<< Hosea 6 HEB >>


Exhortations to repent and hope in God.
1   לְכוּ֙  וְנָשׁ֣וּבָה  אֶל־  יְהוָ֔ה  כִּ֛י  ה֥וּא  טָרָ֖ף  וְיִרְפָּאֵ֑נוּ  יַ֖ךְ  וְיַחְבְּשֵֽׁנוּ׃  2   יְחַיֵּ֖נוּ  מִיֹּמָ֑יִם  בַּיֹּום֙  הַשְּׁלִישִׁ֔י  יְקִמֵ֖נוּ  וְנִחְיֶ֥ה  לְפָנָֽיו׃  3   וְנֵדְעָ֣ה  נִרְדְּפָ֗ה  לָדַ֙עַת֙  אֶת־  יְהוָ֔ה  כְּשַׁ֖חַר  נָכֹ֣ון  מֹֽוצָאֹ֑ו  וְיָבֹ֤וא  כַגֶּ֙שֶׁם֙  לָ֔נוּ  כְּמַלְקֹ֖ושׁ  יֹ֥ורֶה  אָֽרֶץ׃ 


A lamentation over those who had sinned after conviction.
4   מָ֤ה  אֶֽעֱשֶׂה־  לְּךָ֙  אֶפְרַ֔יִם  מָ֥ה  אֶעֱשֶׂה־  לְּךָ֖  יְהוּדָ֑ה  וְחַסְדְּכֶם֙  כַּֽעֲנַן־  בֹּ֔קֶר  וְכַטַּ֖ל  מַשְׁכִּ֥ים  הֹלֵֽךְ׃ 


Reproofs of obstinate sinners, and threats against them.
5   עַל־  כֵּ֗ן  חָצַ֙בְתִּי֙  בַּנְּבִיאִ֔ים  הֲרַגְתִּ֖ים  בְּאִמְרֵי־  פִ֑י  וּמִשְׁפָּטֶ֖יךָ  אֹ֥ור  יֵצֵֽא׃  6   כִּ֛י  חֶ֥סֶד  חָפַ֖צְתִּי  וְלֹא־  זָ֑בַח  וְדַ֥עַת  אֱלֹהִ֖ים  מֵעֹלֹֽות׃  7   וְהֵ֕מָּה  כְּאָדָ֖ם  עָבְר֣וּ  בְרִ֑ית  שָׁ֖ם  בָּ֥גְדוּ  בִֽי׃  8   גִּלְעָ֕ד  קִרְיַ֖ת  פֹּ֣עֲלֵי  אָ֑וֶן  עֲקֻבָּ֖ה  מִדָּֽם׃  9   וּכְחַכֵּ֨י  אִ֜ישׁ  גְּדוּדִ֗ים  חֶ֚בֶר  כֹּֽהֲנִ֔ים  דֶּ֖רֶךְ  יְרַצְּחוּ־  שֶׁ֑כְמָה  כִּ֥י  זִמָּ֖ה  עָשֽׂוּ׃  10   בְּבֵית֙  יִשְׂרָאֵ֔ל  רָאִ֖יתִי  [שַׁעֲרִירִיָּה  כ]  (שַׁעֲרֽוּרִיָּ֑ה  ק)  ם  זְנ֣וּת  לְאֶפְרַ֔יִם  נִטְמָ֖א  יִשְׂרָאֵֽל׃  11   גַּם־  יְהוּדָ֕ה  שָׁ֥ת  קָצִ֖יר  לָ֑ךְ  בְּשׁוּבִ֖י  שְׁב֥וּת  עַמִּֽי׃  פ 
<< Hosea 6 >>
Biblos Greek and Hebrew Study Bible © 2010 Biblos.com
Online Parallel Bible