<< Proverbs 26 HEB >>


observations about fools
1   כַּשֶּׁ֤לֶג  בַּקַּ֗יִץ  וְכַמָּטָ֥ר  בַּקָּצִ֑יר  כֵּ֤ן  לֹא־  נָאוֶ֖ה  לִכְסִ֣יל  כָּבֹֽוד׃  2   כַּצִּפֹּ֣ור  לָ֭נוּד  כַּדְּרֹ֣ור  לָע֑וּף  כֵּ֥ן  קִֽלְלַ֥ת  חִ֝נָּ֗ם  [לֹא  כ]  (לֹ֣ו  ק)  תָבֹֽא׃  3   שֹׁ֣וט  לַ֭סּוּס  מֶ֣תֶג  לַחֲמֹ֑ור  וְ֝שֵׁ֗בֶט  לְגֵ֣ו  כְּסִילִֽים׃  4   אַל־  תַּ֣עַן  כְּ֭סִיל  כְּאִוַּלְתֹּ֑ו  פֶּֽן־  תִּשְׁוֶה־  לֹּ֥ו  גַם־  אָֽתָּה׃  5   עֲנֵ֣ה  כְ֭סִיל  כְּאִוַּלְתֹּ֑ו  פֶּן־  יִהְיֶ֖ה  חָכָ֣ם  בְּעֵינָֽיו׃  6   מְקַצֶּ֣ה  רַ֭גְלַיִם  חָמָ֣ס  שֹׁתֶ֑ה  שֹׁלֵ֖חַ  דְּבָרִ֣ים  בְּיַד־  כְּסִֽיל׃  7   דַּלְי֣וּ  קַיִם  מִפִּסֵּ֑חַ  וּ֝מָשָׁ֗ל  בְּפִ֣י  כְסִילִֽים׃  8   כִּצְרֹ֣ור  אֶ֭בֶן  בְּמַרְגֵּמָ֑ה  כֵּן־  נֹותֵ֖ן  לִכְסִ֣יל  כָּבֹֽוד׃  9   חֹ֭וחַ  עָלָ֣ה  בְיַד־  שִׁכֹּ֑ור  וּ֝מָשָׁ֗ל  בְּפִ֣י  כְסִילִֽים׃  10   רַ֥ב  מְחֹֽולֵֽל־  כֹּ֑ל  וְשֹׂכֵ֥ר  כְּ֝סִ֗יל  וְשֹׂכֵ֥ר  עֹבְרִֽים׃  11   כְּ֭כֶלֶב  שָׁ֣ב  עַל־  קֵאֹ֑ו  כְּ֝סִ֗יל  שֹׁונֶ֥ה  בְאִוַּלְתֹּֽו׃  12   רָאִ֗יתָ  אִ֭ישׁ  חָכָ֣ם  בְּעֵינָ֑יו  תִּקְוָ֖ה  לִכְסִ֣יל  מִמֶּֽנּוּ׃ 


about sluggards
13   אָמַ֣ר  עָ֭צֵל  שַׁ֣חַל  בַּדָּ֑רֶךְ  אֲ֝רִ֗י  בֵּ֣ין  הָרְחֹבֹֽות׃  14   הַ֭דֶּלֶת  תִּסֹּ֣וב  עַל־  צִירָ֑הּ  וְ֝עָצֵ֗ל  עַל־  מִטָּתֹֽו׃  15   טָ֘מַ֤ן  עָצֵ֣ל  יָ֭דֹו  בַּצַּלָּ֑חַת  נִ֝לְאָ֗ה  לַֽהֲשִׁיבָ֥הּ  אֶל־  פִּֽיו׃  16   חָכָ֣ם  עָצֵ֣ל  בְּעֵינָ֑יו  מִ֝שִּׁבְעָ֗ה  מְשִׁ֣יבֵי  טָֽעַם׃ 


and about contentious busybodies
17   מַחֲזִ֥יק  בְּאָזְנֵי־  כָ֑לֶב  עֹבֵ֥ר  מִ֝תְעַבֵּ֗ר  עַל־  רִ֥יב  לֹּֽא־  לֹֽו׃  18   כְּֽ֭מִתְלַהְלֵהַּ  הַיֹּרֶ֥ה  זִקִּ֗ים  חִצִּ֥ים  וָמָֽוֶת׃  19   כֵּֽן־  אִ֭ישׁ  רִמָּ֣ה  אֶת־  רֵעֵ֑הוּ  וְ֝אָמַ֗ר  הֲ‍ֽלֹא־  מְשַׂחֵ֥ק  אָֽנִי׃  20   בְּאֶ֣פֶס  עֵ֭צִים  תִּכְבֶּה־  אֵ֑שׁ  וּבְאֵ֥ין  נִ֝רְגָּ֗ן  יִשְׁתֹּ֥ק  מָדֹֽון׃  21   פֶּחָ֣ם  לְ֭גֶחָלִים  וְעֵצִ֣ים  לְאֵ֑שׁ  וְאִ֥ישׁ  [מִדֹונִים  כ]  (מִ֝דְיָנִ֗ים  ק)  לְחַרְחַר־  רִֽיב׃  פ  22   דִּבְרֵ֣י  נִ֭רְגָּן  כְּמִֽתְלַהֲמִ֑ים  וְ֝הֵ֗ם  יָרְד֥וּ  חַדְרֵי־  בָֽטֶן׃  23   כֶּ֣סֶף  סִ֭יגִים  מְצֻפֶּ֣ה  עַל־  חָ֑רֶשׂ  שְׂפָתַ֖יִם  דֹּלְקִ֣ים  וְלֶב־  רָֽע׃  24   [בִּשְׂפָתֹו  כ]  (בִּ֭שְׂפָתָיו  ק)  יִנָּכֵ֣ר  שֹׂונֵ֑א  וּ֝בְקִרְבֹּ֗ו  יָשִׁ֥ית  מִרְמָֽה׃  25   כִּֽי־  יְחַנֵּ֣ן  קֹ֭ולֹו  אַל־  תַּֽאֲמֶן־  בֹּ֑ו  כִּ֤י  שֶׁ֖בַע  תֹּועֵבֹ֣ות  בְּלִבֹּֽו׃  26   תִּכַּסֶּ֣ה  נְאָה  בְּמַשָּׁאֹ֑ון  תִּגָּלֶ֖ה  רָעָתֹ֣ו  בְקָהָֽל׃  27   כֹּֽרֶהשַּׁ֭־  חַת  בָּ֣הּ  יִפֹּ֑ל  וְגֹ֥לֵ֥ל  אֶ֝בֶן  אֵלָ֥יו  תָּשֽׁוּב׃  28   לְֽשֹׁוןשֶׁ֭־  קֶר  יִשְׂנָ֣א  דַכָּ֑יו  וּפֶ֥ה  חָ֝לָ֗ק  יַעֲשֶׂ֥ה  מִדְחֶֽה׃ 
<< Proverbs 26 >>
Biblos Greek and Hebrew Study Bible © 2010 Biblos.com
Online Parallel Bible