<< Hebrews 13 GRK >>


Various admonitions as to love;
   1   Ἡ  φιλαδελφία  μενέτω.  2   τῆς  φιλοξενίας  μὴ  ἐπιλανθάνεσθε,  διὰ  ταύτης  γὰρ  ἔλαθον  τινες  ξενίσαντες  ἀγγέλους.  3   μιμνῄσκεσθε  τῶν  δεσμίων  ὡς  συνδεδεμένοι,  τῶν  κακουχουμένων  ὡς  καὶ  αὐτοὶ  ὄντες  ἐν  σώματι. 


to honest life;
4   Τίμιος  ὁ  γάμος  ἐν  πᾶσιν  καὶ  ἡ  κοίτη  ἀμιάντος,  πόρνους  γὰρ  καὶ  μοιχοὺς  κρινεῖ  ὁ  θεός. 


to avoid covetousness;
5   Ἀφιλάργυρος  ὁ  τρόπος,  ἀρκούμενοι  τοῖς  παροῦσιν.  αὐτὸς  γὰρ  εἴρηκεν,  Οὐ  μὴ  σε  ἀνῶ  οὐδ’  οὐ  μὴ  σε  ἐγκαταλίπω,  6   ὥστε  θαρροῦντας  ἡμᾶς  λέγειν, 
      Κύριος  ἐμοὶ  βοηθός, 
            οὐ  φοβηθήσομαι, 
         τί  ποιήσει  μοι  ἄνθρωπος; 


to regard God's preachers;
   7   Μνημονεύετε  τῶν  ἡγουμένων  ὑμῶν  οἵτινες  ἐλάλησαν  ὑμῖν  τὸν  λόγον  τοῦ  θεοῦ,  ὧν  ἀναθεωροῦντες  τὴν  ἔκβασιν  τῆς  ἀναστροφῆς  μιμεῖσθε  τὴν  πίστιν.  8   Ἰησοῦς  Χριστὸς  ἐχθὲς  καὶ  σήμερον  ὁ  αὐτὸς  καὶ  εἰς  τοὺς  αἰὼνας. 


to take heed of strange doctrines;
9   διδαχαῖς  ποικίλαις  καὶ  ξέναις  μὴ  παραφέρεσθε·  καλὸν  γὰρ  χάριτι  βεβαιοῦσθαι  τὴν  καρδίαν,  οὐ  βρώμασιν  ἐν  οἷς  οὐκ  ὠφελήθησαν  οἱ  περιπατοῦντες. 


to confess Christ;
10   ἔχομεν  θυσιαστήριον  ἐξ  οὗ  φαγεῖν  οὐκ  ἔχουσιν  ἐξουσίαν  οἱ  τῇ  σκηνῇ  λατρεύοντες.  11   ὧν  γὰρ  εἰσφέρεται  ζῴων  τὸ  αἷμα  περὶ  ἁμαρτίας  εἰς  τὰ  ἅγια  διὰ  τοῦ  ἀρχιερέως,  τούτων  τὰ  σώματα  κατακαίεται  ἔξω  τῆς  παρεμβολῆς.  12   διὸ  καὶ  Ἰησοῦς,  ἵνα  ἁγιάση  διὰ  τοῦ  ἰδίου  αἵματος  τὸν  λαόν,  ἔξω  τῆς  πύλης  ἔπαθεν.  13   τοίνυν  ἐξερχώμεθα  πρὸς  αὐτὸν  ἔξω  τῆς  παρεμβολῆς  τὸν  ὀνειδισμὸν  αὐτοῦ  φέροντες·  14   οὐ  γὰρ  ἔχομεν  ὦδε  μένουσαν  πόλιν  ἀλλὰ  τὴν  μέλλουσαν  ἐπιζητοῦμεν.  15   δι’  αὐτοῦ  ἀναφέρωμεν  θυσίαν  αἰνέσεως  διὰ  πάντος  τῷ  θεῷ,  τουτ’  ἔστιν  καρπὸν  χειλέων  ὁμολογούντων  τῷ  ὀνόματι  αὐτοῦ. 


to give alms;
16   τῆς  δὲ  εὐποιΐας  καὶ  κοινωνίας  μὴ  ἐπιλανθάνεσθε·  τοιαύταις  γὰρ  θυσίαις  εὐαρεστεῖται  ὁ  θεός. 


to obey governors;
   17   Πείθεσθε  τοῖς  ἡγουμένοις  ὑμῶν  καὶ  ὑπείκετε,  αὐτοὶ  γὰρ  ἀγρυπνοῦσιν  ὑπὲρ  τῶν  ψυχῶν  ὑμῶν  ὡς  λόγον  ἀποδώσοντες,  ἵνα  μετὰ  χαρᾶς  τοῦτο  ποιῶσιν  καὶ  μὴ  στενάζοντες·  ἀλυσιτελὲς  γὰρ  ὑμῖν  τοῦτο. 


to pray for the apostles.
   18   Προσεύχεσθε  περὶ  ἡμῶν·  πειθόμεθα  γὰρ  ὅτι  καλὴν  συνείδησιν  ἔχομεν  ἐν  πᾶσιν  καλῶς  θέλοντες  ἀναστρέφεσθαι.  19   περισσοτέρως  δὲ  παρακαλῶ  τοῦτο  ποιῆσαι,  ἵνα  τάχιον  ἀποκατασταθῶ  ὑμῖν. 


The conclusion.
   20   Ὁ  δὲ  θεὸς  τῆς  εἰρήνης,  ὁ  ἀναγαγὼν  ἐκ  νεκρῶν  τὸν  ποιμένα  τῶν  προβάτων  τὸν  μέγαν  ἐν  αἵματι  διαθήκης  αἰωνίου,  τὸν  κύριον  ἡμῶν  Ἰησοῦν,  21   καταρτίσαι  ὑμᾶς  ἐν  παντὶ  ἀγαθῷ  εἰς  τὸ  ποιῆσαι  τὸ  θέλημα  αὐτοῦ,  ποιῶν  ἐν  ἡμῖν  τὸ  εὐάρεστον  ἐνώπιον  αὐτοῦ  διὰ  Ἰησοῦ  Χριστοῦ,  ᾧ  ἡ  δόξα  εἰς  τοὺς  αἰῶνας  τῶν  αἰώνων,  ἀμήν. 
   22   Παρακαλῶ  δὲ  ὑμᾶς,  ἀδελφοὶ,  ἀνέχεσθε  τοῦ  λόγου  τῆς  παρακλήσεως,  καὶ  γὰρ  διὰ  βραχέων  ἐπέστειλα  ὑμῖν.  23   Γινώσκετε  τὸν  ἀδελφὸν  ἡμῶν  Τιμόθεον  ἀπολελυμένον  μεθ’  οὗ  ἐὰν  τάχιον  ἔρχηται  ὄψομαι  ὑμᾶς. 
   24   Ἀσπάσασθε  πάντας  τοὺς  ἡγουμένους  ὑμῶν  καὶ  πάντας  τοὺς  ἁγίους.  ἀσπάζονται  ὑμας  οἱ  ἀπὸ  τῆς  Ἰταλίας.  25   ἡ  χάρις  μετὰ  πάντων  ὑμῶν. 
<< Hebrews 13 >>
Biblos Greek and Hebrew Study Bible © 2010 Biblos.com
Online Parallel Bible