗ל  שֹׂנְאֵ֥י  צִיֹּֽון׃  6   יִ֭הְיוּ  כַּחֲצִ֣יר  גַּגֹּ֑ות  שֶׁקַּדְמַ֖ת  שָׁלַ֣ף  יָבֵֽשׁ׃  7   שֶׁלֹּ֤א  מִלֵּ֖א  כַפֹּ֥ו  קֹוצֵ֗ר  וְחִצְנֹ֥ו  מְעַמֵּֽר׃  8   וְלֹ֤א  אָֽמְר֨וּ  הָעֹבְרִ֗ים  בִּרְכַּֽת־  יְהוָ֥ה  אֲלֵיכֶ֑ם  בֵּרַ֥כְנוּ  אֶ֝תְכֶ֗ם  בְּשֵׁ֣ם  יְהוָֽה׃ 

---

<< Psalm 129 >>

---

Biblos Greek and Hebrew Study Bible © 2010 Biblos.com

---

Online Parallel Bible