<< James 3 GRK >>


We are not rashly or arrogantly to reprove others;
   1   Μὴ  πολλοὶ  διδάσκαλοι  γίνεσθε,  ἀδελφοί  μου,  εἰδότες  ὅτι  μεῖζον  κρίμα  λημψόμεθα.  2   πολλὰ  γὰρ  πταίομεν  ἅπαντες.  εἴ  τις  ἐν  λόγῳ  οὐ  πταίει,  οὗτος  τέλειος  ἀνὴρ  δυνατὸς  χαλιναγωγῆσαι  καὶ  ὅλον  τὸ  σῶμα.  3   εἰ  δὲ  τῶν  ἵππων  τοὺς  χαλινοὺς  εἰς  τὰ  στόματα  βάλλομεν  εἰς  τὸ  πείθεσθαι  αὐτοὺς  ἡμῖν,  καὶ  ὅλον  τὸ  σῶμα  αὐτῶν  μετάγομεν.  4   ἰδοὺ  καὶ  τὰ  πλοῖα  τηλικαῦτα  ὄντα  καὶ  ὑπὸ  ἀνέμων  σκληρῶν  ἐλαυνόμενα,  μετάγεται  ὑπὸ  ἐλαχίστου  πηδαλίου  ὅπου  ἡ  ὁρμὴ  τοῦ  εὐθύνοντος  βούλεται, 


but rather to bridle the tongue, a little member,
5   οὗτως  καὶ  ἡ  γλῶσσα  μικρὸν  μέλος  ἐστὶν  καὶ  μεγάλα  αὐχεῖ. 
   Ἰδοῦ  ἡλίκον  πῦρ  ἡλίκην  ὕλην  ἀνάπτει·  6   καὶ  ἡ  γλῶσσα  πῦρ·  ὁ  κόσμος  τῆς  ἀδικίας  ἡ  γλῶσσα  καθίσταται  ἐν  τοῖς  μέλεσιν  ἡμῶν,  ἡ  σπιλοῦσα  ὅλον  τὸ  σῶμα  καὶ  φλογίζουσα  τὸν  τροχὸν  τῆς  γενέσεως  καὶ  φλογιζομένη  ὑπὸ  τῆς  γεέννης.  7   πᾶσα  γὰρ  φύσις  θηρίων  τε  καὶ  πετεινῶν,  ἑρπετῶν  τε  καὶ  ἐναλίων  δαμάζεται  καὶ  δεδάμασται  τῇ  φύσει  τῇ  ἀνθρωπίνῃ,  8   τὴν  δὲ  γλῶσσαν  οὐδεῖς  δαμάσαι  δύναται  ἀνθρώπων,  ακατάστατον  κακόν,  μεστὴ  ἰοῦ  θανατηφόρου. 


but a powerful instrument of much good, and great harm.
9   ἐν  αὐτῇ  εὐλογοῦμεν  τὸν  κύριον  καὶ  πατέρα  καὶ  ἐν  αὐτῇ  καταρώμεθα  τοὺς  ἀνθρώπους  τοὺς  καθ’  ὁμοίωσιν  θεοῦ  γεγονότας,  10   ἐκ  τοῦ  αὐτοῦ  στόματος  ἐξέρχεται  εὐλογία  καὶ  κατάρα.  οὐ  χρή,  ἀδελφοί  μου,  ταῦτα  οὗτως  γίνεσθαι.  11   μήτι  ἡ  πηγὴ  ἐκ  τῆς  αὐτῆς  ὀπῆς  βρύει  τὸ  γλυκὺ  καὶ  τὸ  πικρόν;  12   μὴ  δύναται,  ἀδελφοί  μου,  συκῆ  ἐλαίας  ποιῆσαι  ἢ  ἄμπελος  σῦκα;  οὔτε  ἁλυκὸν  γλυκὺ  ποιῆσαι  ὕδωρ. 


The truly wise are mild and peaceable, without envy and strife.
   13   Τίς  σοφὸς  καὶ  ἐπιστήμων  ἐν  ὑμῖν  δειξάτω  ἐκ  τῆς  καλῆς  ἀναστροφῆς  τὰ  ἔργα  αὐτοῦ  ἐν  πραΰτητι  σοφίας.  14   εἰ  δὲ  ζῆλον  πικρὸν  ἔχετε  καὶ  ἐριθείαν  ἐν  τῇ  καρδίᾳ  ὑμῶν,  μὴ  κατακαυχᾶσθε  καὶ  ψεύδεσθε  κατὰ  τῆς  ἀληθείας.  15   οὐκ  ἔστιν  αὕτη  ἡ  σοφία  ἄνωθεν  κατερχομένη  ἀλλὰ  ἐπίγειος,  ψυχική,  δαιμονιώδης.  16   ὅπου  γὰρ  ζῆλος  καὶ  ἐριθεία,  ἐκεῖ  ἀκαταστασία  καὶ  πᾶν  φαῦλον  πρᾶγμα.  17   ἡ  δὲ  ἄνωθεν  σοφία  πρῶτον  μὲν  ἁγνή  ἐστιν,  ἔπειτα  εἰρηνική,  ἐπιεικής,  εὐπειθής,  μεστὴ  ἐλέους  καὶ  καρπῶν  ἀγαθῶν,  ἀδιάκριτος,  ἀνυπόκριτος.  18   καρπὸς  δὲ  δικαιοσύνης  ἐν  εἰρήνῃ  σπείρεται  τοῖς  ποιοῦσιν  εἰρήνην. 
<< James 3 >>
Biblos Greek and Hebrew Study Bible © 2010 Biblos.com
Online Parallel Bible