<< James 5 GRK >>


Rich oppressors are to fear God's vengeance.
   1   Ἄγε  νῦν  οἱ  πλούσιοι,  κλαύσατε  ὀλολύζοντες  ἐπὶ  ταῖς  ταλαιπωρίαις  ὑμῶν  ταῖς  ἐπερχομέναις.  2   ὁ  πλοῦτος  ὑμῶν  σέσηπεν  καὶ  τὰ  ἱμάτια  ὑμῶν  σητόβρωτα  γέγονεν,  3   ὁ  χρυσὸς  ὑμῶν  καὶ  ὁ  ἄργυρος  κατίωται  καὶ  ὁ  ἰὸς  αὐτῶν  εἰς  μαρτύριον  ὑμῖν  ἔσται  καὶ  φάγεται  τὰς  σάρκας  ὑμῶν  ὡς  πῦρ.  ἐθησαυρίσατε  ἐν  ἐσχάταις  ἡμέραις.  4   ἰδοὺ  ὁ  μισθὸς  τῶν  ἐργατῶν  τῶν  ἀμησάντων  τὰς  χώρας  ὑμῶν  ὁ  ἀφυστερημένος  ἀφ’  ὑμῶν  κράζει,  καὶ  αἱ  βοαὶ  τῶν  θερισάντων  εἰς  τὰ  ὦτα  κυρίου  σαβαὼθ  εἰσελήλυθαν.  5   ἐτρυφήσατε  ἐπὶ  τῆς  γῆς  καὶ  ἐσπαταλήσατε,  ἐθρέψατε  τὰς  καρδίας  ὑμῶν  ἐν  ἡμέρᾳ  σφαγῆς,  6   κατεδικάσατε,  ἐφονεύσατε  τὸν  δίκαιον,  οὐκ  ἀντιτάσσεται  ὑμῖν. 


We ought to be patient in afflictions, after the example of the prophets, and Job;
   7   Μακροθυμήσατε  οὖν,  ἀδελφοί,  ἕως  τῆς  παρουσίας  τοῦ  κυρίου.  ἰδοὺ  ὁ  γεωργὸς  ἐκδέχεται  τὸν  τίμιον  καρπὸν  τῆς  γῆς  μακροθυμῶν  ἐπ’  αὐτῷ  ἕως  λάβῃ  πρόϊμον  καὶ  ὄψιμον.  8   μακροθυμήσατε  καὶ  ὑμεῖς,  στηρίξατε  τὰς  καρδίας  ὑμῶν,  ὅτι  ἡ  παρουσία  τοῦ  κυρίου  ἤγγικεν.  9   μὴ  στενάζετε,  ἀδελφοί,  κατ’  ἀλλήλων  ἵνα  μὴ  κριθῆτε·  ἰδοὺ  ὁ  κριτὴς  πρὸ  τῶν  θυρῶν  ἕστηκεν.  10   ὑπόδειγμα  λάβετε,  ἀδελφοί,  τῆς  κακοπαθίας  καὶ  τῆς  μακροθυμίας  τοὺς  προφήτας  οἳ  ἐλάλησαν  ἐν  τῷ  ὀνόματι  κυρίου.  11   ἰδοὺ  μακαρίζομεν  τοὺς  ὑπομείναντας  τὴν  ὑπομονὴν  Ἰὼβ  ἠκούσατε  καὶ  τὸ  τέλος  κυρίου  εἴδετε,  ὅτι  πολύσπλαγχνος  ἐστιν  ὁ  κύριος  καὶ  οἰκτίρμων. 


to forbear swearing;
   12   Πρὸ  πάντων  δὲ,  ἀδελφοί  μου,  μὴ  ὀμνύετε  μήτε  τὸν  οὐρανὸν  μήτε  τὴν  γῆν  μήτε  ἄλλον  τινὰ  ὅρκον·  ἤτω  δὲ  ὑμῶν  τὸ  ναὶ  ναὶ  καὶ  τὸ  οὐ  οὐ,  ἵνα  μὴ  ὑπὸ  κρίσιν  πέσητε. 


to pray in adversity, to sing in prosperity;
   13   Κακοπαθεῖ  τις  ἐν  ὑμῖν  προσευχέσθω·  εὐθυμεῖ  τις,  ψαλλέτω· 


to acknowledge mutually our several faults, to pray one for another;
14   ἀσθενεῖ  τις  ἐν  ὑμῖν,  προσκαλεσάσθω  τοὺς  πρεσβυτέρους  τῆς  ἐκκλησίας  καὶ  προσευξάσθωσαν  ἐπ’  αὐτὸν  ἀλείψαντες  ἐλαίῳ  ἐν  τῷ  ὀνόματι  τοῦ  κυρίου.  15   καὶ  ἡ  εὐχὴ  τῆς  πίστεως  σώσει  τὸν  κάμνοντα  καὶ  ἐγερεῖ  αὐτὸν  ὁ  κύριος·  κἂν  ἁμαρτίας  ᾖ  πεποιηκώς,  ἀφεθήσεται  αὐτῷ.  16   ἐξομολογεῖσθε  οὖν  ἀλλήλοις  τὰς  ἁμαρτίας  καὶ  προσεύχεσθε  ὑπὲρ  ἀλλήλων  ὅπως  ἰαθῆτε.  πολὺ  ἰσχύει  δέησις  δικαίου  ἐνεργουμένη,  17   Ἠλίας  ἄνθρωπος  ἦν  ὁμοιοπαθὴς  ἡμῖν,  καὶ  προσευχῇ  προσηύξατο  τοῦ  μῃ  βρέξαι,  καὶ  οὐκ  ἔβρεξεν  ἐπὶ  τῆς  γῆς  ἐνιαυτοὺς  τρεῖς  καὶ  μῆνας  ἕξ·  18   καὶ  πάλιν  προσηύξατο,  καὶ  ὁ  οὐρανὸς  ὑετὸν  ἔδωκεν  καὶ  ἡ  γῆ  ἐβλάστησεν  τὸν  καρπὸν  αὐτῆς. 


and to correct a straying brother.
   19   Ἀδελφοί  μου,  ἐάν  τις  ἐν  ὑμῖν  πλανηθῇ  ἀπὸ  τῆς  ἀληθείας  καὶ  ἐπιστρέψῃ  τις  αὐτὸν,  20   γινωσκέτε  ὅτι  ὁ  ἐπιστρέψας  ἁμαρτωλὸν  ἐκ  πλάνης  ὁδοῦ  αὐτοῦ  σώσει  ψυχὴν  αὐτοῦ  ἐκ  θανάτου  καὶ  καλύψει  πλῆθος  ἁμαρτιῶν. 
<< James 5 >>
Biblos Greek and Hebrew Study Bible © 2010 Biblos.com
Online Parallel Bible