<< Psalms 111 HEB >>


The psalmist by his example incites others to praise God for his glorious
1   הַ֥לְלוּ  יָ֨הּ  אֹודֶ֣ה  יְ֭הוָה  בְּכָל־  לֵבָ֑ב  בְּסֹ֖וד  יְשָׁרִ֣ים  וְעֵדָֽה׃  2   גְּ֭דֹלִים  מַעֲשֵׂ֣י  יְהוָ֑ה  דְּ֝רוּשִׁ֗ים  לְכָל־  חֶפְצֵיהֶֽם׃  3   הֹוד־  וְהָדָ֥ר  פָּֽעֳלֹ֑ו  וְ֝צִדְקָתֹ֗ו  עֹמֶ֥דֶת  לָעַֽד׃  4   זֵ֣כֶר  עָ֭שָׂה  לְנִפְלְאֹתָ֑יו  חַנּ֖וּן  וְרַח֣וּם  יְהוָֽה׃ 


And gracious works
5   טֶ֭רֶף  נָתַ֣ן  לִֽירֵאָ֑יו  יִזְכֹּ֖ר  לְעֹולָ֣ם  בְּרִיתֹֽו׃  6   כֹּ֣חַ  מַ֭עֲשָׂיו  הִגִּ֣יד  לְעַמֹּ֑ו  לָתֵ֥ת  לָ֝הֶ֗ם  נַחֲלַ֥ת  גֹּויִֽם׃  7   מַעֲשֵׂ֣י  יָ֭דָיו  אֱמֶ֣ת  וּמִשְׁפָּ֑ט  נֶ֝אֱמָנִ֗ים  כָּל־  פִּקּוּדָֽיו׃  8   סְמוּכִ֣ים  לָעַ֣ד  לְעֹולָ֑ם  עֲ֝שׂוּיִ֗ם  בֶּאֱמֶ֥ת  וְיָשָֽׁר׃  9   פְּד֤וּת  שָׁ֘לַ֤ח  לְעַמֹּ֗ו  צִוָּֽה־  לְעֹולָ֥ם  בְּרִיתֹ֑ו  קָדֹ֖ושׁ  וְנֹורָ֣א  שְׁמֹֽו׃ 


The fear of God breeds true wisdom
10   רֵ֘אשִׁ֤ית  חָכְמָ֨ה  יִרְאַ֬ת  יְהוָ֗ה  שֵׂ֣כֶל  טֹ֖וב  לְכָל־  עֹשֵׂיהֶ֑ם  תְּ֝הִלָּתֹ֗ו  עֹמֶ֥דֶת  לָעַֽד׃ 
<< Psalm 111 >>
Biblos Greek and Hebrew Study Bible © 2010 Biblos.com
Online Parallel Bible