<< Galatians 2 GRK >>


He shows when he went up again to Jerusalem, and for what purpose;
   1   Ἔπειτα  διὰ  δεκατεσσάρων  ἐτῶν  πάλιν  ἀνέβην  εἰς  Ἱεροσόλυμα  μετὰ  βαρναβᾶ  συμπαραλαβὼν  καὶ  Τίτον·  2   ἀνέβην  δὲ  κατὰ  ἀποκάλυψιν·  καὶ  ἀνεθέμην  αὐτοῖς  τὸ  εὐαγγέλιον  ὁ  κηρύσσω  ἐν  τοῖς  ἔθνεσιν,  κατ’  ἰδίαν  δὲ  τοῖς  δοκοῦσιν,  μή  πως  εἰς  κενὸν  τρέχω  ἢ  ἔδραμον. 


and that Titus was not circumcised;
3   ἀλλ’  οὐδὲ  Τίτος  ὁ  σὺν  ἐμοί,  Ἕλλην  ὤν,  ἠναγκάσθη  περιτμηθῆναι·  4   διὰ  δὲ  τοὺς  παρεισάκτους  ψευδαδέλφους  οἵτινες  παρεισῆλθον  κατασκοπῆσαι  τὴν  ἐλευθερίαν  ἡμῶν  ἣν  ἔχομεν  ἐν  Χριστῷ  Ἰησοῦ,  ἵνα  ἡμᾶς  καταδουλώσουσιν,  5   οἷς  οὐδὲ  πρὸς  ὥραν  εἴξαμεν  τῇ  ὑποταγῇ,  ἵνα  ἡ  ἀλήθεια  τοῦ  εὐαγγελίου  διαμείνῃ  πρὸς  ὑμᾶς.  6   Ἀπὸ  δὲ  τῶν  δοκοῦντων  εἶναι  τι—  ὁποῖοι  ποτε  ἦσαν  οὐδέν  μοι  διαφέρει·  πρόσωπον  ὁ  θεὸς  ἀνθρώπου  οὐ  λαμβάνει—  ἐμοὶ  γὰρ  οἱ  δοκοῦντες  οὐδὲν  προσανέθεντο,  7   ἀλλὰ  τουναντίον  ἰδόντες  ὅτι  πεπίστευμαι  τὸ  εὐαγγέλιον  τῆς  ἀκροβυστίας  καθὼς  Πέτρος  τῆς  περιτομῆς.  8   ὁ  γὰρ  ἐνεργήσας  Πέτρῳ  εἰς  ἀποστολὴν  τῆς  περιτομῆς  ἐνήργησεν  καὶ  ἐμοὶ  εἰς  τὰ  ἔθνη,  9   καὶ  γνόντες  τὴν  χάριν  τὴν  δοθεῖσαν  μοι,  Ἰάκωβος  καὶ  Κηφᾶς  καὶ  Ἰωάννης,  οἱ  δοκοῦντες  στῦλοι  εἶναι  δεξιὰς  ἔδωκαν  ἐμοὶ  καὶ  βαρναβᾷ  κοινωνίας,  ἵνα  ἡμεῖς  εἰς  τὰ  ἔθνη,  αὐτοὶ  δὲ  εἰς  τὴν  περιτομήν·  10   μόνον  τῶν  πτωχῶν  ἵνα  μνημονεύωμεν,  ὁ  καὶ  ἐσπούδασα  αὐτὸ  τοῦτο  ποιῆσαι. 


and that he resisted Peter, and told him the reason;
   11   Ὅτε  δὲ  ἦλθεν  Κηφᾶς  εἰς  Ἀντιόχειαν,  κατὰ  πρόσωπον  αὐτῷ  ἀντέστην,  ὅτι  κατεγνωσμένος  ἦν.  12   πρὸ  τοῦ  γὰρ  ἐλθεῖν  τινας  ἀπὸ  Ἰακώβου  μετὰ  τῶν  ἐθνῶν  συνήσθιεν·  ὅτε  δὲ  ἦλθον  ὑπέστελλεν  καὶ  ἀφώριζεν  ἑαυτὸν  φοβούμενος  τοὺς  ἐκ  περιτομῆς.  13   καὶ  συνυπεκρίθησαν  αὐτῷ  καὶ  οἱ  λοιποὶ  Ἰουδαῖοι,  ὥστε  καὶ  βαρναβᾶς  συναπήχθη  αὐτῶν  τῇ  ὑποκρίσει. 


why he and others, being Jews, believe in Christ to be justified by faith, and not by works;
14   ἀλλ’  ὅτε  εἶδον  ὅτι  οὐκ  ὀρθοποδοῦσιν  πρὸς  τὴν  ἀλήθειαν  τοῦ  εὐαγγελίου,  εἶπον  τῷ  Κηφᾷ  ἔμπροσθεν  πάντων·  εἰ  σὺ  Ἰουδαῖος  ὑπάρχων  ἐθνικῶς  καὶ  οὐκ  Ἰουδαϊκῶς  ζῇς  πῶς  τὰ  ἔθνη  ἀναγκάζεις  ἰουδαΐζειν; 
   15   ἡμεῖς  φύσει  Ἰουδαῖοι  καὶ  οὐκ  ἐξ  ἐθνῶν  ἁμαρτωλοί·  16   εἰδότες  δὲ  ὅτι  οὐ  δικαιοῦται  ἄνθρωπος  ἐξ  ἔργων  νόμου  ἐὰν  μὴ  διὰ  πίστεως  Χριστοῦ  Ἰησοῦ,  καὶ  ἡμεῖς  εἰς  Χριστὸν  Ἰησοῦν  ἐπιστεύσαμεν,  ἵνα  δικαιωθῶμεν  ἐκ  πίστεως  Χριστοῦ  καὶ  οὐκ  ἐξ  ἔργων  νόμου,  ὅτι  ἐξ  ἔργων  νόμου  οὐ  δικαιωθήσεται  πᾶσα  σάρξ.  17   εἰ  δὲ  ζητοῦντες  δικαιωθῆναι  ἐν  Χριστῷ  εὑρέθημεν  καὶ  αὐτοὶ  ἁμαρτωλοί,  ἆρα  Χριστὸς  ἁμαρτίας  διάκονος;  μὴ  γένοιτο.  18   εἰ  γὰρ  ἃ  κατέλυσα  ταῦτα  πάλιν  οἰκοδομῶ,  παραβάτην  ἐμαυτὸν  συνιστάνω.  19   ἐγὼ  γὰρ  διὰ  νόμου  νόμῳ  ἀπέθανον,  ἵνα  θεῷ  ζήσω. 


and that they live not in sin, who are so justified.
20   Χριστῷ  συνεσταύρωμαι·  ζῶ  δὲ  οὐκέτι  ἐγώ,  ζῇ  δὲ  ἐν  ἐμοὶ  Χριστὸς·  ὁ  δὲ  νῦν  ζῶ  ἐν  σαρκί,  ἐν  πίστει  ζῶ  τῇ  τοῦ  υἱοῦ  τοῦ  θεοῦ  τοῦ  ἀγαπήσαντος  με  καὶ  παραδόντος  ἑαυτὸν  ὑπὲρ  ἐμοῦ.  21   Οὐκ  ἀθετῶ  τὴν  χὰριν  τοῦ  θεοῦ·  εἰ  γὰρ  διὰ  νόμου  δικαιοσύνη,  ἄρα  Χριστὸς  δωρεὰν  ἀπέθανεν. 
<< Galatians 2 >>
Biblos Greek and Hebrew Study Bible © 2010 Biblos.com
Online Parallel Bible