<< Jeremiah 45 HEB >>


Baruch being dismayed
1   הַדָּבָ֗ר  אֲשֶׁ֤ר  דִּבֶּר֙  יִרְמְיָ֣הוּ  הַנָּבִ֔יא  אֶל־  בָּר֖וּךְ  בֶּֽן־  נֵֽרִיָּ֑ה  בְּכָתְבֹו֩  אֶת־  הַדְּבָרִ֨ים  הָאֵ֤לֶּה  עַל־  סֵ֙פֶר֙  מִפִּ֣י  יִרְמְיָ֔הוּ  בַּשָּׁנָה֙  הָֽרְבִעִ֔ית  לִיהֹויָקִ֧ים  בֶּן־  יֹאשִׁיָּ֛הוּ  מֶ֥לֶךְ  יְהוּדָ֖ה  לֵאמֹֽר׃  ס  2   כֹּֽה־  אָמַ֥ר  יְהוָ֖ה  אֱלֹהֵ֣י  יִשְׂרָאֵ֑ל  עָלֶ֖יךָ  בָּרֽוּךְ׃  3   אָמַ֙רְתָּ֙  אֹֽוי־  נָ֣א  לִ֔י  כִּֽי־  יָסַ֧ף  יְהוָ֛ה  יָגֹ֖ון  עַל־  מַכְאֹבִ֑י  יָגַ֙עְתִּי֙  בְּאַנְחָתִ֔י  וּמְנוּחָ֖ה  לֹ֥א  מָצָֽאתִי׃  ס 


Jeremiah instructs and comforts him
4   כֹּ֣ה  תֹּאמַ֣ר  אֵלָ֗יו  כֹּ֚ה  אָמַ֣ר  יְהוָ֔ה  הִנֵּ֤ה  אֲשֶׁר־  בָּנִ֙יתִי֙  אֲנִ֣י  הֹרֵ֔ס  וְאֵ֥ת  אֲשֶׁר־  נָטַ֖עְתִּי  אֲנִ֣י  נֹתֵ֑שׁ  וְאֶת־  כָּל־  הָאָ֖רֶץ  הִֽיא׃  5   וְאַתָּ֛ה  תְּבַקֶּשׁ־  לְךָ֥  גְדֹלֹ֖ות  אַל־  תְּבַקֵּ֑שׁ  כִּ֡י  הִנְנִי֩  מֵבִ֨יא  רָעָ֤ה  עַל־  כָּל־  בָּשָׂר֙  נְאֻם־  יְהוָ֔ה  וְנָתַתִּ֨י  לְךָ֤  אֶֽת־  נַפְשְׁךָ֙  לְשָׁלָ֔ל  עַ֥ל  כָּל־  הַמְּקֹמֹ֖ות  אֲשֶׁ֥ר  תֵּֽלֶךְ־  שָֽׁם׃  ס 
<< Jeremiah 45 >>
Biblos Greek and Hebrew Study Bible © 2010 Biblos.com
Online Parallel Bible