<< Acts 13 GRK >>


Paul and Barnabas are chosen to go to the Gentiles.
   1   Ἦσαν  δὲ  ἐν  Ἀντιοχείᾳ  κατὰ  τὴν  οὖσαν  ἐκκλησίαν  προφῆται  καὶ  διδάσκαλοι  ὁ  τε  Βαρναβᾶς  καὶ  Συμεὼν  ὁ  καλούμενος  Νίγερ  καὶ  Λούκιος  ὁ  Κυρηναῖος,  Μαναήν  τε  Ἡρῴδου  τοῦ  τετραάρχου  σύντροφος  καὶ  Σαῦλος.  2   Λειτουργούντων  δὲ  αὐτῶν  τῷ  κυρίῳ  καὶ  νηστευόντων  εἶπεν  τὸ  πνεῦμα  τὸ  ἅγιον·  ἀφορίσατε  δή  μοι  τὸν  Βαρναβᾶν  καὶ  Σαῦλον  εἰς  τὸ  ἔργον  ὁ  προσκέκλημαι  αὐτούς.  3   τότε  νηστεύσαντες  καὶ  προσευξάμενοι  καὶ  ἐπιθέντες  τὰς  χεῖρας  αὐτοῖς  ἀπέλυσαν. 
   4   Αὐτοὶ  μὲν  οὖν  ἐκπεμφθέντες  ὑπὸ  τοῦ  ἁγίου  πνεύματος  κατῆλθον  εἰς  Σελεύκειαν,  ἐκεῖθεν  τε  ἀπέπλευσαν  εἰς  Κύπρον  5   καὶ  γενόμενοι  ἐν  Σαλαμῖνι  κατήγγελλον  τὸν  λόγον  τοῦ  θεοῦ  ἐν  ταῖς  συναγωγαῖς  τῶν  Ἰουδαίων.  εἶχον  δὲ  καὶ  Ἰωάννην  ὑπηρέτην. 


Of Sergius Paulus, and Elymas the sorcerer.
6   Διελθόντες  δὲ  ὅλην  τὴν  νῆσον  ἄχρι  Πάφου  εὗρον  ἄνδρα  τινὰ  μάγον  ψευδοπροφήτην  Ἰουδαῖον  ᾧ  ὄνομα  Βαριησοῦς  7   ὃς  ἢν  σὺν  τῷ  ἀνθυπάτῳ  Σεργίῳ  Παύλῳ,  ἀνδρὶ  συνετῷ  οὗτος  προσκαλεσάμενος  Βαρναβᾶν  καὶ  Σαῦλον  ἐπεζήτησεν  ἀκοῦσαι  τὸν  λόγον  τοῦ  θεοῦ.  8   ἀνθίστατο  δὲ  αὐτοῖς  Ἐλύμας  ὁ  μάγος  οὕτως  γὰρ  μεθερμηνεύεται  τὸ  ὄνομα  αὐτοῦ,  ζητῶν  διαστρέψαι  τὸν  ἀνθύπατον  ἀπὸ  τῆς  πίστεως.  9   Σαῦλος  δὲ  ὁ  καὶ  Παυλος,  πλησθεὶς  πνεύματος  ἁγίου  ἀτενίσας  εἰς  αὐτὸν  10   εἶπεν  ὦ  πλήρης  παντὸς  δόλου  καὶ  πάσης  ῥᾳδιουργίας,  ὑιὲ  διαβόλου,  ἐχθρὲ  πάσης  δικαιοσύνης,  οὐ  παύσῃ  διαστρέφων  τὰς  ὁδοὺς  τοῦ  κυρίου  τὰς  εὐθείας;  11   καὶ  νῦν  ἰδοὺ  χεὶρ  κυρίου  ἐπὶ  σὲ  καὶ  ἔσῃ  τυφλὸς  μὴ  βλέπων  τὸν  ἥλιον  ἄχρι  καιροῦ.  παραχρῆμα  δὲ  ἔπεσεν  ἐπ’  αὐτὸν  ἀχλὺς  καὶ  σκότος  καὶ  περιάγων  ἐζήτει  χειραγωγούς.  12   τότε  ἰδὼν  ὁ  ἀνθύπατος  τὸ  γεγονὸς  ἐπίστευσεν  ἐκπλησσόμενος  ἐπὶ  τῇ  διδαχῇ  τοῦ  κυρίου. 


Paul preaches at Antioch that Jesus is Christ.
   13   Ἀναχθέντες  δὲ  ἀπὸ  τῆς  Πάφου  οἱ  περὶ  Παῦλον  ἦλθον  εἰς  Πέργην  τῆς  Παμφυλίας,  Ἰωάννης  δὲ  ἀποχωρήσας  ἀπ’  αὐτῶν  ὑπέστρεψεν  εἰς  Ἱεροσόλυμα.  14   Αὐτοὶ  δὲ  διελθόντες  ἀπὸ  τῆς  Πέργης  παρεγένοντο  εἰς  Ἀντιόχειαν  τὴν  Πισιδίαν,  καὶ  ἐλθόντες  εἰς  τὴν  συναγωγὴν  τῇ  ἡμέρα  τῶν  σαββάτων  ἐκάθισαν.  15   μετὰ  δὲ  τὴν  ἀνάγνωσιν  τοῦ  νόμου  καὶ  τῶν  προφητῶν  ἀπέστειλαν  οἱ  ἀρχισυνάγωγοι  πρὸς  αὐτοὺς  λέγοντες·  ἄνδρες  αδελφοί,  εἴ  τίς  ἐστιν  ἐν  ὑμῖν  λόγος  παρακλήσεως  πρὸς  τὸν  λαόν,  λέγετε.  16   Ἀναστὰς  δὲ  Παῦλος  καὶ  κατασείσας  τῇ  χειρὶ  εἶπεν· 
   ἄνδρες  Ἰσραηλῖται  καὶ  οἱ  φοβούμενοι  τὸν  θεὸν,  ἀκούσατε.  17   ὁ  θεὸς  τοῦ  λαοῦ  τούτου  Ἰσραὴλ  ἐξελέξατο  τοὺς  πατέρας  ἡμῶν  καὶ  τὸν  λαὸν  ὕψωσεν  ἐν  τῇ  παροικίᾳ  ἐν  γῇ  Αἰγύπτου  καὶ  μετὰ  βραχίονος  ὑψηλοῦ  ἐξήγαγεν  αὐτοὺς  ἐξ  αὐτῆς,  18   καὶ  ὡς  τεσσερακονταετῆ  χρόνον  ἐτροποφόρησεν  αὐτοὺς  ἐν  τῇ  ἐρήμῳ  19   καθελὼν  ἔθνη  ἑπτὰ  ἐν  γῇ  Χανάαν  κατεκληρονόμησεν  τὴν  γὴν  αὐτῶν  20   ὡς  ἔτεσιν  τετρακοσίοις  καὶ  πεντήκοντα  καὶ  μετὰ  ταῦτα  ἔδωκεν  κριτὰς  ἕως  Σαμουὴλ  προφήτου.  21   κακεῖθεν  ᾐτήσαντο  βασιλέα  καὶ  ἔδωκεν  αὐτοῖς  ὁ  θεὸς  τὸν  Σαοὺλ  υἱὸν  Κίς,  ἄνδρα  ἐκ  φυλῆς  Βενιαμίν,  ἔτη  τεσσεράκοντα,  22   καὶ  μεταστήσας  αὐτὸν  ἤγειρεν  τὸν  Δαυὶδ  αὐτοῖς  εἰς  βασιλέα  ᾧ  καὶ  εἶπεν  μαρτυρήσας·  εὗρον  Δαυὶδ  τὸν  τοῦ  Ἱεσσαί  ἄνδρα  κατὰ  τὴν  καρδίαν  μου,  ὃς  ποιήσει  πάντα  τὰ  θελήματα  μου.  23   τούτου  ὁ  θεὸς  ἀπὸ  τοῦ  σπέρματος  κατ’  ἐπαγγελίαν  ἤγαγεν  τῷ  Ἰσραὴλ  σωτῆρα  Ἰησοῦν,  24   προκηρύξαντος  Ἰωάννου  πρὸ  προσώπου  τῆς  εἰσόδου  αὐτοῦ  βάπτισμα  μετανοίας  παντὶ  τῷ  λαῷ  Ἰσραήλ.  25   ὡς  δὲ  ἐπλήρου  Ἰωάννης  τὸν  δρόμον,  ἔλεγεν·  τί  ἐμὲ  ὑπονοεῖτε  εἶναι;  οὐκ  εἰμὶ  ἐγώ·  ἀλλ’  ἰδοὺ  ἔρχεται  μετ’  ἐμὲ  οὗ  οὐκ  εἰμὶ  ἄξιος  τὸ  ὑπόδημα  τῶν  ποδῶν  λῦσαι. 
   26   Ἄνδρες  ἀδελφοὶ,  υἱοὶ  γένους  Ἀβραὰμ  καὶ  οἱ  ἐν  ὑμῖν  φοβούμενοι  τὸν  θεὸν,  ἡμῖν  ὁ  λόγος  τῆς  σωτηρίας  ταύτης  ἐξαπεστάλη.  27   οἱ  γὰρ  κατοικοῦντες  ἐν  Ἰερουσαλὴμ  καὶ  οἱ  ἄρχοντες  αὐτῶν  τοῦτον  ἀγνοήσαντες  καὶ  τὰς  φωνὰς  τῶν  προφητῶν  τὰς  κατὰ  πᾶν  σάββατον  ἀναγινωσκομένας  κρίναντες  ἐπλήρωσαν,  28   καὶ  μηδεμίαν  αἰτίαν  θανάτου  εὑρόντες  ᾐτήσαντο  Πιλᾶτον  ἀναιρεθῆναι  αὐτόν.  29   ὡς  δὲ  ἐτέλεσαν  πάντα  τὰ  περὶ  αὐτοῦ  γεγραμμένα  καθελόντες  ἀπὸ  τοῦ  ξύλου  ἔθηκαν  εἰς  μνημεῖον.  30   ὁ  δὲ  θεὸς  ἤγειρεν  αὐτὸν  ἐκ  νεκρῶν,  31   ὃς  ὤφθη  ἐπὶ  ἡμέρας  πλείους  τοῖς  συναναβᾶσιν  αὐτῷ  ἀπὸ  τῆς  Γαλιλαίας  εἰς  Ἰερουσαλήμ,  οἵτινες  νῦν  εἰσιν  μάρτυρες  αὐτοῦ  πρὸς  τὸν  λαὸν.  32   Καὶ  ἡμεῖς  ὑμᾶς  εὐαγγελιζόμεθα  τὴν  πρὸς  τοὺς  πατέρας  ἐπαγγελίαν  γενομένην,  33   ὅτι  ταύτην  ὁ  θεὸς  ἐκπεπλήρωκεν  τοῖς  τέκνοις  ἡμῶν  ἀναστήσας  Ἰησοῦν  ὡς  καὶ  ἐν  τῷ  ψαλμῷ  γέγραπται  τῷ  δευτέρῳ· 
      υἱὸς  μου  εἶ  σύ, 
            ἐγὼ  σήμερον  γεγέννηκα  σε. 
   34   ὅτι  δὲ  ἀνέστησεν  αὐτὸν  ἐκ  νεκρῶν  μηκέτι  μέλλοντα  ὑποστρέφειν  εἰς  διαφθοράνα,  οὕτως  εἴρηκεν  ὅτι  δώσω  ὑμῖν  τὰ  ὅσια  Δαυὶδ  τὰ  πιστά.  35   διότι  καὶ  ἐν  ἑτέρῳ  λέγει·  οὐ  δώσεις  τὸν  ὅσιον  σου  ἰδεῖν  διαφθοράν.  36   Δαυὶδ  μὲν  γὰρ  ἰδίᾳ  γενεᾷ  ὑπηρετήσας  τῇ  τοῦ  θεοῦ  βουλῇ  ἐκοιμήθη  καὶ  προσετέθη  πρὸς  τοὺς  πατέρας  αὐτοῦ  καὶ  εἶδεν  διαφθοράν·  37   ὃν  δὲ  ὁ  θεὸς  ἤγειρεν,  οὐκ  εἶδεν  διαφθοράν.  38   γνωστὸν  οὖν  ἔστω  ὑμῖν,  ἄνδρες  ἀδελφοί,  ὅτι  διὰ  τούτου  ὑμῖν  ἄφεσις  ἁμαρτιῶν  καταγγέλλεται,  39   καὶ  ἀπὸ  πάντων  ὧν  οὐκ  ἠδυνήθητε  ἐν  νόμῳ  Μωϋσέως  δικαιωθῆναι,  ἐν  τούτῳ  πᾶς  ὁ  πιστεύων  δικαιοῦται.  40   βλέπετε  οὖν  μὴ  ἐπέλθῃ  τὸ  εἰρημένον  ἐν  τοῖς  προφήταις· 
   41   ἴδετε,  οἱ  καταφρονηταί, 
      καὶ  θαυμάσατε  καὶ  ἀφανίσθητε, 
            ὅτι  ἔργον  ἐργάζομαι  ἐγὼ  ἐν  ταῖς  ἡμέραις  ὑμῶν, 
         ἔργον  ὃ  οὐ  μὴ  πιστεύσητε  ἐὰν  τις  ἐκδιηγῆται  ὑμῖν. 


The Gentiles believe;
   42   Ἐξιόντων  δὲ  αὐτῶν  παρεκάλουν  εἰς  τὸ  μεταξὺ  σάββατον  λαληθῆναι  αὐτοῖς  τὰ  ῥήματα  ταῦτα.  43   λυθείσης  δὲ  τῆς  συναγωγῆς  ἠκολούθησαν  πολλοὶ  τῶν  Ἰουδαίων  καὶ  τῶν  σεβομένων  προσηλύτων  τῷ  Παύλῳ  καὶ  τῷ  Βαρναβᾷ,  οἵτινες  προσλαλοῦντες  αὐτοῖς  ἔπειθον  αὐτοὺς  προσμένειν  τῇ  χάριτι  τοῦ  θεοῦ, 


but the Jews talked abusively against Paul,
   44   Τῷ  δὲ  ἐρχομένῳ  σαββάτῳ  σχεδὸν  πᾶσα  ἡ  πόλις  συνήχθη  ἀκοῦσαι  τὸν  λόγον  τοῦ  θεοῦ.  45   ἰδόντες  δὲ  οἱ  Ἰουδαῖοι  τοὺς  ὄχλους  ἐπλήσθησαν  ζήλου  καὶ  ἀντέλεγον  τοῖς  ὑπὸ  Παύλου  λαλουμένοις  βλασφημοῦντες. 


whereupon they turn to the Gentiles, of whom many believe.
46   παρρησιασάμενοι  τε  ὁ  Παῦλος  καὶ  ὁ  Βαρναβᾶς  εἶπαν·  ὑμῖν  ἦν  ἀναγκαῖον  πρῶτον  λαληθῆναι  τὸν  λόγον  τοῦ  θεοῦ·  ἐπειδὴ  ἀπωθεῖσθε  αὐτὸν  καὶ  οὐκ  ἀξίους  κρίνετε  ἑαυτοὺς  τῆς  αἰωνίου  ζωῆς,  ἰδοὺ  στρεφόμεθα  εἰς  τὰ  ἔθνη.  47   οὕτως  γὰρ  ἐντέταλται  ἡμῖν  ὁ  κύριος· 
      τέθεικά  σε  εἰς  φῶς  ἐθνῶν 
            τοῦ  εἶναί  σε  εἰς  σωτηρίαν  ἕως  ἐσχάτου  τῆς  γῆς. 
   48   Ἀκούοντα  δὲ  τὰ  ἔθνη  ἔχαιρον  καὶ  ἐδόξαζον  τὸν  λόγον  τοῦ  θεοῦ  καὶ  ἐπίστευσαν  ὅσοι  ἦσαν  τεταγμένοι  εἰς  ζωὴν  αἰώνιον·  49   διεφέρετο  δὲ  ὁ  λόγος  τοῦ  κυρίου  δι’  ὅλης  τῆς  χώρας. 


The Jews raise a persecution against Paul and Barnabas, who go to Iconium.
50   οἱ  δὲ  Ἰουδαῖοι  παρώτρυναν  τὰς  σεβομένας  γυναῖκας  τὰς  εὐσχήμονας  καὶ  τοὺς  πρώτους  τῆς  πόλεως  καὶ  ἐπήγειραν  διωγμὸν  ἐπὶ  τὸν  Παῦλον  καὶ  Βαρναβᾶν  καὶ  ἐξέβαλον  αὐτοὺς  ἀπὸ  τῶν  ὁρίων  αὐτῶν.  51   οἱ  δὲ  ἐκτιναξάμενοι  τὸν  κονιορτὸν  τῶν  ποδῶν  ἐπ’  αὐτοὺς  ἦλθον  εἰς  Ἰκόνιον,  52   οἱ  τε  μαθηταὶ  ἐπληροῦντο  χαρᾶς  καὶ  πνεύματος  ἁγίου. 
<< Acts 13 >>
Biblos Greek and Hebrew Study Bible © 2010 Biblos.com
Online Parallel Bible