<< Psalms 127 HEB >>


The virtue of God's blessing
1   שִׁ֥יר  הַֽמַּֽעֲלֹ֗ות  לִשְׁלֹ֫מֹ֥ה  אִם־  יְהוָ֤ה  לֹא־  יִבְנֶ֬ה  בַ֗יִת  שָׁ֤וְא  עָמְל֣וּ  בֹונָ֣יו  בֹּ֑ו  אִם־  יְהוָ֥ה  לֹֽא־  יִשְׁמָר־  עִ֝֗יר  שָׁ֤וְא  שָׁקַ֬ד  שֹׁומֵֽר׃  2   שָׁ֤וְא  לָכֶ֨ם  מַשְׁכִּ֪ימֵי  ק֡וּם  מְאַֽחֲרֵי־  שֶׁ֗בֶת  אֹ֭כְלֵי  לֶ֣חֶם  הָעֲצָבִ֑ים  כֵּ֤ן  יִתֵּ֖ן  לִֽידִידֹ֣ו  שֵׁנָֽא׃ 


Good children are his gift
3   הִנֵּ֤ה  נַחֲלַ֣ת  יְהוָ֣ה  בָּנִ֑ים  כָ֗ר  פְּרִ֣י  הַבָּֽטֶן׃  4   כְּחִצִּ֥ים  בְּיַד־  גִּבֹּ֑ור  כֵּ֝֗ן  בְּנֵ֣י  הַנְּעוּרִֽים׃  5   אַשְׁרֵ֤י  הַגֶּ֗בֶר  אֲשֶׁ֤ר  מִלֵּ֥א  אֶת־  אַשְׁפָּתֹ֗ו  מֵ֫הֶ֥ם  לֹֽא־  יֵבֹ֑שׁוּ  כִּֽי־  יְדַבְּר֖וּ  אֶת־  אֹויְבִ֣ים  בַּשָּֽׁעַר׃ 
<< Psalm 127 >>
Biblos Greek and Hebrew Study Bible © 2010 Biblos.com
Online Parallel Bible