<< Hosea 3 HEB >>


The Lord's intended future kindness to Israel, not withstanding their wickedness,
1   וַיֹּ֨אמֶר  יְהוָ֜ה  אֵלַ֗י  עֹ֚וד  לֵ֣ךְ  אֱ‍ֽהַב־  אִשָּׁ֔ה  אֲהֻ֥בַת  רֵ֖עַ  וּמְנָאָ֑פֶת  כְּאַהֲבַ֤ת  יְהוָה֙  אֶת־  בְּנֵ֣י  יִשְׂרָאֵ֔ל  וְהֵ֗ם  פֹּנִים֙  אֶל־  אֱלֹהִ֣ים  אֲחֵרִ֔ים  וְאֹהֲבֵ֖י  אֲשִׁישֵׁ֥י  עֲנָבִֽים׃ 


illustrated by the emblem of Hosea's conduct toward his adulterous wife.
2   וָאֶכְּרֶ֣הָ  לִּ֔י  בַּחֲמִשָּׁ֥ה  עָשָׂ֖ר  כָּ֑סֶף  וְחֹ֥מֶר  שְׂעֹרִ֖ים  וְלֵ֥תֶךְ  שְׂעֹרִֽים׃  3   וָאֹמַ֣ר  אֵלֶ֗יהָ  יָמִ֤ים  רַבִּים֙  תֵּ֣שְׁבִי  לִ֔י  לֹ֣א  תִזְנִ֔י  וְלֹ֥א  תִֽהְיִ֖י  לְאִ֑ישׁ  וְגַם־  אֲנִ֖י  אֵלָֽיִךְ׃ 


The desolation of Israel before their restoration.
4   כִּ֣י  יָמִ֣ים  רַבִּ֗ים  יֵֽשְׁבוּ֙  בְּנֵ֣י  יִשְׂרָאֵ֔ל  אֵ֥ין  מֶ֙לֶךְ֙  וְאֵ֣ין  שָׂ֔ר  וְאֵ֥ין  זֶ֖בַח  וְאֵ֣ין  מַצֵּבָ֑ה  וְאֵ֥ין  אֵפֹ֖וד  וּתְרָפִֽים׃  5   אַחַ֗ר  יָשֻׁ֙בוּ֙  בְּנֵ֣י  יִשְׂרָאֵ֔ל  וּבִקְשׁוּ֙  אֶת־  יְהוָ֣ה  אֱלֹהֵיהֶ֔ם  וְאֵ֖ת  דָּוִ֣ד  מַלְכָּ֑ם  וּפָחֲד֧וּ  אֶל־  יְהוָ֛ה  וְאֶל־  טוּבֹ֖ו  בְּאַחֲרִ֥ית  הַיָּמִֽים׃  פ 
<< Hosea 3 >>
Biblos Greek and Hebrew Study Bible © 2010 Biblos.com
Online Parallel Bible