<< Ephesians 4 GRK >>


He exhorts to unity;
   1   Παρακαλῶ  οὖν  ὑμᾶς  ἐγὼ  ὁ  δέσμιος  ἐν  κυρίῳ  ἀξίως  περιπατὴσαι  τὴς  κλήσεως  ἧς  ἐκλήθητε,  2   μετὰ  πάσης  ταπεινοφροσύνης  καὶ  πραΰτητος  μετὰ  μακροθυμίας,  ἀνεχόμενοι  ἀλλήλων  ἐν  ἀγάπῃ,  3   σπουδάζοντες  τηρεῖν  τὴν  ἑνότητα  τοῦ  πνεύματος  ἐν  τῷ  συνδέσμῳ  τῆς  εἰρήνης·  4   Ἐν  σῶμα  καὶ  ἐν  πνεῦμα,  καθὼς  καὶ  ἐκλήθητε  ἐν  μίᾳ  ἐλπίδι  τῆς  κλήσεως  ὑμῶν· 
         5   εἷς  κύριος,  μία  πίστις  ἑν  βάπτισμα, 
         6   εἷς  θεὸς  καὶ  πατὴρ  πάντων, 
            ὁ  ἐπὶ  πάντων  καὶ  διὰ  πάντων  καὶ  ἐν  πᾶσιν. 


and declares that God therefore gives various gifts unto men;
   7   Ἑνὶ  δὲ  ἑκάστῳ  ἡμῶν  ἐδόθη  ἡ  χάρις  κατὰ  τὸ  μέτρον  τῆς  δωρεᾶς  τοῦ  Χριστοῦ.  8   διὸ  λέγει· 
      ἀναβὰς  εἰς  ὕψος  ᾐχμαλώτευσεν  αἰχμαλωσίαν, 
         καὶ  ἔδωκεν  δόματα  τοῖς  ἀνθρώποις. 
   9   τὸ  δὲ  Ἀνέβη  τί  ἐστιν,  εἰ  μὴ  ὅτι  καὶ  κατέβη  εἰς  τὰ  κατώτερα  μέρη  τῆς  γῆς;  10   ὁ  καταβὰς  αὐτὸς  ἐστιν  καὶ  ὁ  ἀναβὰς  ὑπεράνω  πάντων  τῶν  οὐρανῶν,  ἵνα  πληρώσῃ  τὰ  πάντα. 


that his church might be edified,
11   καὶ  αὐτὸς  ἔδωκεν  τοὺς  μὲν  ἀπόστολους,  τοὺς  δὲ  προφήτας,  τοὺς  δὲ  εὐαγγελιστάς,  τοὺς  δὲ  ποιμένας  καὶ  διδασκάλους,  12   πρὸς  τὸν  καταρτισμὸν  τῶν  ἁγίων  εἰς  ἔργον  διακονίας,  εἰς  οἰκοδομὴν  τοῦ  σώματος  τοῦ  Χριστοῦ,  13   μέχρι  καταντήσωμεν  οἱ  πάντες  εἰς  τὴν  ἑνότητα  τῆς  πίστεως  καὶ  τῆς  ἐπιγνώσεως  τοῦ  υἱοῦ  τοῦ  θεοῦ,  εἰς  ἄνδρα  τέλειον,  εἰς  μέτρον  ἡλικίας  τοῦ  πληρώματος  τοῦ  Χριστοῦ,  14   ἵνα  μηκέτι  ὦμεν  νήπιοι,  κλυδωνιζόμενοι  καὶ  περιφερόμενοι  παντὶ  ἀνέμῳ  τῆς  διδασκαλίας  ἐν  τῇ  κυβείᾳ  τῶν  ἀνθρώπων,  ἐν  πανουργίᾳ  πρὸς  τὴν  μεθοδείαν  τῆς  πλάνης,  15   ἀληθεύοντες  δὲ  ἐν  ἀγάπῃ  αὐξήσωμεν  εἰς  αὐτὸν  τὰ  πάντα,  ὅς  ἐστιν  ἡ  κεφαλή,  Χριστός, 


and grow up in Christ.
16   ἐξ  οὗ  πᾶν  τὸ  σῶμα  συναρμολογούμενον  καὶ  συμβιβαζόμενον  διὰ  πάσης  ἁφῆς  τῆς  ἐπιχορηγίας  κατ’  ἐνέργειαν  ἐν  μέτρῳ  ἑνὸς  ἑκάστου  μέρους  τὴν  αὔξησιν  τοῦ  σώματος  ποιεῖται  εἰς  οἰκοδομὴν  ἑαυτοῦ  ἐν  ἀγάπῃ. 
   17   Τοῦτο  οὖν  λέγω  καὶ  μαρτύρομαι  ἐν  κυρίῳ,  μηκέτι  ὑμας  περιπατεῖν,  καθὼς  καὶ  τὰ  ἔθνη  περιπατεῖ  ἐν  ματαιότητι  τοῦ  νοὸς  αὐτῶν, 


He calls them from the impurity of the Gentiles;
18   ἐσκοτωμένοι  τῇ  διανοίᾳ  ὄντες,  ἀπηλλοτριωμένοι  τῆς  ζωῆς  τοῦ  θεοῦ  διὰ  τὴν  ἄγνοιαν  τὴν  οὖσαν  ἐν  αὐτοῖς,  διὰ  τὴν  πώρωσιν  τῆς  καρδίας  αὐτῶν.  19   οἵτινες  ἀπηλγηκότες  ἑαυτοὺς  παρέδωκαν  τῇ  ἀσελγείᾳ  εἰς  ἐργασίαν  ἀκαθαρσίας  πάσης  ἐν  πλεονεξίὰ.  20   ὑμεῖς  δὲ  οὐχ  οὕτως  ἐμάθετε  τὸν  Χριστόν.  21   εἴ  γε  αὐτὸν  ἠκούσατε  καὶ  ἐν  αὐτῷ  ἐδιδάχθητε,  καθώς  ἐστιν  ἀλήθεια  ἐν  τῷ  Ἰησοῦ,  22   ἀποθέσθαι  ὑμᾶς  κατὰ  τὴν  προτέραν  ἀναστροφὴν  τὸν  παλαιὸν  ἄνθρωπον  τὸν  φθειρόμενον  κατὰ  τὰς  ἐπιθυμίας  τῆς  ἀπάτης,  23   ἀνανεοῦσθαι  δὲ  τῷ  πνεύματι  τοῦ  νοὸς  ὑμῶν 


to put on the new man;
24   καὶ  ἐνδύσασθαι  τὸν  καινὸν  ἄνθρωπον  τὸν  κατὰ  θεὸν  κτισθέντα  ἐν  δικαιοσύνῃ  καὶ  ὁσιότητι  τῆς  ἀληθείας. 


to cast off lying;
   25   Διὸ  ἀποθέμενοι  τὸ  ψεῦδος  λαλεῖτε  ἀλήθειαν  ἕκαστος  μετὰ  τοῦ  πλησίον  αὐτοῦ,  ὅτι  ἐσμὲν  ἀλλήλων  μέλη.  26   ὀργίζεσθε  καὶ  μὴ  ἁμαρτάνετε·  ὁ  ἥλιος  μὴ  ἐπιδυέτω  ἐπὶ  παροργισμῷ  ὑμῶν,  27   μηδὲ  δίδοτε  τόπον  τῷ  διαβόλῳ.  28   ὁ  κλέπτων  μηκέτι  κλεπτέτω,  μᾶλλον  δὲ  κοπιάτω  ἐργαζόμενος  ταῖς  χερσὶν  τὸ  ἀγαθόν,  ἵνα  ἔχῃ  μεταδιδόναι  τῷ  χρείαν  ἔχοντι. 


and corrupt communication.
29   πᾶς  λόγος  σαπρὸς  ἐκ  τοῦ  στόματος  ὑμῶν  μὴ  ἐκπορευέσθω,  ἀλλὰ  εἴ  τις  ἀγαθὸς  πρὸς  οἰκοδομὴν  τῆς  χρείας,  ἵνα  δῷ  χάριν  τοῖς  ἀκούουσιν.  30   καὶ  μὴ  λυπεῖτε  τὸ  πνεῦμα  τὸ  ἅγιον  τοῦ  θεοῦ  ἐν  ᾧ  ἐσφραγίσθητε  εἰς  ἡμέραν  ἀπολυτρώσεως.  31   πᾶσα  πικρία  καὶ  θυμὸς  καὶ  ὀργὴ  καὶ  κραυγὴ  καὶ  βλασφημία  ἀρθήτω  ἀφ’  ὑμῶν  σὺν  πάσῃ  κακίᾳ.  32   γίνεσθε  δὲ  εἰς  ἀλλήλους  χρηστοί,  εὔσπλαγχνοι,  χαριζόμενοι  ἑαυτοῖς,  καθὼς  καὶ  ὁ  θεὸς  ἐν  Χριστῷ  ἐχαρίσατο  ὑμῖν. 
<< Ephesians 4 >>
Biblos Greek and Hebrew Study Bible © 2010 Biblos.com
Online Parallel Bible