<< Psalms 113 HEB >>


An exhortation to praise God for his excellence
1   הַ֥לְלוּ  יָ֨הּ  הַ֭לְלוּ  עַבְדֵ֣י  יְהוָ֑ה  הַֽ֝לְלוּ  אֶת־  שֵׁ֥ם  יְהוָֽה׃  2   יְהִ֤י  שֵׁ֣ם  יְהוָ֣ה  מְבֹרָ֑ךְ  מֵֽ֝עַתָּ֗ה  וְעַד־  עֹולָֽם׃  3   מִמִּזְרַח־  שֶׁ֥מֶשׁ  עַד־  מְבֹואֹ֑ו  מְ֝הֻלָּ֗ל  שֵׁ֣ם  יְהוָֽה׃  4   רָ֖ם  עַל־  כָּל־  גֹּויִ֥ם  יְהוָ֑ה  עַ֖ל  הַשָּׁמַ֣יִם  כְּבֹודֹֽו׃  5   מִ֭י  כַּיהוָ֣ה  אֱלֹהֵ֑ינוּ  הַֽמַּגְבִּיהִ֥י  לָשָֽׁבֶת׃ 


For his mercy
6   הַֽמַּשְׁפִּילִ֥י  לִרְאֹ֑ות  בַּשָּׁמַ֥יִם  וּבָאָֽרֶץ׃  7   מְקִֽימִ֣י  מֵעָפָ֣ר  דָּ֑ל  מֵֽ֝אַשְׁפֹּ֗ת  יָרִ֥ים  אֶבְיֹֽון׃  8   לְהֹושִׁיבִ֥י  עִם־  נְדִיבִ֑ים  עִ֝֗ם  נְדִיבֵ֥י  עַמֹּֽו׃  9   מֹֽושִׁיבִ֨י  עֲקֶ֬רֶת  הַבַּ֗יִת  אֵֽם־  הַבָּנִ֥ים  שְׂמֵחָ֗ה  הַֽלְלוּ־  יָֽהּ׃ 
<< Psalm 113 >>
Biblos Greek and Hebrew Study Bible © 2010 Biblos.com
Online Parallel Bible